. ක්‍රිකට් දූෂණ මර්ධන ප්‍රධානියාගේ සේවය හිටිහැටියේ අත්හිටුවයි | කෙළිමඬල
2019 මාර්තු මස 24 වැනි ඉරිදා
ක්‍රිකට් දූෂණ මර්ධන ප්‍රධානියාගේ සේවය හිටිහැටියේ අත්හිටුවයි
2018-11-05 21:26:20 | යොහාන් භාසුර

ශ්‍රී ලංකා ක්‍රිකට් ආයතනයේ දූෂණ මර්ධන අංශ ප්‍රධානියා ලෙස කටයුතු කළ විශ්‍රාමික ජ්‍යෙෂ්ඨ පොලිස් අධිකාරී අයේෂ් වීරක්කොඩි මහතාගේ සේවය හිටි හැටියේම අත්හිටුවීමට ශ්‍රී ලංකා ක්‍රිකට් ආයතනය අද (05) පියවර ගත්තේය.

ගාල්ල ජාත්‍යන්තර ක්‍රිකට් ක්‍රීඩාංගණයේදී හෙට (06) ආරම්භ වන ටෙස්ට් තරගයේ සේවය සඳහා ඒ මහතා ගොස් සිටියදී අද නැවත කොළඹට කැඳවා තිබේ.

ඒ මහතාගේ සේවය අත්හිටුවූ බවට ලිපියක් ලබාදී ඇති අතර එහි සේවය අත්හිටුවීමට හේතු දක්වා නොමැති බව වාර්තා වේ.

අයේෂ් මහතා පසුගිය කාලය පුරා ශ්‍රී ලංකා ක්‍රිකට් දූෂණ මර්ධන අංශයේ ප්‍රධානියා ලෙස කැපී පෙනෙන සේවයක් කළ නිලධාරියකු වන අතර ඒ මහතා වසරකට ආසන්න කාලයක් මේ වන විට සේවය කර තිබේ.

ශ්‍රී ලංකා ක්‍රිකට් මුදලට තරග පාවාදුන්නේ යැයි චෝදනා එල්ල වන සිද්ධීන් ඒ මහතා සේවයට පැමිණීමට පෙර ඒවා බව ක්‍රිකට් ආරංචි මාර්ග සඳහන් කරයි.

ක්‍රීඩා අමාත්‍ය ෆයිසර් මුස්තාෆා මහතාගෙන් මෙම සේවය අත්හිටුවීම සම්බන්ධයෙන් කළ විමසුමේදී පැවසුවේ අයේෂ් මහතාගේ සේවය දෙසැම්බර් මස අවසන් වන බවත් ක්‍රිකට් ආයතනයේ දූෂණ මර්ධන ඒකකයක් පිහිටුවීමට බලාපොරොත්තු වන බවත්ය.

“ඒ මහතාට නව දූෂණ මර්ධන ඒකකයේ සේවයට ඉල්ලීමක් කළ හැකියි. එය පාර්ලිමේන්තුවට ඉදිරිපත් කර පිහිටුවන්නයි මගේ අදහස” යැයි ක්‍රීඩා අමාත්‍යවරයා වැඩි දුරටත් පැවසීය.
 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...