. පාකිස්තානය 3-0 කින් නවසීලන්තය පරදවයි | කෙළිමඬල
2019 අපේ‍්‍රල් මස 23 වැනි අගහරුවාදා
පාකිස්තානය 3-0 කින් නවසීලන්තය පරදවයි
2018-11-05 17:30:29 | .

නවසීලන්තයට එරෙහිව ඩුබායි අන්තර් ජාතික ක්‍රිකට් ක්‍රීඩාංගණයේදී ඊයේ (4 වැනිදා) පැවැති තෙවැනි විස්සයි20 තරගයෙන් ලකුණු 47 ක ජයක් ලැබූ පාකිස්තානය, දෙරට අතර පැවැති තරග 3 කින් සමන්විත වූ විස්සයි20 තරගාවලිය 3-0 ක් ලෙස ජයගැනීමට සමත් විය.

ජයග්‍රහණය සඳහා ලකුණු 167 ක ඉලක්කයක් හඹාගිය නවසීලන්ත කණ්ඩායම ඕවර 16.5 අවසානයේ ලකුණු 119 කට සීමා කිරීමට ශඩාබ් ඛාන් ප්‍රමුඛ පාකිස්තාන පන්දු යවන්නෝ සමත් වූහ. එහිදී දක්ෂ පන්දු යැවීමක නිරත වූ ශඩාබ්, ලකුණු 30 කට කඩුලු 3 ක් දවාගත් අතර ඉමාඞ් වසීම් සහ වකාස් මක්සූද් කඩුලු 2 බැගින් බිඳහෙළමින් නවසීලන්ත කණ්ඩායම අඩු ලකුණු සංඛ්‍යාවකට සීමා කිරීම සඳහා ශඩාබ්ට අනගි සහායක් දුන්හ.

නායකත්වයේ ඉනිමක් ක්‍රීඩා කළ කේන් විලියම්සන් පන්දු 38 කදී හයේ පහර 2 ක් සහ හතරේ පහර 8 ක් සමග ලකුණු 60 ක් රැස්කළද, සහායට කිසිවකු නොසිටීම හේතුවෙන් ඔහුට නවසීලන්ත කණ්ඩායම ජයග්‍රහණය කරා ගෙනයෑමට නොහැකි විය. පිතිකරුවන් 8 දෙනෙක්ම ලකුණු 10 සීමාව ඉක්මවා යෑමටත් පෙර ආපසු ගොස් ක්‍රීඩාගාරයේ අසුන්ගැනීම නවසීලන්ත කණ්ඩායමට විශාල පාඩුවක් විය.

කාසියේ වාසිය දිනා පළමුවෙන් පන්දුවට පහරදුන් පාකිස්තාන කණ්ඩායම ඕවර 20 තුළදී කඩුලු 3 ක් දැවී ලකුණු 166 ක් ලබාගත් අතර එහිදී වේගවත් පිතිහරඹයක නිතර වූ බාබර් අසාම් පන්දු 58 කදී ලකුණු 79 ක් රැස්කළේ හයේ පහර 2 ක් සහ හතරේ පහර 7 ක් සමගිනි.

මොහොමඞ් හෆීස් (නොදැවී 53) සමග එක්ව දෙවැනි කඩුල්ල වෙනුවෙන් පන්දු 64 කදී ලකුණු 94 ක් සම්බන්ධතාවක් ගොඩනගමින් පාකිස්තාන ඉනිමේ ලකුණු සංඛ්‍යාව ඉහළ දැමීමටද අසාම් සමත් විය. පන්දු 36 කට මුහුණදුන් හෆීස් හයේ පහර 2 ක් සහ හතරේ පහර 4 ක් සමග සිය අර්ධ ශතකය සම්පූර්ණ කළේය.


පාකිස්තානය - ඕවර 20 කදී කඩුලු 3 ක් දැවී 166
(බාබර් අසාම් 79, මොහොමඞ් හෆීස් නොදැවී 53, ෂොයිබ් මලික් 19, කොලින් ඩි’ග්‍රෑන්ඞ්හෝම් 41/2)

නවසීලන්තය - ඕවර 16.5 කදී සියලු දෙනා දැවී 119
(ග්ලේන් පිලිප්ස් 26, කේන් විලියම්සන් 60, ශඩාබ් ඛාන් 30/3, වකාස් මක්සූද් 21/2, ඉමාඞ් වසීම් 28/2)

 

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...