. යෝෂිත රාජපක්‍ෂට දෙසතියක විවේකයක් | කෙළිමඬල
2019 මාර්තු මස 24 වැනි ඉරිදා
යෝෂිත රාජපක්‍ෂට දෙසතියක විවේකයක්
2019-01-04 11:23:25 | .

අන්තර් සමාජ පළමු කොටසේ රග්බි තරගාවලියට සහභාගි වන කොළඹ ප්‍රධාන රග්බි කණ්ඩායමක් වන සී. එච්. ඇන්ඞ් එෆ්. සී. පිලේ නායකයා මෙන්ම ශ්‍රී ලංකා රග්බි කණ්ඩායමෙ හිටපු නායකයකුද වන යෝෂිත රාජපක්‍ෂ තුවාල ලබා තිබේ. ඔහුගේ හිසට සිදුවූ තුවාල හේතුවෙන් සැත්කමක්ද කර තිබෙන අතර නිල නොවන ආරංචි මාර්ග වලින් දැනගන්නට ඇත්තේ යෝෂිතගේ රග්බි දිවියේ අනාගතය ඉතාමත් අවිනිශ්චිත තත්ත්වයකට පත්ව ඇති බවයි. 

මේ අතරවාරයේදී සී.එච්. පිලේ යෝෂිතගේ ස්ථානයට ශ්‍රී ලංකා සම්භවයක් ඇති ඕස්ට්‍රේලියානු ජාතිකයකු වන ඇඩම් ගවුඩර් ආදේශ කර තිබේ.

යෝෂිත රාජපක්‍ෂ ශල්‍යකර්මයකට ලක් කිරීම හේතුවෙන් ඔහුට සති දෙකක් විවේක ගන්නා ලෙස වෛද්‍ය උපදෙස් දී තිබේ. සී. එච්. පිලේ ෆ්ලෑන්කර් ක්‍රීඩකයකු වශයෙන් ක්‍රීඩා කරන යෝෂිත ශල්‍යකර්මයකට මුහුණ දුන් බව සී. එච්. පිලේ පුහුණුකරු රොනී ඊබ්‍රහිම් මහතා තහවුරු කර තිබුණි.

“ඒක පොඩි ඔපරේෂන් එකක්. එයා එදාම ඉස්පිරිතාලෙන් ගියා. කොහොම උනන් නැවත පුහුණුවීම් පටන් ගන්න පෙර එයාට සති දෙකක් විවේක ගන්න කියලා වෛද්‍යවරුන් කියලා තියෙනවා”

“අපිට එයත් එක්ක අවදානමකට යන්න ඕන නෑ. ඒ උණන් එයාගේ දක්‍ෂ නායකත්වය ඉදිරි සති දෙකේදී අපිට අහිමි වෙනවා” යැයි සී. එච්. පිලේ පුහුණුකරු රොනී ඊබ්‍රහිම් මහතා ‘ඬේලි එෆ්.ටී. පුවත්පතතට පවසා තිබුණි.  

නාවික හමුදා පිලට එරෙහිව කොළඹ තුරඟ තරග පිටියේදී හෙට (06) පස්වරුවේ පැවැත්වෙන තරගයට සහභාගි වීමට ඇඩම් ගවුඩර්, ශ්‍රී ලංකා රග්බි සංගමයේ අනුමැතිය ලබාගෙන තිබේ.

ශ්‍රී ලංකා රග්බි සංගමයේ සභාපති ලසිත ගුණරත්න මහතා පැවසුවේ අන්තර්ජාතික රග්බි නීති රීතිවලට අනුව ක්‍රීඩකයකුගේ මුත්තා සහ මිත්තණිය ශ්‍රී ලංකාවේ උපත ලැබූවන් වීම නිසා ඇඩම් ගවුඩර්ට ක්‍රීඩා කිරීමට අනුමැතිය දුන් බවයි. 

 ඇඩම් ගවුඩර්ගේ පියා වන හිලරි රැල්ෆ් ගවුඩර් මහතා කොළඹ උපත ලබා කාර්මික සැළසුම් ශිල්පියකු ලෙස කටයුතු කරමින් සිටියදී ඕස්ටේ්‍රලියාවේ පදිංචියට ගොස් තිබේ. ඇඩම් ගවුඩර්, ඕස්ට්‍රේලියාවේ ගොල්ඞ් කෝස්ට්හි, ක්වින්ස්ලන්ඞ් රග්බි සංගමයට අනුබද්ධ බොන්ඞ් විශ්වවිද්‍යාල කණ්ඩායම නියෝජනය කරයි.   

ඡායාරූපය - චතුර එස්. කොඩිකාර

- 048

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...