. සුපර් ලීග් පිරිමි තරග 6 දා ඇරඹෙයි | කෙළිමඬල
2019 මාර්තු මස 19 වැනි අගහරුවාදා
සුපර් ලීග් පිරිමි තරග 6 දා ඇරඹෙයි
2018-11-03 16:05:33 | ශානුක අරවින්ද

ශ්‍රී ලංකා වොලිබෝල් සම්මේලනය සංවිධානය කරන මන්චි ජාතික වොලිබෝල් තරගාවලියේ සුපර් ලීග් කාණ්ඩයේ පිරිමි මූලික වටයේ තරග මේ මස 6 වැනිදා සිට 9 වැනිදා දක්වා මහරගම ජාතික තරුණ සේවා සභා ගෘහස්ත ක්‍රීඩාංගණයේදී පැවැත්වේ.

සිලෝන් බිස්කට් සමාගමේ අනුග්‍රාහයෙන් පැවැත්වෙන මෙම තරගාවලියේ සුපර් ලීග් කාණ්ඩයේ තරග සඳහා පිරිමි කණ්ඩායම් 8 ක් සුදුසුකම් ලබා සිටියි. විදුලිබල මණ්ඩලය, ජාතික තරුණ සේවා සභාව, ගුවන් හමුදාව, යුද හමුදාව, පොලිසිය, වරාය අධිකාරිය, නාවික හමුදාව සහ මාස් ලෙෂර් ලයින් එම කණ්ඩායම් 8 යි.

එහිදී විදුලිබල මණ්ඩලය, වරාය අධිකාරිය, නාවික හමුදාව සහ පොලිසිය ‘ඒ’ කාණ්ඩය යටතේ තරග වදින අතර යුද හමුදාව, ගුවන් හමුදාව, මාස් ලෙෂර් ලයින් සහ ජාතික තරුණ සේවා සභාව ‘බී’ කාණ්ඩය යටතේ තරග වැදීමට නියමිතය.

මූලික වටයේදී සෑම කණ්ඩායමක්ම තම කාණ්ඩයට අයත් සෙසු කණ්ඩායම් සමගින් තරග වැදීමට සිදුවන අතර අවසානයේ කාණ්ඩ දෙකේ ශූරයන් සහ අනු ශූරයන් අවසන් පූර්ව වටයට සුදුසුකම් ලබාගනු ඇත. මූලික වටයේදී පැවැත්වීමට නියමිත තරග සංඛ්‍යාව 12 කි.

අවසන් පූර්ව වටයේ තරග 9 වැනිදා පෙරවරුවේදී පැවැත්වෙන අතර එම තරගවලදී පරාජයට පත්වන කණ්ඩායම් දෙක අතර තෙවැනි ස්ථානය තේරීමේ තරගයද එදිනම පස්වරුවේ පැවැත්වීමට නියමිතය.

අවසන් පූර්ව වටයේ තරගවලදී ජය ලබන කණ්ඩායම් දෙක අතර අවසන් මහ තරගය දෙසැම්බර් මස 16 වැනිදා පැවැත්වීමට කටයුතු යොදා තිබේ. මෙම සියලුම තරග මහරගම ජාතික තරුණ සේවා සභා ගෘහස්ත ක්‍රීඩාංගණයේදී පැවැත්වේ.

 

තරග කාල සටහන

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ජ්‍යෙෂ්ඨයන්ගේ වෙනස...
2019-03-12 20:40:07
දකුණු අප්‍රිකාවට එරෙහිව පැවැති ටෙස්ට් තරගාවලිය ජයගැනීමෙන් පසු උදාන කතා කී කිසිවකු එක්දින තරගාවලියේද කළ දෙයක් නැත. එක්දින තරගාවලියේ සිට...
උදානගේ හුදෙකලා පිතිහරඹය අපතේ යයි...
2019-03-13 16:29:32
  ශ්‍රී ලංකාවට එරෙහිව පෝට් එලිසබෙත්හිදී අද (13 වැනිදා) පැවැති සිවුවැනි එක්දින තරගයෙන් කඩුලු 6 ක පහසු ජයක් අත්කර ගැනීමට දකුණු අප...
අම්ලාට අවසන් එක්දින තරග දෙකත් අහිමිවෙයි...
2019-03-12 22:00:38
දකුණු අප්‍රිකානු කණ්ඩායමේ මුල් පෙළ පිතිකරු හෂීම් අම්ලාට ශ්‍රී ලංකාවට එරෙහිව පැවැත්වෙන සිවුවැනි සහ පස්වැනි එක්දින තරග දෙකට සහභාගි ව...
ශ්‍රී ලංකාව 5-0 කින් එක්දින තරගාවලිය පරදී...
2019-03-16 21:00:46
ටෙස්ට් තරගාවලිය පරාජය වී සති තුනක් යාමටත් මත්තෙන් එහි වාඩුව ගත් දකුණු අප්‍රිකානුවෝ ශ්‍රී ලංකාවට එරෙහිව පැවැති එක්දින තරගාවලියේදී 5...