. අවසන් මහ තරග හෙට මහරගමදී | කෙළිමඬල
2019 ජනවාරි මස 19 වැනි සෙනසුරාදා
අවසන් මහ තරග හෙට මහරගමදී
2018-12-14 18:57:32 | ශානුක අරවින්ද

ශ්‍රී ලංකා වොලිබෝල් සම්මේලනය සංවිධානය කරන ජනාධිපති රන් කුසලාන වොලිබෝල් තරගාවලියේ අවසන් මහ තරග හෙට (15 වැනිදා) පෙරවරු 9.00 සිට මහරගම ජාතික තරුණ සේවා සභා ගෘහස්ත ක්‍රීඩාංගණයේදී පැවැත්වේ.

එහි විවෘත පිරිමි අවසන් මහ තරගයේදී ගම්පහ සියනෑතරු ක්‍රීඩා සමාජය සහ කොළඹ බලරැස් ක්‍රීඩා සමාජය තරග වදින අතර විවෘත කාන්තා අවසන් මහ තරගයේදී කුරුණෑගල කැෂුවලයින් ක්‍රීඩා සමාජය සහ කොස්වාඩිය විජය ක්‍රීඩා සමාජය තරග වැදීමට නියමිතය.

විවෘත පිරිමි අවසන් පූර්ව වටයේදී කෑගල්ල දෙබෑගම රන්තරු ක්‍රීඩා සමාජය වට 3-1 කින් පරාජය කරමින් බලරැස් ක්‍රීඩා සමාජය අවසන් මහ තරගයට සුදුසුකම් ලබාගත්තේය. සියනෑතරු ක්‍රීඩා සමාජය අවසන් මහ තරගයට සුදුසුකම් ලබාගත්තේ එහිදී වට 3-0 කින් ආනමඩුව රමීස් ට්‍රැවල්ස් ක්‍රීඩා සමාජය පරාජය කරමිනි.

විවෘත කාන්තා අවසන් පූර්ව වටයේදී වට 3-0 ක් ලෙස රදාවාන ගෝල්ඩන් බර්ඞ්ස් ක්‍රීඩා සමාජය පරාජය කිරීමට කැෂුවලයින් ක්‍රීඩා සමාජය සමත් වූ අතර වට 3-0 ක් ලෙස සියඹලාගොඩ කපිල ක්‍රීඩා සමාජය පරාජය කිරීමට කොස්වාඩිය විජය ක්‍රීඩා සමාජය සමත් විය.

රුවන්වැල්ල රාජසිංහ ක්‍රීඩා සමාජය සහ නාත්තන්ඩිය ධම්මිස්සර ක්‍රීඩා සමාජය වයස 22 න් පහළ පිරිමි අවසන් මහ තරගයට සුදුසුකම් ලබා සිටින අතර මහඋස්වැව රතනපාල ක්‍රීඩා සමාජය සහ කෑගල්ල ඇලමෝනා ක්‍රීඩා සමාජය වයස 22 න් පහළ කාන්තා අවසන් මහ තරගයට සුදුසුකම් ලබා සිටිති.

ඩයලොග් අසියාටා සමාගමේ අනුග්‍රහය යටතේ පැවැත්වෙන මෙම තරගාවලියේ ත්‍යාග ප්‍රදානෝත්සවයේ ප්‍රධාන ආරාධිතයා ලෙස වොලිබෝල් සම්මේලනයේ සභාපති රංජිත් සියඹලාපිටිය මහතා සහභාගි වීමට නියමිතය.


අවසන් මහ තරග කාලසටහන

වයස 22 න් පහළ (කාන්තා)
පෙරවරු 9.00 - මහඋස්වැව රත්නපාල ක්‍රීඩා සමාජය සහ කෑගල්ල ඇලමෝනා ක්‍රීඩා සමාජය අතර

වයස 22 න් පහළ (පිරිමි)
පෙරවරු 11.00 - රුවන්වැල්ල රාජසිංහ ක්‍රීඩා සමාජය සහ නාත්තන්ඩිය ධම්මිස්සර ක්‍රීඩා සමාජය අතර

විවෘත කාන්තා  
පස්වරු 1.00 - කුරුණෑගල කැෂුවලයින් ක්‍රීඩා සමාජය සහ කොස්වාඩිය විජය ක්‍රීඩා සමාජය අතර

විවෘත පිරිමි   
පස්වරු 3.00 - ගම්පහ සියනෑතරු ක්‍රීඩා සමාජය සහ කොළඹ බලරැස් ක්‍රීඩා සමාජය අතර

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා ‘ඒ’ පිලට 1-0 ක තරගාවලි ජයක්...
2019-01-16 12:42:19
සංචාරක අයර්ලන්ත ‘ඒ’ කණ්ඩායම සහ ශ්‍රී ලංකා ‘ඒ’ කණ්ඩායම අතර සූරියවැව මහින්ද රාජපක්‍ෂ ජාත්‍යන්තර ක්‍ර...
තිසරගෙන් පන්දු 26 කදී ලකුණු 74 ක්...
2019-01-13 21:45:55
බංග්ලාදේශ ප්‍රීමියර් ලීග් (බී.පී.එල්.) විස්සයි20 ක්‍රිකට් තරගාවලියේ කොමිලා වික්ටෝරියන්ස් පිල සහ චිතගොන් වයිකිංස් පිල අතර ඩකාහි මීර්පූර් ක්&...
ශ්‍රී ලංකා යොවුන් පිලට කඩුලු 3 ක ජයක් ...
2019-01-12 12:55:36
අභියෝගත්මක ඉලක්කයක් කරා සාර්ථකව ගිය ශ්‍රී ලංකා 19 න් පහළ කණ්ඩායම කොළඹ එස්.එස්.සී. ක්‍රීඩාංගණයේදී පැවැති යොවුන් ටෙස්ට් තරගයේදී කඩුල...
පැතුම් - කමිඳු බලාපොරොත්තු රඳවාගනිති...
2019-01-15 16:13:56
සංචාරක අයර්ලන්ත ‘ඒ’ කණ්ඩායමට එරෙහිව සූරියවැව මහින්ද රාජපක්ෂ ක්‍රීඩාංගණයේදී පැවැත්වෙන නිල නොවන ටෙස්ට් ක්‍රිකට් තරගය තෙව...