. කමිල් මිෂාරගෙන් ශතකයක් | කෙළිමඬල
2019 මාර්තු මස 26 වැනි අගහරුවාදා
කමිල් මිෂාරගෙන් ශතකයක්
2019-01-11 15:30:27 | .

කමිල් මිෂාගේ (105) ශතකය නිසා සංචාරක ඕස්ට්‍රේලියානු වයස 19 න් පහළ පිලට එරෙහිව කොළඹ එස්.එස්.සී. ක්‍රීඩාංගණයේදී පැවැත්වෙන තුන්දින ක්‍රිකට් තරගයේ දෙවැනි දිනය වූ අද (11) පස්වරුවේ ක්‍රීඩාව අත්හිටුවන විට ශ්‍රී ලංකා යොවුන් ක්‍රිකට් පිල පළමු ඉනිම වෙනුවෙන් කඩුලු හතක් දැවී ලකුණු 287 ක් රැස්කිරීමට සමත්ව සිටියේය.

ශ්‍රී ලංකා යොවුන් පිල කඩුලු තුනක් අතැතිව ලකුණු 18 ක් ඉදිරියෙන් සිටියි.

දෙවැනි දිනයේ ක්‍රීඩාව අවසන් කරන විට සඳුන් මෙන්ඩිස් (නොදැවී 22) සහ රොහාන් සංජය (නොදැවී 0) පන්දුවට පහර දෙමින් සිටියහ.

කමිල් මිෂාර අනගි ඉනිමක් ක්‍රීඩා කරමින් පන්දු 235 කදී හතරේ පහර 17 ක් සමගින් ලකුණු 105 ක් රැස් කිරීමට සමත් විය.  

කමිල් මිෂාර සහ මොහොමඞ් සමාෂ් අතර දෙවැනි කඩුල්ලට ලකුණු 84 ක සම්බන්ධතාවක් ගොඩනගමින් තව දුරටත් ඉනිම ශක්තිමත් කළහ. මොහොමඞ් සමාෂ් පන්දු 92 කදී හතරේ පහර පහක් සහ හයේ පහරක් සමගින් ලකුණු 43 ක් රැස් කළේය.

ශ්‍රී ලංකා යොවුන් පිලේ පළමු කඩුල්ල ලෙස තවීෂ කහදූවාරච්චි ලකුණු 36 ක් ලබා පිටියෙන් ඉවත් විය.
කමිල් මිෂාර සහ තවීෂ කහදූවාරච්චි ලකුණු 93 ක සම්බන්ධතාවක් පවත්වමින් සාර්ථක ආරම්භයක් ගෙන ඒමට සමත් වූහ.

තරගයේ පළමු දිනය වූ ඊයේ (10) පස්වරුවේ ක්‍රීඩාව අවසන් කරන විට ශ්‍රී ලංකා යොවුන් පිල කිසිවකු නොදැවී ලකුණු 20 ක් රැස්කර සිටියේය.

පළමුව පන්දුවට පහර දුන් ඕස්ට්‍රේලියානු යොවුන් පිල කඩුලු නවයක් දැවී ලකුණු 269 ක් ලබා සිටියදී ඉනිම අත්හිටුවීය.

හෙට (12) තරගයේ තෙවැනි සහ අවසන් දිනයයි.

 

  

ඡායාරූප - චතුර එස්. කොඩිකාර

- 048

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...
අන්තර් පළාත් එක්දින තරගාවලිය 4 වැනිදා සිට...
2019-03-20 16:28:31
  ශ්‍රී ලංකා ක්‍රිකට් ආයතනය සංවිධානය කරන අන්තර් පළාත් එක්දින ක්‍රිකට් තරගාවලිය අප්‍රේල් මස 4 වැනිදා සිට 11 වැනිදා ද...