. ක්‍රිකට් කළමණාකරු තනතුර දමා යන්න යයි | කෙළිමඬල
2018 දෙසැම්බර් මස 14 වැනි සිකුරාදා
ක්‍රිකට් කළමණාකරු තනතුර දමා යන්න යයි
2018-11-11 21:05:59 | .

ශ්‍රී ලංකා ක්‍රිකට් කණ්ඩායමේ කළමනාකරු ලෙස කටයුතු කළ චරිත් සේනානායක මහතා එම තනතුරෙන් ඉල්ලා අස් වී තිබේ. වහාම ක්‍රියාත්මක වන පරිදි ශ්‍රී ලංකා ක්‍රිකට් කණ්ඩායමේ නව කළමනාකරු ලෙස ජෙරී වවුටර්ස් මහතා පත් කිරීමට ක්‍රිකට් ආයතනය පියවර ගෙන ඇති බව ශ්‍රී ලංකා ක්‍රිකට් ආයතනය නිවේදනය කරයි.

නවසීලන්ත සංචාරයේදී ශ්‍රී ලංකා ක්‍රිකට් කණ්ඩායමේ කළමණාකරු තනතුරෙන් චරිත් සේනානායක මහතා ඉවත් කර තිබේ. එසේ ඉවත් කිරීම සම්බන්ධයෙන් ශ්‍රී ලංකා ක්‍රිකට් බලධාරීන්ගෙන් හේතු විමසීමේදී සේනානායක මහතාට දන්වා ඇත්තේ සේනානායක මහතා සමග කටයුතු කිරීම අසීරු යයි කණ්ඩායමේ සහාය කාර්ය මණ්ඩලය සහ ජ්‍යෙෂ්ඨ ක්‍රීඩකයන් පැමිණිලි කරන බවයි.

“ඉතින් මාත් එක්ක වැඩ කරන්න අපහසු නම්, මම ඉන්න එක කණ්ඩායමේ දස්කම් වලට බාධාවක් නම්, මම තවදුරටත් කණ්ඩායමේ ඉන්නේ මොකටද ? මම ඉල්ලා අස්වීමේ ලියුම දුන්නා” යයි චරිත් සේනානායක මහතා පැවසීය.

ශ්‍රී ලංකා ක්‍රිකට් කණ්ඩයමේ හිටපු ආරම්භක පිතිකරුවකු වන චරිත් සේනානායක මහතා දකුණු අප්‍රිකානු සංචාරයේදී ශ්‍රී ලංකා කණ්ඩායමේ කළමනාකරු තනතුරුට පත් වූයේ එතෙක් එම තනතුර හෙබවූ අසංක ගුරුසිංහ මහතා ශ්‍රී ලංකා ක්‍රිකට් ආයතනයේ ප්‍රධාන මෙහෙයුම් නිලධාරී තනතුරට පත්වීමත් සමගිනි.

ඉකුත් සිකුරාදා ගාල්ලේදී (පළමු ටෙස්ට් තරගය නිමා වීමෙන් අනතුරුව) ශ්‍රී ලංකා ක්‍රිකට් ආයතයේ බලධාරීන් සමග සාකච්ඡා කිරීමෙන් පසුව සේනානායක මහතා සිය ඉල්ලා අස්වීමේ ලිපිය ශ්‍රී ලංකා ක්‍රිකට් ආයතනයට බාරදී තිබේ.

වසර 2016 දී දකුණු අප්‍රිකානු සංචාරයට පෙරදීත් චරිත් සේනානායක මහතා කණ්ඩායමෙන් ඉවත් කරන ලදි. එහෙත් පසුව ශ්‍රී ලංකා කණ්ඩායමේ කළමණාකරු තනතුර හෙබවූ අසංක ගුරුසිංහ මහතාගේ සේවය අවසන් කරමින් චරිත් සේනානායක මහතා නැවතත් ශ්‍රී ලංකා පිලට කැඳවන ලදි.

-036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
මාලිංගට - මැතිව්ස්ට කෝටි 5 ක ලංසු...
2018-12-12 17:43:10
ලබන වසරේදී (2019) පැවැත්වෙන ඉන්දීය ප්‍රිමියර් ලීග් (අයි.පී.එල්.) තරගාවලියට ක්‍රීඩකයන් තෝරගැනීම සඳහා පැවැත්වෙන වෙන්දේසියේදී ශ්‍...
නවසීලන්ත ක්‍රීඩකයෝ පෙරමුණ ගනිති...
2018-12-11 19:51:35
ශ්‍රී ලංකාව සහ නවසීලන්තය අතර ටෙස්ට් තරගාවලිය ආරම්භ වීමට දින හතරකට පෙර, අන්තර් ජාතික ක්‍රිකට් සභාව විසින් නිකුත් කරන ලද නවතම ක්&zwj...