. පෙරහුරු තරගයේදී ශ්‍රී ලංකා ක්‍රීඩිකාවෝ පසුබසිති | කෙළිමඬල
2019 අපේ‍්‍රල් මස 23 වැනි අගහරුවාදා
පෙරහුරු තරගයේදී ශ්‍රී ලංකා ක්‍රීඩිකාවෝ පසුබසිති
2018-11-05 21:00:50 | .

අන්තර් ජාතික ක්‍රිකට් සභාව සංවිධානය කරන කාන්තා විස්සයි20 ලෝක කුසලාන ක්‍රිකට් තරගාවලියේ ඇන්ටිගුවාහිදී අද (5 වැනිදා) පැවැති පෙරහුරු තරගයකදී ශ්‍රී ලංකා කාන්තා කණ්ඩායමට එරෙහිව කඩුලු 6 ක ජයක් අත්කර ගැනීමට නවසීලන්ත කාන්තා කණ්ඩායම සමත් විය.

ජයග්‍රහණය සඳහා ලකුණු 99 ක ඉලක්කයක් හඹාගිය නවසීලන්ත ක්‍රීඩිකාවෝ ඕවර 18 ක් අවසානයේ කඩුලු 4 ක් පමණක් දැවී එම ඉලක්කය සපුරාගත්හ. නවසීලන්ත කණ්ඩායමට සාර්ථක ආරම්භයක් ලබාදුන් සුසී බේට්ස් පන්දු 30 කදී හයේ පහරක් සහ හතරේ පහර 4 ක් සමග ලකුණු 34 ක් ලබා සිටියදී, ශෂිකලා සිරිවර්ධනගේ පන්දුවක් හමුවේ නායිකා චමරි අතපත්තු අතට උඩ පන්දුවක් දෙමින් දැවී ගියාය.

මැඩී ග්‍රීන් පන්දු 35 කදී හතරේ පහර 3 ක් සමග ලකුණු 36 ක් ලබා සිටියදී ආබාධයකට ලක්ව පිටියෙන් ඉවත්ව ගිය අතර හේලි ජෙන්සන් නොදැවී ලකුණු 15 ක්ද, බ්නර්ඩින් බෙසුයිඩෙන්හෝට් නොදැවී ලකුණු 9 ක්ද රැස්කරමින් නවසීලන්ත කණ්ඩායමේ ජයග්‍රහණය තහවුරු කළහ.

ඇනා පීටර්සන් (0) සහ ඇමී සැටර්ත්වයිට් (1) දුවද්දී දවාගැනීම් වලට හසුකර ගැනීමට රෙබේකා වැන්ඩොට් සහ අමා කාංචනා සමත් වූ අතර කැටී මාටින් ලකුණු නොළබා දැවී ගියේ උදේෂිකා ප්‍රබෝධනීගේ පන්දුවක් හමුවේ ඕෂදී රණසිංහ අතට උඩ පන්දුවක් දෙමිනි.

පළමුවෙන් පන්දුවට පහරදුන් ශ්‍රී ලංකා කාන්තා කණ්ඩායම ඕවර 20 අවසානයේ ලකුණු 98 කට සීමා කිරීමට නවසීලන්ත පන්ද යවන්නියෝ සමත් වූහ. එහිදී විශිෂ්ට පන්දු යැවීමක නිතර වූ ඇමීලියා කේර් ඕවර 3 ක් යවමින් ලකුණු 13 කට කඩුලු 4 ක් දවාගැනීමමට සමත් වූවාය. ශ්‍රී ලංකා ඉනිම අඩු ලකුණු සංඛ්‍යාවකට සීමා කිරීම සඳහා ඇයට අනගි සහයක් දුන් ජෙස් වැට්කින් ලකුණු 15 කට කඩුලු 2 ක් දවාගත්තාය.

පිතිකාරිණියන් 7 දෙනෙක්ම ලකුණු 10 සීමාව ඉක්මවා යෑමටත් මත්තෙන් දැවීයාම ශ්‍රී ලංකා කණ්ඩායමට විශාල පාඩුවක් වූ අතර එහිදී ශ්‍රී ලංකා ඉනිමේ වැඩිම ලකුණු ලාභිණිය බවට පත් වූ හිටපු නායිකා ශෂිකලා සිරිවර්ධන පන්දු 35 කින් හතරේ පහර 5 ක් සමග ලකුණු 30 ක් රැස්කළාය.


ශ්‍රී ලංකා කාන්තා පිල - ඕවර 20 කදී සියලු දෙනා දැවී 98
(චමරි අතපත්තු 12, හසිනි පෙරේරා 13, ශෂිකලා සිරිවර්ධන 30, ඇමීලියා කේර් 13/4, ජෙස් වැට්ලින් 15/2)

නවසීලන්ත කාන්තා පිල - ඕවර 18 කදී කඩුලු 4 ක් දැවී 99
(සුසී බේට්ස් 34, මැඩී ග්‍රීන් 36, හේලි ජෙන්සන් නොදැවී 15)

 

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...