. අන්ජානි අවුරුදු 23 ක වාර්තාවක් බිඳදමයි | කෙළිමඬල
2018 දෙසැම්බර් මස 14 වැනි සිකුරාදා
අන්ජානි අවුරුදු 23 ක වාර්තාවක් බිඳදමයි
2018-10-28 17:36:10 | නාමල් පතිරගේ මාතර කොටවිල සිට...

මාතර, කොටවිල ක්‍රීඩා සංකීර්ණයේදී පැවැති 30 වැනි ජාතික යොවුන් ක්‍රීඩා හා මලල ක්‍රීඩා තරගාවලියේදී වසර 23 ක් පැරණි වාර්තාවක් බිඳ දැමීමට දුර පැනීමේ ක්‍රීඩිකා අන්ජානි පුලවංශ සමත් වූවාය.

කොළඹ දිස්ත්‍රික්කයේ ක්‍රීඩිකාවක් වන ඇය පෙරේදා (27) දුර පැනීම වයස 20 න් ඉහළ කාන්තා ඉසව්වේදී මීටර් 5.96 ක් වන පිම්මක් සාර්ථක කර ගනිමින් එම දස්කම දැක්වූවාය. ඒ 1994 දී කළුතර දිස්ත්‍රික්කය නියෝජනය කරමින් තරග වැදුණු ශෂිකලා නිම්මිද සොයිසා මීටර් 5.79 කට පිහිටුවා තිබූ එහි වාර්තාව බිඳ දමමිනි.

මෙම ඉසව්වේ ශ්‍රී ලංකා වාර්තාව මීටර් 6.43 ක් වන අතර, ඊට හිමිකම් කියන්නේ එන්.සී.ඩී. ප්‍රියදර්ශනීය. මේ අතර එදින වාර්තාවූ සෙසු මලල ක්‍රීඩා නව තරග වාර්තා අතර කෑගල්ල කලාපයේ රන්දිකා ගුණතිලක වයස 20 න් පහළ කාන්තා මීටර් 100 කඩුලු පැන දිවීමේ ඉසව්ව තත්ත්පර 15.24 කට නිම කරමින් පිහිටුවූ නව වාර්තාවද කැපීපෙනුනි. බී.එස්. දුලක්ෂි ගම්පහ කලාපය නියෝජනය කරමින් මීට ප්‍රථම එහි නව වාර්තාවට හිමිකම් කීවේ තත්පර 15.50 කටය.

පසිඳු කොඩිකාර  මීටර් 400 වයස 20 න් පහළ පිරිමි ඉසව්ව තත්පර 47.58 කට නිමකරමින් නව වාර්තාවට හිමිකම් කීවේය.

මේ අතර කොටවිල ගෘහස්ථ පිටියේදී පෙරේදා පැවැති ජාතික යොවුන් ක්‍රීඩා කඹ ඇදීමේ තරගාවලියේ පිරිමි අවසන් මහ තරගයට අනුරාධපුර කණ්ඩායම නොපැමිණීමෙන් ගම්පහ කණ්ඩායමට නිතරග ජයක් අත්විය. පිරිමි අවසන් මහ තරගය එසේ වුවත් කඹ ඇදීම අනුරාධපුර පිලට එරෙහිව කාන්තා අවසන් මහා තරගය ජය ගනිමින් රන් පදක්කම දිනා ගැනීමට කොළඹ ක්‍රීඩිකාවෝ සමත් වූහ.

පසුගිය තරගාවලියේදී පිරිමි කඹ ඇදීමේ රන් පදක්කම දිනාගත්තේද ගම්පහ දිස්ත්‍රික්කය විසිනි. එවර කාන්තා ශූරතාව දිනාගත්තේ කෑගල්ල දිස්ත්‍රික්කයයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
මාලිංගට - මැතිව්ස්ට කෝටි 5 ක ලංසු...
2018-12-12 17:43:10
ලබන වසරේදී (2019) පැවැත්වෙන ඉන්දීය ප්‍රිමියර් ලීග් (අයි.පී.එල්.) තරගාවලියට ක්‍රීඩකයන් තෝරගැනීම සඳහා පැවැත්වෙන වෙන්දේසියේදී ශ්‍...
නවසීලන්ත ක්‍රීඩකයෝ පෙරමුණ ගනිති...
2018-12-11 19:51:35
ශ්‍රී ලංකාව සහ නවසීලන්තය අතර ටෙස්ට් තරගාවලිය ආරම්භ වීමට දින හතරකට පෙර, අන්තර් ජාතික ක්‍රිකට් සභාව විසින් නිකුත් කරන ලද නවතම ක්&zwj...