. ආසියානු සත් සාමාජික තුන්වැනි අදියර කොළඹදී | කෙළිමඬල
2019 අපේ‍්‍රල් මස 24 වැනි බදාදා
ආසියානු සත් සාමාජික තුන්වැනි අදියර කොළඹදී
2019-01-18 18:10:10 | මොහාන් ප්‍රනාන්දු

ආසියානු කුසලාන සත් සාමාජික රග්බි තරගාවලියේ තුන්වැනි අදියර ශ්‍රී ලංකාවේ සත්කාරකත්වයෙන් සැප්තැම්බර් මස 28 සහ 29 දෙදින කොළඹ තුරග තරග පිටියේදී පැවැත්වෙයි. ආසියාවේ දැවැන්තම රග්බි ඉසව්වටක් වන මෙම තරගාවලියට ශ්‍රී ලංකා රග්බි ආයතනය සත්කාරකත්වය ලබා දෙන පස්වැනි වසර මෙය වේ.

දකුණු කොරියාවේ ඉන්චියොන් නුවරදී සහ චීනයේ හුයිෂූ නුවරදී ආසියානු රග්බි තරගාවලියේ අනෙක් අදියර තරග පැවැත්වේ. මීට පෙර තරගාවලියේ පළමු අදියර සඳහා සත්කාරත්වය ලබාදෙමින් සිටි හොං කොං මෙවර ඉන් ඉවත්වූයේ සිය රටෙහි පැවැත්වෙන දේශීය රග්බි තරගාවලියට වැඩි අවධානයක් යොමු කිරීමේ අදහසිනි.

මේ අතර පසුගිය වසරේදී සත් සාමාජික රග්බි ක්‍රීඩාවට වැඩි අවස්ථාවක් ලබාදෙමින් 15 සාමාජික රග්බි ශුරතාවලියේ පළමු කොටසේ තරගාවලියට එක්නොවූ ශ්‍රී ලංකාව ආසියානු රග්බි සංගමය සමග සාර්ථකව සාකච්ඡා කිරීමෙන් පසුව  මේ වසරේදී නැවත එම ශූරතාවලියට එක්වීමේ අවස්ථාව උදාකරගත්තේය. ශ්‍රී ලංකාව, සිංගප්පූරුව, චීන තායිපේ සහ පිලිපී්නය මේ වසරේ මැයි හෝ ජූනි මාසයේ චීන තායිපේහි නගරසභා ක්‍රීඩාංගණයේදී පැවැත්වෙන ආසියානු ශූරතාවලියට ක්‍රීඩා කරති.

පසුගිය වසරේ දෙසැම්බර් මාසයේ චීන තායිපේ හී පැවැති අවුරුදු 19න් පහළ ආසියානු කුසලාන රග්බි තරගාවලියේදී ලද පරාජය නිසා සුපිරි තරගාවලියේ සිට පළමු කොටසේ තරගාවලියට පසුබෑ ශ්‍රී ලංකා යොවුන් රග්බි පිල තායිලන්තය, පිලිපීනය සහ චීනය සමග මේ වසරේදී පළමු කොටසේ තරගාවලියට ක්‍රීඩා කරයි.

ආසියානු රග්බි සංගමය එම තරගාවලිය සඳහා මෙතෙක් ක්‍රීඩාංගණයක් නම් කර නොමැති අතර බොහෝ විට එය ලබන දෙසැම්බරයේ දී ශ්‍රී ලංකාවේ පැවැත්වනු ඇත.

අවුරුදු 19න් පහළ සත් සාමාජික රග්බි ශූරතාවලිය ලබන අගෝස්තු මාසයේ 24 සහ 25 දෙදින කාන්තා හා පිරිමි දෙඅංශයෙන්ම පැවැත්වෙන අතර ඒ සඳහා මෙතෙක් කිසිම රටක් නම් කර නොමැත.

වසර 2020 ටෝකියෝ ඔලිම්පික් ක්‍රීඩා උළෙලට සුදුසුකම් ලබාගන්නා තරගාවලිය කොරියාවේ පැවැත්වීමට නියමිත අතර එහි කාන්තා තරගාවලිය චීනයේ පැවැත්වෙනු ඇත.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...