. සී. එච්. ක්‍රීඩකයෝ 33-12 කින් සී. ආර්. පරදවති | කෙළිමඬල
2019 අපේ‍්‍රල් මස 24 වැනි බදාදා
සී. එච්. ක්‍රීඩකයෝ 33-12 කින් සී. ආර්. පරදවති
2019-01-12 21:09:56 | යොහාන් භාසුර

ශ්‍රී ලංකා රග්බි සංගමය මෙහෙයවන අන්තර් සමාජ පළමු කොටසේ ‘ඩයලොග්’ කුසලාන ලීග් තරගාවලියේ දෙවැනි වටයේ දෙවැනි සතිය යටතේ කොළඹ පැරණි තුරඟ තරග පිටියේදී අද (12) පස්වරුවේ පැවැති තරගයේදී සී. එච්. ඇන්ඞ් එෆ්. සී. ක්‍රීඩකයෝ ලකුණු 33-12 කින් සී. ආර්. ඇන්ඞ් එෆ්. සී. පිල පරාජය කිරීමට සමත් වූහ. 


මෙය සී. එච්. පිල මෙවර තරගාවලියේ ලැබූ පස්වැනි ජය වන අතර සී. එච්. පිල මෙම ජයග්‍රහණයත් සමඟ ප්‍රසාද ලකුණු සටහනේ තෙවැනි ස්ථානයට පැමිණියේය. සී. ආර්. පිල පළමු වටයේ සිට තෙවැනි ස්ථානයේ පසු වූවද මෙම පරාජයත් සමඟ සිවුවැනි ස්ථානයට ඇඳ වැටුණි. 


සී. එච්. පිල තරගයේ පළමු අර්ධය අවසන් වන විට ලකුණු 16-5 ක් ලෙස ලකුණු 11 කින් ඉදිරියෙන් සිටියේය. 


රීසා රෆයිඩීන් පළමු අර්ධයේ 22 වැනි මිනිත්තුවේදී සම්පූර්ණ කළ උත්සාහක දිනුමත් සමඟ ලකුණු 5-0 ක් ලෙස සී. ආර්. පිල ලකුණු පුවරුව ක්‍රියාත්මක කළේය. සී. එච්. පිලට 28 වැනි මිනිත්තුවේදී ලැබුණු දඩුවම් පහර සැමුවෙල් මධුවන්ත සාර්ථක කිරීමත් සමඟ ලකුණු පුවරුව 5-3 ක් බවට පත්විය.


නිවංක ප්‍රසාද් මිනිත්තු හතරක් තුළ උත්සාහක දිනුම් දෙකක් එකතු කිරීමෙන් 36 වැනි මිනිත්තුව වන විට සී. එච්. පිල ලකුණු 13-5 ක් ලෙස තරගයේ පාලනය නතු කරගැනීමට සමත්ව සිටියේය. සැමුවෙල් මධුවන්ත පළමු අර්ධයේ අවසන් මිනිත්තුවේදී සාර්ථක කළ දඩුවම් පහරත් සමගින් ලකුණු පුවරුව 16-5 ක් බවට පත්විය. 


දෙවැනි අර්ධයේ 16 වැනි මිනිත්තුවේදී නිෂෝ පෙරේරා ගෝල කණු අතර තැබූ පන්දුවට සැමුවෙල් මධුවන්ත අතිරේක ලකුණු එකතු කිරීමත් සමඟ සී. එච්. පිල ලකුණු 23-5 ක් ලෙස තව දුරටත් ශක්තිමත් විය. 


සී. එච්. පිලට අනුරාධ හේරත් 21 වැනි මිනිත්තුවේදී සම්පූර්ණ කළ උත්සාහක දිනුම සැමුවෙල් මධුවන්ත ගෝලයක් බවට ප්‍රවර්ථනය කිරීමෙන් ලකුණු පුවරුව 30-5 ක් බවට පත්විය. 


සැමුවෙල් මධුවන්ත 26 වැනි මිනිත්තුවේදී සාර්ථක කළ දඩුවම් පහරත් සමගින් සී. එච්. පිලේ ලකුණු සංඛ්‍යාව 33 ක් බවට පත්විය. 


තරගය අවසන් වීමට මිනිත්තු තුනක් පමණ තිබියදී සී. ආර්. පිලට රෙහාන් සිල්වා එකතු කළ උත්සාහක දිනුම තරින්ද රත්වත්ත ගෝලයක් බවට ප්‍රවර්ථනය කළේය. ඒ අනුව අවසන් ලකුණු තත්ත්වය 33-12 ක් බවට පත්විය.


සී. එච්. පිලේ නිත්‍ය නායක යෝෂිත රාජපක්‍ෂ තුවාල ලබා සිටීම නිසා මෙම තරගයට ද ක්‍රීඩා නොකළ අතර නායකයා ලෙස රෝහිත රාජපක්‍ෂ කටයුතු කළේය. යෝෂිතගේ ස්ථානයට ශ්‍රී ලංකා සම්භවයක් ඇති ඕස්ටේ්‍රලියානු ජාතික ඇඩම් ගවුඩර් මෙම තරගයේදී ද ක්‍රීඩා කළේය.   


ඡායාරූපය : ළහිරු හර්ෂණ

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...