. ශ්‍රී ලංකා යොවුන් පිලට කඩුලු 3 ක ජයක් | කෙළිමඬල
2019 අපේ‍්‍රල් මස 24 වැනි බදාදා
ශ්‍රී ලංකා යොවුන් පිලට කඩුලු 3 ක ජයක්
2019-01-12 12:55:36 | ..

අභියෝගත්මක ඉලක්කයක් කරා සාර්ථකව ගිය ශ්‍රී ලංකා 19 න් පහළ කණ්ඩායම කොළඹ එස්.එස්.සී. ක්‍රීඩාංගණයේදී පැවැති යොවුන් ටෙස්ට් තරගයේදී කඩුලු 3 ක ජයක් අත්කරගත්තේය. තරගයේ අවසන් දිනය වූ අද (සෙනසුරාදා) තේ පානයෙන් පසුව ඕස්ට්‍රේලියානු ඉනිමේ අවසන් කඩුලු දෙකත් දවාගත් ශ්‍රී ලංකා යොවුන් ක්‍රීඩකයෝ ඕවර 19.4 කදී ජයග්‍රහණය සඳහා කඩුලු 7 ක් දැවී ලකුණු 114 ක් ලබාගත්හ. 


ශ්‍රී ලංකා යොවුන් පිතිකරුවන් වේගයෙන් ලකුණු ලබාගැනීමට යාමේදී ලකුණු 48 කට කඩුලු 4 ක් දැවී ගිය නමුත් නායක නිපුන් ධනංජය (35) සහ චමිඳු විජේසිංහ (29) එක්ව පස්වැනි කඩුල්ල වෙනුවෙන් පන්දු 34 කදී ලකුණු 46 ක සම්බන්ධතාවක් ගොඩනඟමින් යොවුන් පිල ජයග්‍රහණයේ මාවතට කැඳවාගෙන ආහ. 


ඕස්ට්‍රේලියානු යොවුන් පිලේ දෙවැනි ඉනිම ලකුණු 151 කට සීමා කිරීමේදී දඟ පන්දු යවන්නන් වන රොහාන් සංජය (37/4) සහ සඳුන් මෙන්ඩිස් (56/4) විශාල වැඩ කොටසක් කළහ. තේ පානය වන විට ඕස්ට්‍රේලියානු යොවුන් පිලේ දෙවැනි ඉනිමේදී කඩුලු 8 ක් ලකුණු 143 කට බිඳ වැටී තිබිණ. තේ පානයෙන් පසුව ඉක්මනින්ම අවසන් පිතිකරුවන් දෙදෙනා ආපසු ක්‍රීඩාගාරයට යැවූ සංජය සහ මෙන්ඩිස් දෙදෙනා සිය පිතිකරුවන්ට ඉලක්කය කරා යාමට ඇති තරම් කාලය ඉතිරිකර දුන්හ. 


අද පෙරවරුවේදී සිය පළමු ඉනිම ලකුණු 309 දී නතර කළ ශ්‍රී ලංකා යොවුන් ක්‍රීඩකයෝ ලකුණු 40 ක මුල් ඉනිමේ වාසියක් අත්කර ගත්හ. අනතුරුව දිවා ආහාරයට පෙර ලකුණු 20 ක් තුළදී සංචාරකයන්ගේ කඩුලු 4 ක් බිම දැමූ රොහාන් සංජය, සඳුන් මෙන්ඩිස් සහ චමිඳු විජේසිංහ කල්වේලා ඇතිවම තරගයේ වාසිය තමන් වෙත ඇදගත්හ. 


දිවා ආහාරයෙන් පසුව සුළු වේලාවකදී තවත් පිතිකරුවන් තිදෙනකු දැවී ගිය නමුත් අටවැනි කඩුල්ල වෙනුවෙන් ලකුණු 74 ක සම්බන්ධතාවක් ගොඩනැංවූ ජරාඞ් ෆ්‍රීමන් (නොදැවී 50) සහ තන්වීර් සංගා (25) ඕස්ට්‍රේලියානු යොවුන් පිල පරාජයෙන් අවදානමෙන් ඈතට ඇදගෙන ගියහ. එහෙත් තේ පානයට පෙර යැවුණු අවසන් පන්දුවේදී සංගාගේ ඉනිම නිමා කළ සොනාල් දිනූෂ ශ්‍රී ලංකා යොවුන් පිල නැවතත් තරගයට කැඳවාගෙන ආවේය. 


 

 

ඡායාරූප - චතුර එස්. කොඩිකාර

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...