. යුද හමුදාවට 27-25 ක තියුණු ජයක් | කෙළිමඬල
2019 අපේ‍්‍රල් මස 24 වැනි බදාදා
යුද හමුදාවට 27-25 ක තියුණු ජයක්
2019-01-19 19:54:44 | යොහාන් භාසුර

‘ඩයලොග්’ කුසලාන ලීග් තරගාවලියේ දෙවැනි වටයේදී වැලිසර නාවික හමුදා රග්බි පිටියේ අද (19) පස්වරුවේ පැවැති තරගයේදී යුද හමුදා ක්‍රීඩකයෝ ලකුණු 27-25 කින් සත්කාරක නාවික හමුදා පිල පරාජය කිරීමට සමත් වූහ.

ප්‍රසාද ලකුණු සටහනේ හත්වැනි ස්ථානයේ පසු වූ යුද හමුදා පිල මෙවර තරගාවලියේ තරග 10 කදී ලැබූ සිවුවැනි ජය මෙය වේ. නාවික හමුදා පිල තරගයේ පළමු අර්ධය අවසන් වන විට ලකුණු 17-14 ක් ලෙස ලකුණු තුනකින් ඉදිරියෙන් සිටියේය.

කසුන් ද සිල්වා තරගයේ 10 වැනි මිනිත්තුවේදී සම්පූර්ණ කළ උත්සාහක දිනුම තිළිණ වීරසිංහ ගෝලයක් බවට ප්‍රවර්ථනය කිරීමෙන් නාවික හමුදා පිල ලකුණු 7-0 ක් ලෙස ලකුණු පුවරුව ක්‍රියාත්මක කළේය. එහෙත් යුද හමුදා පිලේ ෂෙහාන් සිල්වා 22 වැනි මිනිත්තුවේදී ගෝල කණු අතර තැබූ පන්දුවට ඉසුරු මැදගෙදර අතිරේක ලකුණු එකතු කිරීමත් සමඟ ලකුණු පුවරුව 7-7 ක් ලෙස සම විය.

තිළිණ වීරසිංහ 27 වැනි සහ 32 වැනි මිනිත්තුවලදී සම්පූර්ණ කළ උත්සාහක දිනුම් දෙකත් සමගින් නාවික හමුදා පිල ලකුණු 17-7 ක් ලෙස පෙරමුණ ගත්තේය. ඉසුරු මැදගෙදර පළමු අර්ධයේ අවසන් මිනිත්තුවේදී උත්සාහක දිනුමක් සම්පූර්ණ කරමින් එය ගෝලයක් බවට ප්‍රවර්ථනය කිරීමෙන් ලකුණු තත්ත්වය 17-14 ක් බවට පත්විය.
චතුර සෙනෙවිරත්න දෙවැනි අර්ධයේ 11 වැනි මිනිත්තුවේදී සම්පූර්ණ කළ උත්සාහක දිනුමෙන් නාවික හමුදා පිලේ ලකුණු සංඛ්‍යාව 22 ක් බවට පත්විය. යුද හමුදා පිලේ අෂාන් බණ්ඩාර දෙවැනි අර්ධයේ 20 වැනි මිනිත්තුවේදී ගෝල සීමාව ආක්‍රමණය කිරීමෙන් ලකුණු පුවරුව 22-19 ක් බවට පත්විය.

තිළිණ වීරසිංහ ඉන් මිනිත්තුවකට පසුව නාවික හමුදාවට දඩුවම් පහරකින් ලකුණු තුනක් එකතු කළේය. ඒ අනුව ලකුණු පුවරුව 25-19 ක් බවට පත්විය. ගයාන් සාලින්ද 35 වැනි මිනිත්තුවේදී යුද හමුදා පිලට එකතු කළ උත්සාහක දිනුමෙන් ලකුණු පුවරුව 25-24 ක් බවට පත්ව තරගයේ උණුසුම වැඩි විය.

 තරගය අවසන් වීමට ඔන්න මෙන්න තිබියදී යුද හමුදා පිලට ලැබුණු දඩුවම් පහර අවස්ථාව ගයාන් සාලින්ද සාර්ථක කිරීමෙන් ලකුණු 27-25 ක් බවට පත්ව යුද හමුදාව ජය තහවුරු කරගත්තේය.

 

ඡායාරූපය - ඉෂාන් සංජීව (පුස්තකාල ඡායාරූපයකි)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...