. නැගී එන්නන්ගේ තරගාවලියට 19 න් පහළ කණ්ඩායම් දෙකක් | කෙළිමඬල
2019 මාර්තු මස 24 වැනි ඉරිදා
නැගී එන්නන්ගේ තරගාවලියට 19 න් පහළ කණ්ඩායම් දෙකක්
2018-11-03 19:44:06 | රොෂාන් ගුණරත්න

ශ්‍රී ලංකා ක්‍රිකට් ආයතනය සංවිධානය කරන නැඟී එන කණ්ඩායම් අතර ක්‍රිකට් තරගාවලිය හෙට (4 වැනිදා) කණ්ඩායම් 24 ක සහභාගීත්වයෙන් ආරම්භවන අතර ඊට වයස 19 න් පහළ ‘රෙඞ්’ සහ වයස 19 න් පහළ ‘බ්ලූ’ ලෙස වයස 19 න් පහළ කණ්ඩායම් දෙකක්ද ඇතුළත්ව ඇත. මෙම තරගාවලිය පැවැත්වීම මගින් ලබන මාසයේදී ආරම්භවන පළමු පෙළ තරගාවලිය සඳහා දක්ෂ ක්‍රීඩකයින් තෝරා ගැනීමේ අවස්ථාව ප්‍රධාන පෙළේ ක්‍රීඩා සමාජ වලට හිමිවනු ඇත.

දෙදින තරග ලෙස පැවැත්වෙන මෙම තරගාවලියේ මූලික වටයේ තරග හෙට සිට 14 වැනිදා දක්වා දිවයින පුරා ක්‍රීඩාංගණ කිහිපයකදී පැවැත්වේ. එක් කාණ්ඩයකට කණ්ඩායම් 3 බැගින් කාණ්ඩ 8 ක් යටතේ තරගාවලිය පැවැත්වෙන අතර එක් කණ්ඩායමකට තරග 2 බැගින් හිමිවේ.

ප්‍රමුඛ පෙළේ ක්‍රීඩා සමාජ 22 කට ඇතුළත්වන ක්‍රීඩකයින් 11 සඳහා වයස 23 න් පහළ ක්‍රීඩකයින් 11 දෙනාම හෝ අවම වශයෙන් වයස 23 න් පහළ ක්‍රීඩකයින් 7 දෙනෙකු සමගින් වසය 23 ට වැඩි ක්‍රීඩකයින් 4 දෙනෙකු පමණක් යොදාගනිමින් ක්‍රීඩා කිරීමේ අවස්ථාව ඇත.

ඒ ඒ කාණ්ඩයන්හී ප්‍රසාද ලකුණු සටහනෙහි පෙරමුණ ගන්නා කණ්ඩායම් 8 අතර අර්ධ අවසන් පූර්ව වටයේ තරග මේ මස 17 සහ 18 පැවැත්වීමට නියමිතව ඇත.

අවසන් පූර්ව තරග සහ අවසන් තරගය පැවැත්වෙන දිනයන් පිළිබඳව ශ්‍රී ලංකා ක්‍රිකට් ආයතනය මෙතෙක් තීරණයක ගෙන නොමැත.


තරගාවලියට සහභාගීවන කාණ්ඩ සහ කණ්ඩායම්

‘ඒ’ කාණ්ඩය - එන්.සී.සී, මීගමුව ක්‍රීඩා සමාජය, පානදුර ක්‍රීඩා සමාජය
‘බී’ කාණ්ඩය - සී.සී.සී, වසය 19 න් පහළ කණ්ඩායම (බ්ලූ), බී.ආර්.සී
‘සී’ කාණ්ඩය - යුදහමුදාව, කෝල්ට්ස්, ලංකන්
‘ඩී’ කාණ්ඩය - හලාවත මේරියන්ස් ක්‍රීඩා සමාජය, බදුරලිය ක්‍රීඩා සමාජය, ගාල්ල ක්‍රීඩා සමාජය
‘ඊ’ කාණ්ඩය - නාවික හමුදාව, කළුතර නාගරික ක්‍රීඩා සමාජය, බ්ලූම්ෆීල්ඞ්
‘එෆ්’ කාණ්ඩය - සැරසන්ස්, මූවර්ස්, කුරුණෑගල තරණ ක්‍රීඩා සමාජය
‘ජී’ කාණ්ඩය - වරාය අධිකාරිය, ද්‍රවිඩ සංගමය, ගුවන් හමුදාව
‘එච්’ කාණ්ඩය - එස්.එස්.සී, රාගම ක්‍රීඩා සමාජය, වයස 19 න් පහළ කණ්ඩායම (රෙඞ්)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...