. උදානගේ දස්කම් රාජෂාහි කිංග්ස් පිල දිනවයි | කෙළිමඬල
2019 මාර්තු මස 26 වැනි අගහරුවාදා
උදානගේ දස්කම් රාජෂාහි කිංග්ස් පිල දිනවයි
2019-01-11 16:54:12 | .

ඉසුරු උදානගේ දක්ෂ පන්දුයැවීම නිසා බංග්ලාදේශ ප්‍රිමියර් ලීග් තරගාවලියේ කුල්නා ටයිටන්ස් කණ්ඩායමට එරෙහිව ඊයේ (10 වැනිදා) පැවැති තරගය කඩුලු 7 කින් ජයගැනීමට රාජෂාහි කිංග්ස් කණ්ඩායම සමත් විය. 

එම තරගයේ කාසියේ වාසිය දිනා පළමුවෙන් පන්දුවට පහරදුන් කුල්නා ටයිටන්ස් කණ්ඩායම ලකුණු 117 කට සීමා කිරීමට ඉසුරු උදාන ප්‍රමුඛ රාජෂාහි පන්දු යවන්නෝ සමත් වූහ. එහිදී දක්ෂ පන්දු යැවීමක නිතර වූ උදාන සිය ඕවර 4 ලකුණු 15 කට සීමා කරමින් කඩුලු 3 ක් දවාගත්තේය. 

කුල්නා ටයිටන්ස් කණ්ඩායමේ ආරම්භක පිතිකරු ජුනේඞ් සිද්දික්ගේ ඉනිම ලකුණු 23 කට සීමා කළ උදාන, අනතුරුව ඬේවිඞ් වයිස්ගේ (14) සහ සුබාෂිස් රෝයිගේ (0) කඩුලු බිඳ දැමුවේය. ඉන් නොනැවතුණ ඔහු ශරිෆුල් ඉස්ලාම් දුවද්දී දවාගැනීමකට හසුකර ගැනීමටද සමත් විය. 

ජයග්‍රහණය සඳහා ලකුණු 118 ක ඉලක්කයක් හඹාගිය රාජෂාහි කිංග්ස් කණ්ඩායම ඕවර 18.5 ක් අවසානයේ කඩුලු 3 ක් පමණක් දැවී එම ඉලක්කය පසුකර ගියේය. 

කුල්නා ටයිටන්ස් කණ්ඩායම - ඕවර 20 කදී කඩුලු 9 ක් දැවී 117 
(පෝල් ස්ටාර්ලින් 16, ජුනේඞ් සිද්දික් 23, ඬේවිඞ් මැලන් 22, ඬේවිඞ් වයිස් 14, ඉසුරු උදාන 15/3, මුස්තෆිරුස් රෙහෙමාන් 18/2) 

රාජෂාහි කිංග්ස් කණ්ඩායම - ඕවර 18.5 කදී කඩුලු 3 ක් දැවී 118 
(මොමිනුල් හක් 44, මෙහෙදි හසන් 51)   

-036 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...
අන්තර් පළාත් එක්දින තරගාවලිය 4 වැනිදා සිට...
2019-03-20 16:28:31
  ශ්‍රී ලංකා ක්‍රිකට් ආයතනය සංවිධානය කරන අන්තර් පළාත් එක්දින ක්‍රිකට් තරගාවලිය අප්‍රේල් මස 4 වැනිදා සිට 11 වැනිදා ද...