. වෝනර්ට ආපසු එන්න බාධාවක් නෑ | කෙළිමඬල
2019 අපේ‍්‍රල් මස 24 වැනි බදාදා
වෝනර්ට ආපසු එන්න බාධාවක් නෑ
2018-12-27 17:06:12 | .


ඕස්ට්‍රේලියානු පිලේ හිටපු නායක ඬේවිඞ් වෝනර් නැවතත් ජාතික කණ්ඩායමට එකතු කිරීම සම්බන්ධයෙන් සලකා බැලීමේදී ඔහුගේ කණ්ඩායම් සගයින් පැවසූ දේ කිසිම අකාරයේ බලපෑමක් ඇති නොකරන බව ඕස්ට්‍රේලියානු  ක්‍රිකට් ආයතනයේ ප්‍රධාන විධායක නිලධාරී කෙවින් රොබට්ස් මහතා කියයි. 

දකුණු අප්‍රිකාවේ කේප් ටවුන් නුවරදී පැවැති ටෙස්ට් තරගයකදී පන්දුව පළුදු කිරීමේ චෝදනාවට වැරදිකරුවන් වූ ස්ටීවන් ස්මිත් සහ කැමරන් බැන්ක්‍රොෆ්ට් පසුගියදා මාධ්‍ය හමුවේ කියා සිටියේ එම අපකීර්තිමත් උපායේ නිර්මාතෘවරයා අන් කවරකු හෝ නොව ඬේවිඞ් වෝනර් බවයි. ඕස්ට්‍රේලියානු  පිලේ හිටපු ක්‍රීඩකයන් විසින් මෙම ප්‍රකාශ අර්ථගන්වා ඇත්තේ ‘ඬේවිඞ් වෝනර් නැවතත් ඕස්ටේ්‍රලියානු කණ්ඩායමට පැමිණීමේ ගමන අවහිර කරන අන්දමේ කතා’ වශයෙනි. 

එය එසේ වුවත් ඕස්ට්‍රේලියානු  ක්‍රිකට් ආයතනයේ ප්‍රධාන විධායක නිලධාරියා පවසන්නේ  වෝනර් නැවතත් ඕස්ට්‍රේලියානු පිලට එක්වීම සම්බන්ධයෙන් ස්මිත් සහ බැන්ක්‍රොෆ්ට් දෙදෙනාගේ ප්‍රකාශ කිසිම ආකාරයේ බලපෑමක් ඇති නොකරන බවයි. 

ඒවායින් වෝනර්ට කිසියම් අපහසුතාවක් ඇතිවෙනවාද කියා මා නම් දන්නේ නෑ. ඒත් අපේ අරමුණ වෙන්නේ ඬේව් සමගින් ඉදිරියටත් කටයුතු කිරීමයි. කණ්ඩායමට නැවත එක්වීම සම්බන්ධයෙන් ඔහුගේ සැලැස්ම ගැන මා දවස් තුනකට ඉහතදීත් ඔහු සමග කතා කළා” යයි ද රොබට්ස් මහතා පවසා තිබේ. 

“අපි බලන්න ඕනෑ ක්‍රීඩකයන් සමග ඉදිරියට යන ආකාරය ගැන මිසක් අතීතයේදී සිදුවූ දේවල් ගැන නොවේ” යයිද හෙතෙම පැවසීය. 

ඕස්ට්‍රේලියානු  ක්‍රිකට් ලොක්කා වැඩිදුරටත් කියන්නේ ස්ටීවන් ස්මිත් සහ කැමරන් බැන්ක්‍රොෆ්ට් දෙදෙනා මාධ්‍ය නියෝජිතයන් සමග කළ සාකච්ඡා කාලයට නොගැලපෙන බවයි. එමගින් මෙල්බර්න්හිදී පැවැත්වෙන ටෙස්ට් තරගය කෙරෙහි තිබිය යුතු අවධානය වෙනතක ඇදී ගිය බවද ඔහු කියයි. අනෙක් අතට මෙම සිදුවීම සම්බන්ධයෙන් පැවැති පරීක්‍ෂණ වලදී හෙළදරව් වූ කරුණු සමග සංසන්දනය කිරීමේදී ස්ටීවන් ස්මිත් සහ කැමරන් බැන්ක්‍රොෆ්ට් දෙදෙනා අලුතෙන් යමක් හෙළිදරව් නොකළ බවද රොබට්ස් මහතා කියයි. 

“මේ අපකීර්තිමත් උපායේ නිර්මාතෘ තමන් බව වෝනර් පිළිගත්තා වගේම එහි වගකීමත් බාරගත්තා” යයිද රොබට්ස් මහතා පැවසීය. 

“නුඹලාට මුදල් ගෙවන්නේ සෙල්ලම් කරනවාට නෙමේ. දිනනවාටයි.....ඒත් අපගේ කොන්දේසි විරහිත අපේක්‍ෂාව වෙන්නේ ගෞරවනීයව තරග වැදීමයි” යනුවෙන් ඕස්ට්‍රේලියානු  ක්‍රිකට් ආයතනයේ හිටපු ප්‍රධාන විධායක නිලධාරියා වන ජේම්ස් සදර්ලන්ඞ් සහ උසස් දස්කම් ආයතනයේ ලොක්කා වූ පැට් හොවාඞ් තමන්ට කී බවද ස්ටීවන් ස්මිත් කියා තිබුණේය. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...