. මේරියන්ස් පිලේ ඕෂධ පිතිකරුවන් අතර පෙරමුණ ගනී | කෙළිමඬල
2019 මාර්තු මස 24 වැනි ඉරිදා
මේරියන්ස් පිලේ ඕෂධ පිතිකරුවන් අතර පෙරමුණ ගනී
2019-01-08 17:10:59 | රොෂාන් ගුණරත්න

අන්තර් සාමාජ පළමු පෙළ ක්‍රිකට් තරගාවලියේ ‘ඒ’ ශ්‍රේණිය යටතේ හයවැනි සතිය අවසාන වනවිට හලාවත මේරියන්ස් පිල නියෝජනය කරන ඕෂධ ප්‍රනාන්දු තරග හයකට සහභාගීවී ලකුණු 608 ක් ලබාගනිමින් තරගාවලියේ දැනට වැඩිම ලකුණු ලබාගත් පිතිකරුවා බවට පත්වී ඇත. සචිත්‍ර සේරසිංහ මෙවර තරගාවලියේදී  ශතක 3 ක් සහ අර්ධ ශතක 2 ක් රැස්කර ඇති අතර මූවර්ස් කණ්ඩායමට එරෙහිව ලකුණු 147 රැස්කරගත් ඔහු ඉනිමකදී ලබාගත් ඉහළම ලකුණු සංඛ්‍යාව විය.

මේවර තරගාවලියේදී මේ වනවිට ද්විත්ව ශතක තුනක් වාර්තාවී ඇති අතර කෞෂාල් සිල්වා (210), පැතුම් නිශ්ශංක (නොදැවී 206) සහ ප්‍රියමාල් පෙරේරා (නොදැවී 206) එම ද්විත්ව ශතක වලට හිමිකම් කියූහ. මීගමුව පිලට එරෙහිව ද්විත්ව ශතකයක් (210) ලබාගත් කෞෂාල් සිල්වා මෙවර තරගාවලියේදී පිතිකරුවකු විසින් ඉනිමකදී රැස්කළ වැඩිම ලකුණු සංඛ්‍යාවේ වාර්තාවට හිමිකම් කියන්නේය.

කඩුලු 38 බැගින් ලබාගත් මාලින්ද පුෂ්පකුමාර සහ තරිඳු රත්නායක මෙවර තරගාවලියේදී දැනට වැඩිම කඩුලු දවාගත් පන්දු යවන්නන් අතර පෙරමුණේ පසුවෙති. වමතින් දඟපන්දු යවන සී.සී.සී පිලේ මාලින්ද පුෂ්පකුමාර තරග 4 කට සහභාගිවී ඇති අතර එහිදී ඉනිම හයකදී කඩුලු 5 බැගින් දවාගත් ඔහු කඩුලු 10 බැගින් අවස්ථා 2 කදී දවාගෙන ඇත. පිටදඟපන්දු යවන එස්.එස්.සී. පිලේ තරිඳු රත්නායක තරග 6 කට සහභාගිවී ඇති අතර එහිදී ඉනිම 3 කදී කඩුලු 5 බැගින් දවාගෙන ඇති අතර කඩුලු 10 බැගින් එක් අවස්ථාවකදී දවාගෙන ඇත.

තරගාවලියේ දැනට වාර්තාවී ඇති ඉනිමක හොදම පන්දු යැවීම සැරසන්ස් පිලට එරෙහිව වාර්තා කිරීමට සී.සී.සී පිල නියෝජනය කරමින් වමතින් දඟපන්දු යවන මාලින්ද පුෂ්පකුමාර (37/10) සමත්වී තිබේ. ජීවන් මෙන්ඩිස් (ද්‍රවිඩ සංගමය) සහ චාමිකර එදිරිසිංහ (සී.සී.සී) කඩුලු 9 බැගින් දවාගැනීමට සමත්ව සිටිති. 

තරගයක හොදම පන්දු යැවීම සැරසන්ස් කණ්ඩායමට එරෙහිව වාර්තා කිරීමට සී.සී.සී කණ්ඩායම නියෝජනය කරන මාලින්ද පුෂ්පකුමාර (110/16) සමත්වී ඇත. එස්.එස්.සී කණ්ඩායම නියෝජනය කරන තරිඳු රත්නායක කඩුලු 14 ක්ද, රාගම කණ්ඩායමේ අමිල අපෝන්සු කඩුලු 13 ක්ද, ද්‍රවිඩ සංගම් පිලේ ජීවන් මෙන්ඩිස් කඩුලු 12 ක් ද දවාගනිමින් තරගයක හොඳම පන්දු යැවීම් අතර පිළිවෙලින් දෙවැනි, තෙවැනි සහ සිවුවැනි ස්ථානවල පසුවෙති.

මේ වනවිට තරගාවලියේදී වැඩිම ශතක ලබාගත් පිතිකරුවන් අතර ශතක 3 ක් ලබාගනිමින් පෙරමුණ ගැනීමට හලාවත මේරියන්ස් පිලේ ඕෂධ ප්‍රනාන්දු සමත්විය.

2019/1/06 දින දක්වා පැවැති තරගවල දස්කම් ඇතුළත් කර තිබේ.

Most-runs

High-scores

Most-wickets

Best-bowling-inn Best-Bowling-match       

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...