. සී. ආර්. මිදුලේදීම පොලීසියෙන් ප්‍රහාරයක් | කෙළිමඬල
2019 අපේ‍්‍රල් මස 20 වැනි සෙනසුරාදා
සී. ආර්. මිදුලේදීම පොලීසියෙන් ප්‍රහාරයක්
2019-01-05 18:54:56 | යොහාන් භාසුර


අන්තර් සමාජ පළමු කොටසේ ‘ඩයලොග්’ කුසලාන ලීග් තරගාවලියේ දෙවැනි වටයේදී පොලිස් ක්‍රීඩකයෝ ලකුණු 21-18 කින් සත්කාරක සී. ආර්. ඇන්ඞ් එෆ්. සී. පිල පරාජය කරමින් පෙරළිකාර ජයක් ලැබීමට සමත් වූහ. මෙම තරගය අද (05) පස්වරුවේ ලොන්ඩන් පෙදෙස සී. ආර්. පිටියේදී පැවැත්විණ.

පොලිස් පිල පළමු වටයේදී තරග දෙකක් පමණක් ජය ලබා හයවැනි ස්ථානයට පත්වූ අතර සී. ආර්. පිල තරග හතරක් ජය ලබා තෙවැනි ස්ථානය හිමිකරගෙන සිටියේය.  හයවැනි ස්ථානයේ සිටි පොලිසියෙන් සී.ආර්. මිදුලේදීම වැදුණේ බලාපොරොත්තු නොවූ ප්‍රහාරයකි.

පොලිස් පිල පළමු අර්ධය අවසන් වන විට ලකුණු 9-7 ක් ලෙස ලකුණු දෙකකින් ඉදිරියෙන් සිටිමින් ප්‍රබල සී. ආර්. පිලට හොඳ අභියෝගයක් යොමු කළේය.

පොලිස් පිලට තරගයේ දෙවැනි මිනිත්තුවේදී ලැබුණු දඩුවම් පහර සචිත් සිල්වා සාර්ථක කිරීමත් සමඟ ලකුණු පුවරුව ක්‍රියාත්මක විය.

සුමුදු රන්කොත්ගේ පස්වැනි මිනිත්තුවේදී ගෝල සීමාව ආක්‍රමණය කළ අතර රීසා රෆයිඩීන් එයට අතිරේක ලකුණු එකතු කිරීමත් සමඟ සී. ආර්. පිල ලකුණු 7-3 ක් ලෙස පළමු වරට ඉදිරියට පැමිණියේය. පොලිස් පිලට 16 වැනි සහ 31 වැනි මිනිත්තුවලදී ලැබුණු දඩුවම් පහර සචිත් සිල්වා සහ ජනිත් චන්දිමාල් සාර්ථක කිරීමෙන් ලකුණු 9-7 ක් ලෙස පොලිසිය නැවතත් පෙරමුණ ගත්තේය.

ජාතික කණ්ඩායම නියෝජනය කරන ප්‍රබල ක්‍රීඩක ඔමල්ක ගුණරත්න දෙවැනි අර්ධයේ අටවැනි මිනිත්තුවේදී සම්පූර්ණ කළ උත්සාහක දිනුමෙන් සී. ආර්. පිල ලකුණු 12-9 ක් ලෙස නැවතත් ඉදිරියට ඇදුණේය.

සචිත් සිල්වා 12 වැනි මිනිතත්ුවේදී සම්පූර්ණ කළ උත්සාහක දිනුමෙන් පොලීසිය ලකුණු තත්ත්වය 14-12 ක් බවට පත්කරමින් සී. ආර්. පිලට පීඩනය වැඩි කළේය.

තරින්ද රත්වත්තේ මිනිත්තු 10 ක් තුළ දඩුවම් පහර දෙකක් සාර්ථක කරමින් දෙවැනි අර්ධයේ 30 වැනි මිනිත්තුව වන විට ලකුණු 18-14 ක් ලෙස සී. ආර්. පිල නැවතත් ඉදිරියෙන් තැබීය.

ශානක හරිස්චන්ද්‍ර තරගයේ අවසන් මිනිත්තුවේදී සී. ආර්. ක්‍රීඩකයන් අන්ද මන්ද කරමින් ගෝල සීමාවේ තිබූ පන්දුව ජනිත් චන්දිමාල් ගෝලයක් බවට ප්‍රවර්ථනය කිරීමෙන් ලකුණු 21-18 ක් ලෙස පොලිස් පිල පෙරළිකාර ජය තහවුරු කරගත්තේය.

 

ඡායාරූප - ගයාන් අමරසේකර

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ලෝක කුසලාන පිලේ නායකත්වය දිමුත්ට...
2019-04-16 12:50:36
ලබන මාසයේදී ආරම්භ වන ලෝක කුසලාන තරගාවලියේදී ශ්‍රී ලංකා කණ්ඩායම මෙහෙයවීමේ වගකීම ටෙස්ට් නායක දිමුත් කරුණාරත්නට පැවරෙනු ඇතැයි වාර්තා වේ. ලෝක කු...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
ලෝක කුසලාන තරගාවලියෙන් ප්‍රබලයෝ විසිවෙති...
2019-04-18 13:53:06
එංගලන්තයේදී ලබන මැයි මස 30 වැනිදා ආරම්භ වන ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා සංචිතයෙන් ශ්‍රී ලංකා පිලේ හිටපු ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
ආරම්භක පිතිකරුවන් තෝරාගැනීමේ හිසරදය...
මේ පාර ලෝක කුසලානය දිනන්න ඕනි නෑ. 2023 ලෝක කුසාලනය ඉලක්ක කරගෙනවත් ටීම් එක තේරුවනම් හොදයි. ක්‍රිකට් දන්න අය ගහපු හැටි අපි දැක්කා හොදටම. අලුත් ක...