. මෙහෙදි හසන් කොදෙව් පිල වනසයි | කෙළිමඬල
2019 අපේ‍්‍රල් මස 25 වැනි බ‍්‍රහස්පතින්දා
මෙහෙදි හසන් කොදෙව් පිල වනසයි
2018-12-02 15:03:55 | ...

මෙහෙදි හසන්ගේ (58/7 සහ 59/5) විශිෂ්ට පන්දු යැවීම හමුවේ සංචාරක බටහිර ඉන්දිය කොදෙව් කණ්ඩායම සහ බංග්ලාදේශ කණ්ඩායම අතර පැවැති තරග 2 කින් සමන්විත ටෙස්ට් තරගාවලිය 2-0 ක් ලෙස ජයගැනීමට බංග්ලාදේශ කණ්ඩායම අද (2 වැනිදා) සමත්විය.

බංග්ලාදේශයේ ඩකාහිදී පැවැති දෙවැනි ටෙස්ට් තරගය තවත් දින දෙකක් ඉතිරිව තිබියදීම ඉනිමකින් සහ ලකුණු 184 කින් ජයගැනීමට බංග්ලාදේශ කණ්ඩායම සමත්විය.

දෙවැනි දිනයට ඊයේ (1 වැනිදා) තරගය අවසන් කරනවිට කඩුලු 5 ක් දැවී ලකුණු 75 ක් රැස්කර සිටි කොදෙව් පළමු ඉනිම අද උදෑසන ලකුණු 111 කට සීමාකිරීමට මෙහෙදි හසන් සහ සකීබ් අල් හසන් සමත්වූහ.

ලකුණු 29 කට කඩුලු 5 ක් දැවී තිබියදී හයවැනි කඩුල්ල සඳහා ශිම්රන් හැට්මියර් සහ ශේන් ඩව්රිච් එක්ව ලකුණු 57 ක සම්බන්ධතාවයක් පවත්වමින් කොදෙව් ඉනිම ගොඩනැගීමට උත්සහ දැරුවද හයවැනි කඩුල්ල ලෙස හැට්මියර් දැවීයාමත් සමගින් එම බලාපොරොත්තුවත් සුනුවිසුනුවී ගියේය.

අවසන් කඩුලු 5 ලකුණු 25 ක් තුල දවාගත් බංග්ලාදේශ පන්දු යවන්නෝ කොදෙව්වන්ට වඩා ලකුණු 397 කින් ඉදිරියෙන් සිටිමට සමත්විය.

බංග්ලාදේශ නායක සකීබ් අල් හසන් දඟ පන්දු යවන්නන් 5 දෙනෙකු පමණක් යොදාගනිමින් කොදෙව් පිතිකරුවන් මෙල්ල කිරීමට ගත් උත්සහ සාර්ථක කරගැනීමට සමත්විය. එහිදි දක්ෂ පන්දු යැවීමක නිරතවූ පිට දඟපන්දු යවන ක්‍රීඩක මෙහෙදි හසන් ලකුණු 58 කට කඩුලු 7 ක් සහ නායක සකීබ් අල් හසන් ලකුණු 27 කට කඩුලු 3 ක් දවාගැනීමට සමත්වූහ.

පිට පිට දෙවැනි වරටත් පන්දුවට පහරදීමට සිදුවූ කොදෙව් කණ්ඩායමට ඉනිමක පරාජයෙන් ගැලවිම සඳහා තවත් ලකුණු 397 ක් රැස්කිරීමට අවශ්‍යවූ නමුත් සිය දෙවැනි ඉනිම සඳහා ඔවුන්ට රැස්කිරීමට හැකිවූයේ ලකුණු 213 ක් පමණි.

සියලු පිතිකරුවන් යළිත් අසාර්ථක වනවිට කෙදෙව් කණ්ඩායම ආරක්ෂා කරගැනීම සඳහා හුදකලා සටනක නිරතවූ ශිම්රන් හැට්මියර් පන්දු 92 කදී ලකුණු 93 ක් රැස්කිරීමට සමත්විය. හයේ පහර 9 කින් සහ එක් හතරේ පහරකින් ඔහුගේ ඉනිම අලංකාර විය.

පස්වැනි කඩුල්ල සඳහා ලකුණු 56 ක සම්බන්ධතාවයක් ගොඩනැගීමට ශායි හෝප් සහ ශිම්රන් හැට්මියර් සමත්වූ අතර අවසන් කඩුල්ල සඳහා ලකුණු 42 ක සම්බන්ධතාවයක් පැවැත්වීමට කෙමාර් රෝච් (නොදැවී 37) සහ ශර්මන් ලෙවිස් (20) සමත්වූහ.

පළමු ඉනිමේදී මෙන්ම දෙවැනි ඉනිමේදීද දඟපන්දු යවන්නන් පමණක් යොදාගත් සකීබ් අල් හසන් ඉන් උපරිම ප්‍රයෝජන ගැනීමට සමත්විය. දෙවැනි ඉනිමේදීත් පන්දුවෙන් දස්කම් දැක්වූ මෙහෙදි හසන් ලකුණු 59 කට කඩුලු 5 ක් දවාගත් අතර තයිජුල් ඉස්ලාම් ලකුණු 40 කට කඩුලු 3 ක් දවාගත්තේය.


බංග්ලාදේශ පළමු ඉනිම - ඕවර 154 කදී සියලුදෙනා දැවී 508
(ශද්මන් ඉස්ලාම් 76, මොමිනුල් හක් 29, මොහොමඞ් මිතුන් 29, සකීබ් අල් හසන් 80, මහමුදුල්ලා 136, ලිටන් දාස් 54, තයිජුල් ඉස්ලාම් 26, කාලෝත් බ්‍රැත්වේට් 57/2, කෙමාර් රෝච් 61/2, ජොමෙල් වොරිකන් 91/2, දේවේන්ද්‍ර බිශූ 109/2)

කොදෙව් පළමු ඉනිම - ඕවර 36.4 කදී සියලුදෙනා දැවී 111
(ශිම්රන් හැට්මියර් 39, ශේන් ඩව්රිච් 37, මොහෙදි හසන් 58/7, සකීබ් අල් හසන් 27/3)

කොදෙව් දෙවැනි ඉනිම - ඕවර 59.2 කදී සියලුදෙනා දැවී 213
(ශායි හෝප් 25, ශිම්රන් හැට්මියර් 93, කෙමාර් රෝච් නොදැවී 37, ශර්මන් ලෙවිස් 20, මෙහෙදි හසන් 59/5, තයිජුල් ඉස්ලාම් 40/3)

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ශම්මි සිල්වා...
2019-04-18 18:37:22
“ලෝක පූජිත ක්‍රීඩකයෙක් වුණ පළියට හොඳ නායකයෙක් වෙන්නේ නෑ. හොඳ නායකයෙක් ලෝක පූජිත ක්‍රීඩකයෙක් වෙන්නෙත් නෑ. මාලිංගට තරග 12 ක් ලබා දුන්නා...
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...