. අල්ලස් දෙන්න ගිය විශේෂඥයාගේ වැඩ තහනම් | කෙළිමඬල
2019 අපේ‍්‍රල් මස 23 වැනි අගහරුවාදා
අල්ලස් දෙන්න ගිය විශේෂඥයාගේ වැඩ තහනම්
2019-01-21 22:13:14 | යොහාන් භාසුර

ක්‍රීඩා අමාත්‍ය හරීන් ප්‍රනාන්දු මහතාට අල්ලස් දීමට තැත්කළ බවට චෝදනා එල්ල වී ඇතැයි ශ්‍රී ලංකා ක්‍රිකට් ආයතනයේ සේවකයකු අනිවාර්ය නිවාඩු යැවීමට ශ්‍රී ලංකා ක්‍රිකට් පරිපාලනය පියවර ගෙන ඇති බව වාර්තා වේ. ශ්‍රී ලංකා ක්‍රිකට් මූලස්ථානයේ පිහිටි තාක්‍ෂණ මධ්‍යස්ථානයේ සේවය කරමින් සිටි ඔහුගේ සේවය ඊයේ (21) සිට නිලවශයෙන් අත්හිටුවා තිබේ.

ඔහුගේ ජංගම දුරකථනය ද ශ්‍රී ලංකා ක්‍රිකට් ආයතනයේ දූෂණ මර්ධන අංශ බාරයට ගෙන තිබේ.  
තමන්ට ද කණ්ඩායමට ක්‍රීඩකයන් ඇතුළත් කිරීමට අල්ලස් දීමට සූදානම් වූ බවත් ඒ පිළිබඳව තමන් අන්තර්ජාතික ක්‍රිකට් සභාවට පැමිණි කළ බවත් ක්‍රීඩා අමාත්‍ය හරීන් ප්‍රනාන්දු මහතා පසුගියදා බී.බි.සී. සිංහල සේවයට පවසා තිබුණි.

පසුව අන්තර්ජාතික ක්‍රිකට් සභාවේ දූෂණ මර්ධන ඒකකයෙන් කළ දැනුම්දීමක් මත පදනම්ව ශ්‍රී ලංකා ක්‍රිකට් ආයතනය මෙම පියවර ගෙන තිබේ.

“අන්තර්ජාතික ක්‍රිකට් සභාවෙන් අපට දැනුම් දීමක් කළා මේ තැනැත්තාට විරුද්ධව පරීක්‍ෂණයක් පැවැත්වෙනවා කියලා. ඒ අනුව අපි එයාගේ වැඩ තහනම් කළා” යයි මේ සම්බන්ධයෙන් කළ විමසීමකදී ශ්‍රී ලංකා ක්‍රිකට් ආයතනයේ උසස්ම නිලධාරියෙක් පැවසීය.

මෙම පුද්ගලයා කලක් ශ්‍රී ලංකා ජාතික කණ්ඩායමේ පරිගණක දත්ත විශ්ලේෂකයා ලෙස ද කටයුතු කළේය. පසුව ශ්‍රී ලංකා වයස 19 න් පහළ පිලටද සේවය ලබාදුන් අතර මොහු මීට වසර කීපයකට පෙර ශ්‍රී ලංකා වයස 19 න් පහළ පිලේ ක්‍රීඩකයන් සමඟ හෝටල් කාමරයේ මත්පැන් පානය කළ බවට ද චෝදනා එල්ල විය.

මෙම ක්‍රිකට් විශේෂඥයා ජාතික කණ්ඩායම්වල ක්‍රීඩකයන්ට විවිධ පහසුකම් සැපයීම මගින් ඔවුන් සමග සමීප සම්බන්ධතා ගොඩනඟාගෙන සිටින බවද තතු දන්නෝ පවසති. ඔහු ශ්‍රී ලංකා ක්‍රිකට් ආයතනයේ වසර 10 කට වැඩි කාලයක් සේවය කළ ස්ථිර සේවකයෙකි.

ක්‍රීඩා අමාත්‍ය හරීන් ප්‍රනාන්දු මහතා සමඟ සමීප සම්බන්ධතාවක් පවත්වන බව මෙම තැනැත්තා පවසා ඇති බවත් ඇමතිවරයා සමඟ සිටින ඡායාරූපද හිතවතුන්ට පෙන්වා ඇති බවත් වාර්තා වේ.

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...