. ඩයලොග් පිල මාස් හෝල්ඩින්ස් පරදවයි | කෙළිමඬල
2019 ජනවාරි මස 23 වැනි බදාදා
ඩයලොග් පිල මාස් හෝල්ඩින්ස් පරදවයි
2018-11-01 14:56:59 | ශානුක අරවින්ද
වෙළෙඳ සේවා පැසිපන්දු සංගමය සංවිධානය කරන වෙළෙඳ සේවා ලීග් පැසිපන්දු තරගාවලියේ ‘ඒ’ කාණ්ඩායේ පිරිමි මූලික වටයේ තරගයකදී මාස් හෝල්ඩින්ස් කණ්ඩායමට එරෙහිව ලකුණු 72-69 ක තියුණු ජයක් වාර්තා කිරීමට ඩයලොග් ආසියාටා කණ්ඩායම සමත් විය. 
 
පළමු අර්ධය අවසානයේ ලකුණ 34-23 ක් ලෙස පෙරමුණ ගැනීමට මාස් හෝල්ඩින්ස් කණ්ඩායම සමත් වූ නමුත් දෙවැනි අර්ධය තුළදී දක්ෂ ක්‍රීඩා විලාශයක් පෙන්නුම් කළ ඩයලොග් ආසියාටා ක්‍රීඩකයෝ තරගය නිමා වන විට දෙපිලේ ලකුණු සංඛ්‍යාව 63-63 ක් ලෙස සම තත්වයට පත්කළහ. 
 
හිමිවූ අතිරේක කාලයේදී ලකුණු 9 ක් රැස්කළ ඩයලොග් ආසියාටා කණ්ඩායම තරගයේ ජයග්‍රහණය තමන් සතු කරගත් අතර මාස් හෝල්ඩිග්ස් කණ්ඩායමට එහිදී ලබාගත හැකි වූයේ ලකුණු 6 ක් පමණි. 
 
තිඹිරිගස්යාය හෙන්රි පේද්‍රිස් පැසිපන්දු පිටියේදී පැවැති මෙම තරගයේ දක්ෂතම ක්‍රීඩකයා ලෙස ලකුණු 26 ක් රැස්කළ ඩයලොග් ආසියාටා කණ්ඩායමේ ධනුෂ්ක මුතුකුඩාරච්චි සම්මාන දිනාගත්තේය. 
 
තරගාවලියේ 41 වැනි දිනයේදී පැවැති තවත් ‘ඊ’ කාණ්ඩායේ තරග දෙකකදී අයි.එෆ්.එස්. කණ්ඩායම පරාජය කිරීමට ඩබ්ලිව්.එන්.එස්. ග්ලෝබල් කණ්ඩායමද, මොර්සෑන්ඞ් කණ්ඩායම පරාජය කිරීමට එයිට්කේන් ස්පෙන්ස් කණ්ඩායමද සමත් විය. 
 
‘ඒ’ කාණ්ඩය 
ඩයලොග් ආසියාටා කණ්ඩායම විසින් ලකුණු 72-69 ක් ලෙස මාස් හෝල්ඩින්ස් කණ්ඩායම පරාජය කරන ලදි. 
තරගයේ වීරයා - ධනුෂ්ක මුතුකුඩාරච්චි (ඩයලොග් ආසියාටා කණ්ඩායම) - ලකුණු 26 
 
‘ඊ’ කාණ්ඩය  
ඩබ්ලිව්.එන්.එස්. ග්ලෝබල් කණ්ඩායම විසින් ලකුණු 55-46 ක් ලෙස අයි.එෆ්.එස්. කණ්ඩායම පරාජය කරන ලදි. 
තරගයේ වීරයා - රිෆ්ඛාන් නිලාෆිර් (ඩබ්ලිව්.එන්.එස්. ග්ලෝබල් කණ්ඩායම) - ලකුණු 23 
 
එයිස්කේන් ස්පෙන්ස් කණ්ඩායම විසින් ලකුණු 42-41 ක් ලෙස මෝර්සෑන්ඞ් කණ්ඩායම පරාජය කරන ලදි. 
තරගයේ වීරයා - රෂ්මික ලෝරන්ස් (එයිස්කේන් ස්පෙන්ස් කණ්ඩායම) - ලකුණු 19  
 
 
ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා ‘ඒ’ පිලට 1-0 ක තරගාවලි ජයක්...
2019-01-16 12:42:19
සංචාරක අයර්ලන්ත ‘ඒ’ කණ්ඩායම සහ ශ්‍රී ලංකා ‘ඒ’ කණ්ඩායම අතර සූරියවැව මහින්ද රාජපක්‍ෂ ජාත්‍යන්තර ක්‍ර...
අවිශ්ක - මිලින්ද ‘ඒ’ පිල දිනවති...
2019-01-19 10:02:21
සංචාරක අයර්ලන්ත ‘ඒ’ කණ්ඩායම එරෙහිව සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී අද (19 වැනිදා) පැවැත...
ක්‍රිකට් කාපාළුවෝ ක්‍රීඩා ඇමතිටත් අල්ලස් දෙන්න හදත...
2019-01-18 20:45:26
  ශ්‍රී ලංකා ක්‍රිකට් කණ්ඩායමට ක්‍රීඩකයන් ඇතුළත් කිරීම සඳහා තමන්ට අල්ලස් දීමට තැත්කළ අය පිළිබඳව ජාත්‍යන්තර ක්...
පැටර්සන් - ඩෝරන් ඕස්ට්‍රේලියානු පිල ඔසවා තබති ...
2019-01-17 05:20:22
සංචාරක ශ්‍රී ලංකා කණ්ඩායම සහ ඕස්ට්‍රේලියානු  ක්‍රිකට් ආයතන කණ්ඩායම අතර හෝබාට්හි බෙලෙරිව් ඕවල් ක්‍රීඩාංගණයේදී අද (1...