. පාපන්දු සම්මේලනය වැට පනී | කෙළිමඬල
2019 මාර්තු මස 24 වැනි ඉරිදා
පාපන්දු සම්මේලනය වැට පනී
2018-11-04 20:11:21 | නාමල් පතිරගේ

ආසියානු පාපන්දු සමුළුවේ ව්‍යවස්ථා සංශෝධනයට පක්ෂව ශ්‍රී ලංකාව ඡන්දය ප්‍රකාශ කිරීම රටේ විදේශ ප්‍රතිපත්තියට පටහැනි යයි විදේශ කටයුතු අමාත්‍යාංශය දැනුම් දී ඇතැයි ක්‍රීඩා අමාත්‍ය ෆයිසර් මුස්තාපා මහතා පවසයි. පසුගිය සිකුරාදා (2) ක්‍රීඩා අමාත්‍යාංශයේ දී පැවැති විශේෂ මාධ්‍ය හමුවක දී ඇමතිවරයා පැවසුවේ විදේශ කටයුතු අමාත්‍යාංශයේ නීති අංශයෙන් ඒ සම්බන්ධයෙන් තමන්ට ලිඛිතව දැනුම්දීම් කර තිබෙන බවයි.

තමන් ඒ සම්බන්ධයෙන් දැඩි අවධානය යොමු කරන බවත් ශ්‍රී ලංකා පාපන්දු සම්මේලනය රටේ නීතියට පටහැනිව කටයුතු කර තිබේ නම් තමන්ට ඇතැම් විට සම්මේලනය වෙනුවට අතුරු කමිටුවක් පත් කිරීමට එහි විකල්ප ක්‍රියාමාර්ගයකට යාමට පවා සිදුවිය හැකි බවත් එහිදී ඇමැතිවරයා පවසා සිටියේය.

ක්වාලාලම්පූර් නුවර දී පසුගිය ඔක්තෝබර් 30 වැනිදා පැවති ආසියානු පාපන්දු සමුළුවේ ව්‍යවස්ථා සංශෝධනයට පක්ෂව ශ්‍රී ලංකාව ඇතුළු එහි සාමාජික රටවල් 47 න් 43 ක්ම ඡන්දය ප්‍රකාශ කළේය. ඊට විරුද්ධ වූයේ රටවල් හතරක් පමණි.

මේ සම්බන්ධයෙන් සිකුරාදා පැවති මාධ්‍ය හමුවේ දී ක්‍රීඩා ඇමතිවරයා මෙසේ ද පැවසීය.

“විදේශ කටයුතු අමාත්‍යාංශය ඒ පිළිබඳව අපට දැනුම්දීලා තිබෙනවා. ආසියානු පාපන්දු සමුළුවේ ව්‍යවස්ථා සංශෝධනයට අනුව ශ්‍රී ලංකාවේ අනුදැනුම නැතිව පත්වන එහි නිලධාරියෙකුට ශ්‍රී ලංකාවට විරුද්ධව වුවද කටයුතු කිරීමේ භයානක තත්ත්වයක් එමගින් නිර්මාණය වී තිබෙන බව”

“රටවල් හතරක් විතරයි විරුද්ධ වුණේ කියලා මේ ප්‍රශ්නයේ දී කාටවත් ඇඟ බේරගන්න බෑ. අපේ රටට ගැළපෙන දේ මෙතන දී සිද්ධ වෙලා නැති නම් මට ඒ සම්බන්ධයෙන් අවශ්‍ය ක්‍රියාමාර්ග ගන්න වෙනවා” යයිද ඇමතිවරයා පැවසීය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...