. නිශාන්ත - චලනි කේවල ශූරතා දිනති | කෙළිමඬල
2018 නොවැම්බර් මස 15 වැනි බ‍්‍රහස්පතින්දා
නිශාන්ත - චලනි කේවල ශූරතා දිනති
2018-11-06 08:05:16 | ශානුක අරවින්ද

ශ්‍රී ලංකා කැරම් සම්මේලනය සංවිධානය කළ 18 වැනි සභාපති කුසලාන කැරම් ශූරතාවලියේ පිරිමි කේවල ශූරතාව දිනාගැනීමට නාවික හමුදාවේ නිශාන්ත ප්‍රනාන්දු සමත් විය. අවසන් මහ තරගයේදී වට 2-0 ක් ලෙස (25/05, 25/18) ගුවන් හමුදාවේ දිනෙත් දුලක්‍ෂණ පරාජය කරමින් ඔහු එම ශූරතාවට හිමිකම් කීවේය.

ගුවන් හමුදාවේ චලනි ලක්මාලි ලියනගේ තරගාවලියේ කාන්තා කේවල ශූරතාව දිනාගැනීමට සමත් වූයේ තියුණු සටනකින් අනතුරුව අවසන් මහ තරගයේදී වට 2-1 ක් ලෙස (25/06, 20/25, 25/19) ගුවන් හමුදාවේ යසිකා රාහුබද්ධ පරාජය කරමිනි.

පිරිමි කේවල තෙවැනි ස්ථානය හිමිකර ගැනීමට කොළඹ රාජකීය විද්‍යාලයේ මොහොමඞ් ෂහීඞ් හිල්මිද, කාන්තා කේවල තෙවැනි ස්ථානය හිමිකර ගැනීමට ගුවන් හමුදාවේ රෙබෙකා ඩැල්රින්ද සමත් වූහ.

කාන්තා කේවල ශූරතාවය දිනාගත් චලනි ලක්මාලි එහි අවසන් මහ තරගයේදී ඇගේ ප්‍රතිවාදී ක්‍රීඩිකාව වූ යසිකා රාහුබද්ධ සමග එක්ව කාන්තා යුගල ශූරතාවයද දිනා ගනිමින් මෙවර තරගාවලියේදී ද්විත්ව ශූරතා හිමිකර ගැනීමට සමත් වූවාය.

පිරිමි කේවල, කාන්තා කේවල, පිරිමි යුගල සහ කාන්තා යුගල ලෙස තරග ඉසව් හතරකින් සමන්විත වූ මෙම තරගාවලිය කොහුවල ශ්‍රී ලංකා කැරම් සම්මේලන මූලස්ථානයේදී පැවැති අතර ඊට දිවයින පුරා තරගකරුවන් තුන්සීයකට අධික පිරිසක් සහභාගී වූහ.


පිරිමි කේවල
නිශාන්ත ප්‍රනාන්දු (නාවික හමුදාව) විසින් වට 2-0 ක් ලෙස දිනෙත් දුලක්‍ෂණ (ගුවන් හමුදාව) පරාජය කරන ලදි. (25/05, 25/18)

කාන්තා කේවල
චලනි ලක්මාලි ලියනගේ (ගුවන් හමුදාව) විසින් වට 2-1 ක් ලෙස යසිකා රාහුබද්ධ (ගුවන් හමුදාව) පරාජය කරන ලදි. (25/06, 20/25, 25/19)

 

පිරිමි කේවල ශූරතාව දිනාගත් නිශාන්ත ප්‍රනාන්දු සහ අනු ශූරතාව හිමිකරගත් දිනෙත් දුලක්‍ෂණ

කාන්තා කේවල ශූරතාව දිනාගත් චලනි ලක්මාලි ලියනගේ සහ අනු ශූරතාව හිමිකරගත් යසිකා රාහුබද්ධ

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ක්‍රිකට් කළමණාකරු තනතුර දමා යන්න යයි...
2018-11-11 21:05:59
ශ්‍රී ලංකා ක්‍රිකට් කණ්ඩායමේ කළමනාකරු ලෙස කටයුතු කළ චරිත් සේනානායක මහතා එම තනතුරෙන් ඉල්ලා අස් වී තිබේ. වහාම ක්‍රියාත්මක වන පරි...
ශ්‍රී ලංකා පිල ලකුණු 447 ක් පසුපසින් ...
2018-11-08 13:07:21
එංගලන්තයට එරෙහිව ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන පළමු ටෙස්ට් තරගයේ ජයග්‍රහණය සඳහා ලකුණු 462 ක ඉලක්කයක් ...
තනි කකුලෙන් ඒ දණ්ඬේ යන්න යයි...
2018-11-13 21:11:54
දිනේෂ් චන්දිමාල් අමාරුවේ වැටෙන්නේ කොතැනද සුරංග ලක්මාල් ගැලවුම්කාරයා ලෙස එතැන සිටී. ශ්‍රී ලංකා පිලේ බටහිර ඉන්දීය කොදෙව් සංචාරයේ සිටම සි...
කරන් තරගයේ වාසිය තනි අතින් උදුරා ගනී...
2018-11-14 09:57:30
පැය පහක කාලයක් පුරා ශ්‍රී ලංකා ක්‍රීඩකයන් විසින් රඳවා ගන්නා ලද තරගයේ වාසිය පැයක් තුළදී තනි අතින් උදුරාගත් සෑම් කරන් ශ්‍රී ලංකා...