. නැගීඑන කණ්ඩායමේ නායකත්වය අසලංකට | කෙළිමඬල
2019 පෙබරවාරි මස 22 වැනි සිකුරාදා
නැගීඑන කණ්ඩායමේ නායකත්වය අසලංකට
2018-12-02 11:53:48 | ශානුක අරවින්ද

 

ආසියානු ක්‍රිකට් සභාව සංවිධානය කරන නැගී එන කණ්ඩායම් ආසියානු කුසලාන එක්දින ක්‍රිකට් තරගාවලිය සඳහා නම් කරන ලද ශ්‍රී ලංකා සංචිතයේ නායකත්වය තුන් ඉරියව් ක්‍රීඩක චරිත් අසලංකට හිමිව තිබේ. මෙම තරගාවලියේදී අසලංකගේ උප නායකයා ලෙස සම්මු අශාන් නම්කර තිබේ. 

ක්‍රීඩකයන් 15 දෙනෙකුගෙන් සමන්විත ශ්‍රී ලංකා නැගී එන සංචිතයට ශ්‍රී ලංකා කණ්ඩායම නියෝජනය කළ සඳුන් වීරක්කොඩි, අසේල ගුණරත්න, ජෙෆ්රි වැන්ඩසේ, ෂෙහාන් මධුෂංක, කමිඳු මෙන්ඩිස්, අවිෂ්ක ප්‍රනාන්දු සහ අසිත ප්‍රනාන්දු යන ක්‍රීඩකයෝ ඇතුළත්ව සිටිති. 

මේ මස 6 වැනිදා සිට 15 වැනිදා දක්වා මෙම තරගාවලිය පැවැත්වෙන අතර ශ්‍රී ලංකාව ‘ඒ’ කාණ්ඩය යටතේ ඊට එක්ව සිටියි. ‘ඒ’ කාණ්ඩයට අයත් සෙසු රටවල් වන්නේ ඉන්දියාව, ඇෆ්ගනිස්තානය සහ ඕමානයයි. 

පාකිස්තානය, බංග්ලාදේශය, හොං කොං සහ එක්සත් අරාබි එමීර් රාජ්‍යය ‘බී’ කාණ්ඩය යටතේ තරග වැදීමට නියමිතය. 

‘ඒ’ කාණ්ඩයේ මූලික වටයේ තරග දෙසැම්බර් මස 7 වැනිදා සිට ශ්‍රී ලංකාවේදී පැවැත්වේ.  ‘බී’ කාණ්ඩයේ මූලික වටයේ තරග දෙසැම්බර් මස 6 වැනිදා සිට පාකිස්තානයේදී පැවැත්වේ. කාණ්ඩ දෙකේ ශූරයන් සහ අනු ශූරයන් අතර අවසන් පූර්ව තරග පැවැත්වෙන අතර එම තරගවලින් ජය ගන්නා කණ්ඩායම් අවසන් මහ තරගයට සුදුසුකම් ලබාගනු ඇත. 

තරගාවලියේ අවසන් පූර්ව තරග දෙසැම්බර් 13 වැනිදා කොළඹ ආර්. ප්‍රේමදාස ක්‍රීඩාංගණයේදී සහ සී.සී.සී. ක්‍රීඩාංගණයේදී පැවැත්වෙන අතර අවසන් මහ තරගය දෙසැම්බර් 15 වැනිදා ආර්. ප්‍රේමදාස ක්‍රීඩාංගණයේදී පැවැත්වීමට නියමිතය. 

ශ්‍රී ලංකා නැගී එන සංචිතය 
චරිත් අසලංක (නායක), සම්මු අශාන් (උප නායක), කමිඳු මෙන්ඩිස්, අවිෂ්ක ප්‍රනාන්දු, හසිත බෝයගොඩ, සඳුන් වීරක්කොඩි, අසේල ගුණරත්න, නිෂාන් මධුෂංක, ජෙෆ්රි වැනිඩසේ, ලසිත් ඇඹූල්දෙණිය, නිෂාන් පීරිස්, ෂෙහාන් මධුෂංක, අසිත ප්‍රනාන්දු, ජෙහාන් ඩැනියෙල් සහ චාමික කරුණාරත්න 

මූලික වටයේදී ශ්‍රී ලංකාව සහභාගි වන තරග 
දෙසැම්බර් 7 - ඕමානයට එරෙහිව ආර්. ප්‍රේමදාස ක්‍රීඩාංගණයේදීද
දෙසැම්බර් 8 - ඇෆ්ගනිස්තානයට එරෙහිව සී.සී.සී. ක්‍රීඩාංගණයේදීද
දෙසැම්බර් 10 - ඉන්දියාවට එරෙහිව ආර්. ප්‍රේමදාස ක්‍රීඩාංගණයේදීද පැවැත්වේ. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කුසල් විශිෂ්ටත්වය විදහා පෙන්වයි...
2019-02-16 15:33:48
  කුසල් පෙරේරාගේ (නොදැවී 155) අති විශිෂ්ට පිතිහරඹය නිසා දකුණු අප්‍රිකාවට එරෙහිව ඩර්බන් නුවරදී පැවැති පළමු ටෙස්ට් තරගයේදී ...
මම ගැහැව්වේ කෝච් වෙනුවෙන් ...
2019-02-17 15:00:45
ඩර්බන් නුවරදී පැවැති පළමු ටෙස්ට් තරගයේදී දකුණු අප්‍රිකානු කණ්ඩායම පරාජය කරමින් කළ පිතිහරඹය කණ්ඩායමේ පුහුණුකරු (චන්දික හතුරුසිංහ ම...
ශ්‍රී ලංකාව අසීරු හඹායෑමක...
2019-02-15 16:16:09
ඩර්බන් නුවර කිංග්ස්මේඞ් ක්‍රීඩාංගණයේදී පැවැත්වෙන පළමු වැනි ටෙස්ට් තරගයේ තුන්වැනි දිනය වන අද (15 වැනිදා) අයහපත් ආලෝක තත්වය හේතුවෙන් තරග...
ක්‍රීඩකයන්ගේ හැසිරීම ගැන විනය පියවර...
2019-02-18 20:06:24
දකුණු අප්‍රිකානු පිලට එරෙහිව ඩර්බන්හිදී පැවැති පළමු ටෙස්ට් තරගයේ ජයග්‍රහණයෙන් පසුව වීඩියෝ පටයකින් ප්‍රදර්ශනය වූ ශ්‍රී ලංකා...