. හැව්ලොක්ස් 8 වැනි ජය ලබයි | කෙළිමඬල
2019 අපේ‍්‍රල් මස 24 වැනි බදාදා
හැව්ලොක්ස් 8 වැනි ජය ලබයි
2019-01-13 21:14:25 | යොහාන් භාසුර

ශ්‍රී ලංකා රග්බි සංගමය මෙහෙයවන අන්තර් සමාජ පළමු කොටසේ ‘ඩයලොග්’ කුසලාන ලීග් තරගාවලියේ දෙවැනි වටයේ දෙවැනි සතියේ අවසන් තරගය ලෙස වැලිසර නාවික හමුදා ක්‍රීඩාංගණයේදී අද (13) පස්වරුවේ පැවැති තරගයේදී හැව්ලොක්ස් පිල ලකුණු 31-20 කින් සත්කාරක නාවික හමුදා පිල පරාජය කිරීමට සමත් විය.

මෙය හැව්ලොක්ස් පිල මෙවර තරගාවලියේ ලැබූ අටවැනි ජයග්‍රහණය වේ. හැව්ලොක්ස් පිල උත්සාහක දිනුම් පහක් වාර්තා කරමින් අතිරේක ප්‍රසාද ලකුණ ද හිමිකරගත්තේය.  

හැව්ලොක්ස් ක්‍රීඩකයෝ තරගයේ පළමු අර්ධය අවසන් වන විට ලකුණු 24-10 ක් ලෙස ලකුණු 14 කින් පෙරමුණේ පසුවූහ.

හැව්ලොක්ස් පිලේ සිතුම් පීරිස් දෙවැනි මිනිත්තුවේදීම උත්සාහක දිනුමක් සම්පූර්ණ කරමින් ලකුණු පුවරුව ක්‍රියාත්මක කළේය. නාවික හමුදා පිලේ නායක තිළිණ වීරසිංහ හයවැනි මිනිත්තුවේදී සාර්ථක කළ දඩුවම් පහරත් සමගින් ලකුණු පුවරුව 5-3 ක් බවට පත්විය.

චරිත් ජනිත 13 වැනි මිනිත්තුවේදී ගෝල කණු අතර තැබූ පන්දුවට තිළිණ වීරසිංහ අතිරේක ලකුණු මුසුකිරීමෙන් නාවික හමුදා පිල ලකුණු 10-5 ක් ලෙස පෙරමුණට පැමිණියේය.

මිනිත්තු හයක් ඇතුළත හැව්ලොක්ස් පිලට රීසා මුබාරක් ගෝලයක් සහ අෂ්මීර් ෆජුඩීන් උත්සාහක දිනුමක් එකතු කිරීමෙන් 25 වැනි මිනිත්තුව වන විට හැව්ලොක්ස් පිල ලකුණු 17-10 ක් ලෙස පෙරමුණ ගෙන සිටියේය.
මිතුන් හපුගොඩ 29 වැනි මිනිත්තුවේදී හැව්ලොක්ස් පිලට උත්සාහක දිනුමක් එකතු කළ අතර රීසා මුබාරක් එය ගෝලයක් බවට ප්‍රවර්ථනය කළේය. ඒ අනුව ලකුණු පුවරුව 24-10 ක් බවට පත්විය.

තිළිණ වීරසිංහ දෙවැනි අර්ධයේ දෙවැනි මිනිත්තුවේදී නාවික හමුදා පිලේ දඩුවම් පහර අවස්ථාවක් සාර්ථක කරමින් ලකුණු තුනක් එකතු කළේය. හත්වැනි මිනිත්තුවේදී කසුන් ද සිල්වා ක්‍රියාත්මක වෙමින් නාවික හමුදා පිලට එකතු කළ උත්සාහක දිනුම, තිළිණ වීරසිංහ ගෝලයක් බවට ප්‍රවර්ථනය කිරීමත් සමඟ ලකුණු තත්ත්වය 24-20 ක් බවට පත්ව පරතය අවම විය.

හැව්ලොක්ස් පිලට ලසිඳු කරුණාතිලක 15 වැනි මිනිත්තුවේදී උත්සාහක දිනුමක් එකතු කරමින් නැවතත් පරතය වැඩිකරගත්තේය. රීසා මුබාරක් එහි ගෝල ප්‍රවර්ථනය ද සාර්ථක කිරීමත් සමඟ ලකුණු පුවරුව 31-20 ක් බවට පත්විය.    

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...