. පළමු විස්සයි20 තරගයේ ජය ඉන්දියාවට | කෙළිමඬල
2019 අපේ‍්‍රල් මස 23 වැනි අගහරුවාදා
පළමු විස්සයි20 තරගයේ ජය ඉන්දියාවට
2018-11-05 20:49:51 | .

බටහිර ඉන්දීය කොදෙව් කණ්ඩායමට එරෙහිව කොල්කටාහි ඊඞ්න් ගාඞ්න්ස් ක්‍රීඩාංගණයේදී ඊයේ (4 වැනිදා) පැවැති පළමු විස්සයි20 ජාත්‍යන්තර ක්‍රිකට් තරගයෙන් කඩුලු 5 ක ජයක් ලබාගැනීමට ඉන්දීය කණ්ඩායම සමත් විය. එම ජයත් සමග දෙරට අතර පැවැත්වෙන තරග 3 කින් සමන්විත එක්දින තරගාවලිය 1-0 ක් ලෙස පෙරමුණ ගැනීමටද ඉන්දීයාවට හැකි විය.

ජයග්‍රහණය සඳහා ලකුණු 110 ඉලක්කයක් හඹාගිය ඉන්දීය ක්‍රීඩකයෝ ඕවර 17.5 ක් අවසානයේ කඩුලු 5 ක් පමණක් දැවී එම ඉලක්කය සපුරා ගත්හ. දිනේෂ් කාර්තික් (නොදැවී 31) සහ කෘනාල් පාණ්ඩ්‍යා (නොදැවී 21) එක්ව හයවැනි කඩුල්ල වෙනුවෙන් ලකුණු 27 ක නොබිඳුණ සම්බන්ධතාවක් ගොඩනගමින් ඉන්දීය කණ්ඩායම ජයග්‍රහණය කරා ගෙන ගියහ.

පන්දු 34 කදී වාර්තා වූ කාර්තික්ගේ ඉනිමට හයේ පහරක් සහ හතරේ පහර 3 ක් ඇතුළත් වූ අතර පන්දු 9 කදී වාර්තා වූ පාණ්ඩ්‍යාගේ ඉනිම හතරේ පහර 3 කින් සමන්විත විය. ලෝකේෂ් රාහුල් පන්දු 22 කදී හතරේ පහර 2 ක් සමග ලකුණු 16 ක්ද, මනීෂ් පාණ්ඩ්‍යා පන්දු 24 කදී හතරේ පහර 2 ක් සමග ලකුණු 19 ක්ද රැස්කරමින් ඉන්දීය කණ්ඩායමේ ජයග්‍රහණයට සිය දායකත්වය සැපයූහ.

ඔෂේන් තෝමස් ලකුණු 21 කට කඩුලු 2 ක්ද, නායක කාර්ලෝස් බ්‍රැත්වේට් ලකුණු 11 කට කඩුලු 2 ක්ද දවාගනිමින් බටහිර ඉන්දීය කොදෙව් කණ්ඩායම වෙනුවෙන් පන්දුවෙන් දස්කම් දැක්වුවද, ඔවුන්ට සිය කණ්ඩායම පරාජයෙන් ගළවා ගැනීමට නොහැකි විය.

කාසියේ වාසිය දිනා පළමුවෙන් පන්දුවට පහරදුන් බටහිර ඉන්දීය කොදෙව් කණ්ඩායම ඕවර 20 ක් අවසානයේ ලකුණු 109 කට සීමා කිරීමට කුල්දීප් යාදව් ප්‍රමුඛ ඉන්දීය පන්දු යවන්නෝ සමත් වූහ. එහිදී දක්ෂ පන්දු යැවීමක නිතර වූ යාදව් ලකුණු 13 කට කඩුලු 3 ක් බිඳහෙළමින් කොදෙව් ඉනිම අඩපණ කළේය. උමේෂ් යාදව්, කලීල් අහමඞ්, ජස්ප්‍රීත් බුම්රා සහ කෘනාල් පාණ්ඩ්‍යා කඩුල්ල බැගින් දවාගනිමින් කොදෙව් ඉනිම අඩු ලකුණු සංඛ්‍යාවකට සීමා කිරීම සඳහා යාදව්ට අනගි සහායක් දුන්හ.

පිතිකරුවන් 4 දෙනෙක්ම ලකුණු 10 සීමාව ඉක්මවා යෑමටත් මත්තෙන් දැවීයෑම කොදෙව් කණ්ඩායමට විශාල පාඩුවක් වූ අතර කොදෙව් ඉනිමේ වැඩිම ලකුණු ලාභියා බවට පත් වූ ෆබීන් ඇලන් පන්දු 20 කදී හතරේ පහර 4 ක් සමග ලකුණු 27 ක් රැස්කළේය. ශායි හෝප් පන්දු 10 කදී ලකුණු 14 ක් රැස්කළේ හතරේ පහර 3 ක් සමගිනි.

 
බටහිර ඉන්දීය කොදෙව් පිල - ඕවර 20 කදී කඩුලු 8 ක් දැවී 109
(ෆබීන් ඇලන් 27, කීමෝ පෝල් 15, ශායි හෝප් 14, කිරන් පොලාඞ් 14, කුල්දීප් යාදව් 13/3)

ඉන්දීය පිල - ඕවර 17.5 කදී කඩුලු 5 ක් දැවී 110  
(ලෝකේෂ් රාහුල් 16, මනීෂ් පාණ්ඬේ 19, දිනේෂ් කාර්තික් නොදැවී 31, කෘනාල් පාණ්ඩ්‍යා නොදැවී 21)

 

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...