. විනය කඩකළ ළහිරු ගෙදර යවයි | කෙළිමඬල
2019 මැයි මස 19 වැනි ඉරිදා
විනය කඩකළ ළහිරු ගෙදර යවයි
2018-11-05 21:12:39 | දමින්ද විජේසූරිය

ශ්‍රී ලංකාව සහ එංගලන්තය අතර පැවැත්වෙන ටෙස්ට් තරගාවලිය සඳහා තෝරාගනු ලැබ සිටි ළහිරු කුමාර විනය විරෝධී ක්‍රියාවක් හේතුවෙන් නැවතත් ගෙදර යවා තිබේ. 21 හැවිරිදි ළහිරු කුමාර පළමු ටෙස්ට් තරගය සඳහා සහභාගි වීමේ අපේක්‍ෂාවෙන් ගාල්ලේදී පුහුණුවීම් වල නිරතව සිටියේය.

වැසිබර  සහ අඳුරු කාලගුණය හේතුවෙන් ශ්‍රී ලංකා කණ්ඩායම අද (5 වැනිදා) පුහුණුවීම් කළේ නැත. එහෙත් ශ්‍රී ලංකා කණ්ඩායම පසුගිය දින දෙකේදීම ගාල්ලේ රැඳී සිටිමින් පුහුණුවීම් වල නිරත විය.

ඉතාමත් විශ්වාසකටයුතු ආරංචි මාර්ග වලින් දැනගන්නට ඇත්තේ ළහිරු කුමාර නියමිත වේලාවට වඩා ප්‍රමාද වී සිය කාමරයට පැමිණ ඇති බවයි.

ශ්‍රී ලංකා කණ්ඩායම් කළමණාකාරීත්වය මේ වන විට කණ්ඩායමේ විනය පවත්වාගෙන යාම සම්බන්ධයෙන් දැඩි අවධානයක් යොමුකර තිබේ. මේ වසර තුළදී විනය කඩ කිරීම සම්බන්ධයෙන් දඬුවමට ලක්වූ තුන්වැනි ක්‍රීඩකයා වන්නේ ළහිරු කුමාරයි.

ජෙෆ්රි වැන්ඩසේ සහ ධනුෂ්ක ගුණතිලකද මීට පෙර විනය කඩ කිරීමේ චෝදනාවන්ට ලක්වූහ. ඔවුන් දෙදෙනා අතුරින් ධනුෂ්ක ගුණතිලක දෙවතාවක්ම විනය කඩකිරීමේ චෝදනාවන්ට ලක්විය.

ටෙස්ට් තරග 12 කට සහභාගි වී, කඩුලු 40 ක් දවාගෙන සිටින ළහිරු කුමාර අනාගතය සඳහා බොහෝ බලාපොරොත්තු තැබිය හැකි ක්‍රීඩකයෙකි. ඔහුගේ හොඳම ටෙස්ට් පන්දු යැවීම වන්නේ ලකුණු 122 කට කඩුලු 6 ක් දවාගැනීමයි.

ඡායාරූපය : චතුර එස්. කොඩිකාර

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල සිව්වැනි අයි.පී.එල්. ශුරතාව දිනයි...
2019-05-12 19:40:39
හයිද්‍රාබාද්හි රජීව් ගාන්ධි අන්තර් ජාතික ක්‍රීඩාංගණයේදී අද (12 වැනිදා) පැවැති අවසන් මහ තරගයේදී චෙන්නායි සුපර්කිංග්ස් කණ්ඩායමට එරෙහ...
බංග්ලාදේශ පිල ශ්‍රී ලංකාවට එවන්නේ නෑ - නස්මුල් හස...
2019-05-12 18:40:32
මේ දිනවල ශ්‍රී ලංකාව තුළ පවතින වාතාවරණය අනුව ඉදිරියේදී තවත් ත්‍රස්තවාදී ප්‍රහාර එල්ලවේදැයි සැකයක් හටගෙන තිබීම නිසා එළබෙන ජූලි ...
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...