. ශ්‍රී ලංකාවට දකුණු ආසියානු පදක්කම් 5 ක් | කෙළිමඬල
2019 මාර්තු මස 18 වැනි සඳුදා
ශ්‍රී ලංකාවට දකුණු ආසියානු පදක්කම් 5 ක්
2018-12-03 18:50:23 | ශානුක අරවින්ද

නේපාලයේ කත්මන්ඩු නුවරදී පැවැති වයස 21 න් පහළ දකුණු ආසියානු බැඞ්මින්ටන් ශූරතාවලියේදී රිදී පදක්කම් 2 ක් සහ ලෝකඩ පදක්කම් 3 ක් දිනාගැනීමට ශ්‍රී ලංකා ක්‍රීඩක ක්‍රීඩිකාවෝ සමත් වූහ. ඉන් රිදී පදක්කම් 2 සහ ලෝකඩ පදක්කම් 2 ක් කේවල ඉසව්වලදී හිමි වූ අතර සෙසු ලෝකඩ පදක්කම හිමිවූයේ කණ්ඩායම් ඉසව්වෙනි.

එහිදී ඉහළ දස්කම් දැක්වීමට රන්තුෂ්ක සසිඳු සමත් වූයේ ශ්‍රී ලංකාවට හිමි වූ රිදී පදක්කම් දෙකම තමන් සතුකර ගනිමිනි. පිරිමි කේවල සහ මිශ්‍ර යුගල ඉසව්වල අවසන් මහ තරග දෙකට සුදුසුකම් ලැබීමට රන්ෂ්ක සමත් වුවද, අවසන් මහ තරගවලදී පරාජයට පත්වීම නිසා ඔහුට රිදී පදකක්ම්වලින් සෑහීමකට පත්වීමට සිදුවිය.

පිරිමි කේවල ඉසව්වේ අවසන් මහ තරගයේදී ඉන්දියාවේ ප්‍රියන්ෂු රාජාවත් හමුවේ වට 2-1 ක් ලෙස (16/21, 21/17, 21/16) පරාජයට වූ රන්තුෂ්ක, මිශ්‍ර යුගල ඉසව්වේ අවසන් මහ තරගයේදී වට 2-0 ක් ලෙස (21/10, 21/16) ඉන්දියාවේ විෂ්නුවර්ධන් ගෞඞ් සහ ටැනීෂා ක්‍රාස්ටෝ හමුවේ පරාජයට පත්විය. ඩිල්මි ඩයස් එහිදී රන්තුෂ්කගේ සහයාක ක්‍රීඩාකාව ලෙස කටයුතු කළාය.

ආජන්ටිනාවේ පැවැති යොවුන් ඔලිම්පික් තරගාවලියේදී මිශ්‍ර ජාත්‍යන්තර කණ්ඩායම් ඉසව්වේ රන් පදක්කම දිනාගත් හසිනි අම්බලන්ගොඩ, මෙම තරගාවලියේදී කාන්තා අවසන් පූර්ව වටයට සුදුසුකම් ලබාගත්තාය. එහෙත් එහිදී ඉන්දියාවේ පූර්වා බූර්වි හමුවේ වට 2-1 ක් ලෙස (21/19, 9/21, 21/10) පරාජය වීම නිසා ඩිල්මිට ලෝකඩ පදක්කමකින් සෑහීමකට පත්වීමට සිදුවූවාය.

පිරිමි කණ්ඩායම් ඉසව්වේ අවසන් පූර්ව වටයේදී පරාජයට පත්වූ චරිත් ඉලේපෙරුම සහ චමත් ඩයස්ද එම ඉසව්වේ ලෝකඩ පදක්කමකට හිමිකම් කීහ. මෙම තරගාවලියට ශ්‍රී ලංකාවට අමතරව සත්කාරක නේපාලය, ඉන්දියාව, මාලදිවයින සහ බංග්ලාදේශ යන රටවල් නියෝජනය කරමින් ක්‍රීඩක ක්‍රීඩිකාවෝ සහභාගි වූහ.

රන්තුෂ්ක රසිඳු, චරිත් ඉලේපෙරුම, චමත් ඩයස්, දුමින්ද, අබේවික්‍රම, විරේන් නෙත්තසිංහ, ඩිල්මි ඩයස්, හසිනි අම්බලන්ගොඩ සහ හසාරා විජේරත්න යන ක්‍රීඩක ක්‍රීඩිකාවෝ මෙම තරගාවලියේදී ශ්‍රී ලංකාව නියොජ්නය කළහ. ධනුෂ්ක නිලංග මහතා පුහුණුකරු ලෙසත්, කේ.ජී.අයි. උපේන්ද්‍ර මහතා කළමනාකරු ලෙසත් ශ්‍රී ලංකා කණ්ඩායමට එක්ව සිටියහ.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ජ්‍යෙෂ්ඨයන්ගේ වෙනස...
2019-03-12 20:40:07
දකුණු අප්‍රිකාවට එරෙහිව පැවැති ටෙස්ට් තරගාවලිය ජයගැනීමෙන් පසු උදාන කතා කී කිසිවකු එක්දින තරගාවලියේද කළ දෙයක් නැත. එක්දින තරගාවලියේ සිට...
උදානගේ හුදෙකලා පිතිහරඹය අපතේ යයි...
2019-03-13 16:29:32
  ශ්‍රී ලංකාවට එරෙහිව පෝට් එලිසබෙත්හිදී අද (13 වැනිදා) පැවැති සිවුවැනි එක්දින තරගයෙන් කඩුලු 6 ක පහසු ජයක් අත්කර ගැනීමට දකුණු අප...
අම්ලාට අවසන් එක්දින තරග දෙකත් අහිමිවෙයි...
2019-03-12 22:00:38
දකුණු අප්‍රිකානු කණ්ඩායමේ මුල් පෙළ පිතිකරු හෂීම් අම්ලාට ශ්‍රී ලංකාවට එරෙහිව පැවැත්වෙන සිවුවැනි සහ පස්වැනි එක්දින තරග දෙකට සහභාගි ව...
ශ්‍රී ලංකාව 5-0 කින් එක්දින තරගාවලිය පරදී...
2019-03-16 21:00:46
ටෙස්ට් තරගාවලිය පරාජය වී සති තුනක් යාමටත් මත්තෙන් එහි වාඩුව ගත් දකුණු අප්‍රිකානුවෝ ශ්‍රී ලංකාවට එරෙහිව පැවැති එක්දින තරගාවලියේදී 5...