. සී. ආර්. - යුද හමුදා තරගය සමවෙයි | කෙළිමඬල
2019 මාර්තු මස 20 වැනි බදාදා
සී. ආර්. - යුද හමුදා තරගය සමවෙයි
2018-12-21 21:29:39 | යොහාන් භාසුර

අන්තර් සමාජ ‘ඩයලොග්’ කුසලාන පළමු කොටසේ ලීග් රග්බි තරගාවලියේ පළමු වටයේ අවසන් සහ හත්වැනි සතියේ තරග ආරම්භ කරමින් රත්මලාන ගුවන් හමුදා පිටියේදී අද (21) පස්වරුවේ පැවැති සී. ආර්. ඇන්ඞ් එෆ්. සී. පිල සහ යුද හමුදා පිල අතර තරග ලකුණු 24-24 ක් ලෙස සම තත්ත්වයෙන් අවසන් විය.

මෙවර තරගාවලියේ සම තත්ත්වයෙන් අවසන් වූ එකම තරගය මෙය වේ.

සී. ආර්. පිල ගෝල දෙකකින් සහ උත්සාහක දිනුම් දෙකකින් ලකුණු ලැබීය. යුද හමුදා පිල ගෝල තුනකින් සහ දඩුවම් පහරකින් ලකුණු රැස්කළේය.  

යුද හමුදා පිල තරගයේ පළමු අර්ධය අවසන් වන විට ලකුණු 14-12 ක් ලෙස පෙරමුණේ පසුවුවද සී. ආර්. පිල දෙවැනි අර්ධයේදී මිනිත්තු දෙකක් තුළ ලකුණු 12 ක් රැස්කිරීම ග්‍රහණය අතහැරුණි.  

පළමු අර්ධයේ තුන්වැනි මිනිතත්ුවේදී සී. ආර්. පිලට ඔමල්ක ගුණරත්න සම්පූර්ණ කළ උත්සාහක දිනුමට තරින්ද රත්වත්තේ අතරේක ලකුණු දෙක එකතු කිරීමත් සමඟ ලකුණු 7-0 ක් ලෙස ලකුණු පුවරුව ක්‍රියාත්මක කිරීමේ ගෞරවය සී. ආර්. පිලට හිමිවිය.

හරිත් බණ්ඩාර 19 වැනි මිනිත්තුවේදී එකතු කළ උත්සාහක දිනුමත් සමඟ සී. ආර්. පිල ලකුණු 12-0 ක් ලෙස ශක්තිමත් විය.

යුද හමුදා පිලට 29 වැනි මිනිත්තුවේදී සුදාරක දික්කුඹුර එකතු කළ උත්සාහක දිනුම ගයාන් සාලින්ද ගෝලයක් බවට ප්‍රවර්ථනය කිරීමෙන් ලකුණු පුවරු 12-7 ක් බවට පත්විය.

නලීන් ප්‍රේමරත්න 38 වැනි මිනිත්තුවේදී යුද හමුදා පිලට උත්සාහක දිනුමක් එකතු කිරීමත් සමඟ ලකුණු පුවරුව 12-12 ක් ලෙස සම වූ අතර ගායාන් සාලින්ද එයට අතිරේක ලකුණු මුසුකිරීමත් සමඟ යුද හමුදා පිල ලකුණු 14-12 ක් ලෙස පළමු වරට පෙරමුණට පැමිණියේය.

යුද හමුදා පිලට දෙවැනි අර්ධයේ දෙවැනි මිනිත්තුවේදී ලැබුණු දඩුවම් පහර අවස්ථාව ගයාන් සාලින්ද සාර්ථක කිරීමත් සමඟ ලකුණු 17-12 ක් ලෙස යුද හමුදාව ලකුණු පහක් ඉදිරියට පැමිණියේය.

අශෝක ජයලාල් දෙවැනි අර්ධයේ 13 වැනි මිනිත්තුවේදී යුද හමුදා පිලට තවත් උත්සාහක දිනුමක් එකතු කළේය. ගයාන් සාලින්ද එහි ගෝල ප්‍රවර්ථනය සාර්ථක කිරීමත් සමඟ ලකුණු තත්ත්වය 24-12 ක් බවට පත්විය.
 
දෙවැනි අර්ධයේ 27 වැනි මිනිත්තුවේ සිට මිනිත්තු දෙකක් තුළදී සී. ආර්. පිල ලකුණු 12 ක් රැස්කිරීමෙන් ලකුණු 24-24 ක් ලෙස සම විය. එහිදී 27 වැනි මිනිත්තුවේදී වජීඞ් ෆව්‍රමි ද, 29 වැනි මිනිත්තුවේදී දුලංජන විජේසිංහ ද, උත්සාහක දිනුම බැගින් එකතු කළහ. තරින්ද රත්වත්තේ ගෝල ප්‍රවර්ථනයක් සාර්ථක කළේය.

දෙපිලම තරගයේ අවසන් මිනිත්තු 11 තුළදී ලකුණු රැස්කිරීමට අපොහොසත් විය.  

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
උදානගේ හුදෙකලා පිතිහරඹය අපතේ යයි...
2019-03-13 16:29:32
  ශ්‍රී ලංකාවට එරෙහිව පෝට් එලිසබෙත්හිදී අද (13 වැනිදා) පැවැති සිවුවැනි එක්දින තරගයෙන් කඩුලු 6 ක පහසු ජයක් අත්කර ගැනීමට දකුණු අප...
ශ්‍රී ලංකාව 5-0 කින් එක්දින තරගාවලිය පරදී...
2019-03-16 21:00:46
ටෙස්ට් තරගාවලිය පරාජය වී සති තුනක් යාමටත් මත්තෙන් එහි වාඩුව ගත් දකුණු අප්‍රිකානුවෝ ශ්‍රී ලංකාවට එරෙහිව පැවැති එක්දින තරගාවලියේදී 5...
හතුරුසිංහ ආපසු කැඳවයි...
2019-03-14 16:31:50
දකුණු අප්‍රිකාවේදී දැන් පැවැත්වෙන තරග සංචාරයේ විස්සයි20 ක්‍රිකට් තරගාවලිය ආරම්භ වීමට පෙර ශ්‍රී ලංකා ක්‍රිකට් පිලේ ප්‍ර...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...