. බේරුවල සුපර් සන් ක්‍රීඩා සමාජයට දඬුවම් වැලක් | කෙළිමඬල
2019 අපේ‍්‍රල් මස 26 වැනි සිකුරාදා
බේරුවල සුපර් සන් ක්‍රීඩා සමාජයට දඬුවම් වැලක්
2019-01-30 22:45:31 | නාමල් පතිරගේ

නිලධාරීන් හා ක්‍රීඩකයන් 10 දෙනකුට තහනමක් පැනවූ ශූරයන්ගේ ලීග් පාපන්දු තරගාවලියේ සිදුවීම් සම්බන්ධයෙන් විමර්ශනය කළ ශ්‍රී ලංකා පාපන්දු සම්මේලනයේ තරග කමිටුව බේරුවල සුපර්සන් ක්‍රීඩා සමාජය මෙතැන් සිට එම සම්මේලනය මෙහෙයවන සියලු තරගාවලිවලින් ඉවත් කිරීමට ද නිර්දේශ කර තිබේ. ඒ අනුව ඔවුන් වසර 2019-2020 ශූරයන්ගේ ලීග් තරගාවලිය හා 2019 එෆ්.ඒ. කුසලාන තරගාවලියෙන් ද ඉවත් කර තිබේ.

සුපර් සන් ක්‍රීඩා සමාජයට පාපන්දු සම්මේලනය මෙහෙයවන තරගාවලි සඳහා නැවත ඇතුළත් විය හැක්කේ බේරුවල පාපන්දු ලීගය මෙහෙයවන ලීග් තරගාවලියට ක්‍රීඩා කර අනතුරුව පාපන්දු සම්මේලනය මෙහෙයවන දෙවැනි පෙළ අන්තර් සමාජ පාපන්දු තරගාවලියට නිර්දේශ වීමෙනි.

දැන් පැවැත්වෙන ශූරයන්ගේ ලීග පාපන්දු තරගාවලියේ රිනවුන් කණ්ඩායමට එරෙහිව සුගතදාස පිටියේදී පැවැති තරගයේදී විනිසුරු එම්. ජෆ්රාන් මහතාට එරෙහිව යාම පිළිබඳව බේරුවල සුපර්සන් ක්‍රීඩකයෝ චෝදනා ලැබූහ.

එහිදී තරගය අතරමගදී පිටියෙන් ඉවත් වූ බව කියන බේරුවල සුපර්සන් කණ්ඩායමට එරෙහිව පාපන්දු සම්මේලනයේ තරග කමිටුව පැවැත්වූ විමර්ශනයේ තීන්දුව ඊයේ (29) රාත්‍රියේදී ප්‍රකාශයට පත් කිරීමට පාපන්දු සම්මේලනයේ තරග කමිටුව පියවර ගත්තේය.

එහිදී චෝදනාලාභී සුපර්සන් ක්‍රීඩා සමාජයට දඬුවම් කිහිපයක්ම නිර්දේශ කර තිබේ.

තරග කමිටුවේ සභාපති සහරාන් සිංහවංශ මහතාගෙන් ‘ලංකාදීප’ය කළ විමසුමකදී පැවැසුවේ අදාළ මතභේදාත්මක තරගයේ සජීවී පටිගත කිරීම ඇතුළත් වීඩියෝ පටය පුළුල් ලෙස විමර්ශනය කිරීමේදී සුපර්සන් කණ්ඩායම මුළුමණින්ම තරග නීති රීති උල්ලංඝනය කර තිබෙන බව තහවුරු කර ගත් බවය.

ඒ අනුව තරගාවලියට සහභාගී වී සිටින සෙසු ක්‍රීඩා සමාජවලට ද තරග නීති රීති හා විනය සම්බන්ධයෙන් පූර්වාදර්ශයක් ලබාදීම සඳහා තරග කමිටුව සුපර්සන් කණ්ඩායමට එරෙහිව දඬුවම් නිර්දේශ කළ බවත් සිංහවංශ මහතා වැඩිදුරටත් පැවැසීය.

සුපර්සන් කණ්ඩායම හා රිනවුන් කණ්ඩායම අතර සුගතදාස පිටියේදී පැවැති ශූරයන්ගේ ලීග් තරගයේ 70 වැනි විනාඩියේදී රිනවුන් කණ්ඩායම රැස් කළ ගෝලය පාපන්දු නීතියට පටහැනි (ඕෆ් සයිඞ් ගෝලයක්) යැයි කියමින් සුපර්සන් කණ්ඩායමේ ක්‍රීඩකයෝ විනිසුරු ජෆ්රාන් මහතාට දිගින් දිගටම අභියෝග කරමින් පිටියෙන් ඉවත්ව යාම මෙම සිදුවීමට හේතුව විය. එහිදී තරග කමිටුව විමර්ශනයේදී අවධාරණය කර සිටියේ කුමන තත්ත්වයක් මත වුව ද විනිසුරුට අභියෝග කිරීමත් තරගය අතහැර පිටියෙන් ඉවත්වීමත් පාපන්දු නීතියට හා තරගාවලියේ නීතියට මුළුමණින්ම පටහැනි බවත්ය.

ඒ අනුව චෝදනාලාභීන්ට උපරිම ලෙස නීතිය ක්‍රියාත්මක කිරීමට තරග කමිටුව දැඩිව තීරණය කළ බව සහරාන් සිංහවංශ මහතා අවධාරණය කරයි. 

 

මේ සම්බන්ධයෙන් පාපන්දු සම්මේලනයේ ලේකම් ජස්වර් උමාර් මහතා අද (30) නිකුත් කළ මාධ්‍ය නිවේදනයට අනුව චෝදනාලාභී බේරුවල සුපර්සන් ක්‍රීඩා සමාජයට නිර්දේශ කර තිබෙන දඬුවම් මෙසේය.

● ශූරයන්ගේ ලීග පාපන්දු තරගාවලියෙන් ඉවත් කිරීම එහිදී ඔවුන් ශුන්‍ය කරමින් තරගාවලියේ සමස්ත ප්‍රතිඵලය සැලකීම (මෙම සිදුවීම වාර්තාවන විට සුපර්සන් කණ්ඩායම ශූරයන්ගේ තරගාවලියේ තරග 13කට සහභාගී වී තරග හයක් ජයගෙන ප්‍රසාද ලකුණු සටහනේ 11 වැනි ස්ථානයේ පසුවිය.)

● පාපන්දු සම්මේලනය මෙහෙයවන ඉදිරි තරගමාලාවලින් සුපර්සන් ක්‍රීඩා සමාජය ඉවත් කිරීම.

● ශූරයන්ගේ තරගාවලිය වෙනුවෙන් පාපන්දු සම්මේලනය සුපර්සන් කණ්ඩායමට ලබා දුන් බව කියන රුපියල් ලක්ෂ දෙකක මුදල ඉදිරි දින 30ක කාලයක් තුළදී නැවත පාපන්දු සම්මේලනයට අයකරගැනීම.

● ක්‍රීඩා සමාජ සභාපති එම්.එස්.එම්. රිස්වාන්, ලේකම් එම්. රම්සාන්, ප්‍රධාන පුහුණුකරු වී. ඔගස්ටින් හා දැල් රකින්නන්ගේ පුහුණුකරු එන්.අයි.එම්. රිසාන් යන මහත්වරුන්ට වසර තුනක් බැගින් වන පරිදි පාපන්දු කළමනාකාරීත්වය හා පරිපාලනයේ යෙදීම තහනම් කිරීම.

● නයිජීරියානු ක්‍රීඩක ඔලුවා ටොසින් ඩැනියල්ට වසර තුනක තරග තහනමක් පැනවීම.

● මොහොමඞ් මුබාසිර්, එම්.එස්.එම්. අසාත්, එම්.එෆ්.එම්. රිෆ්කාන්, මොහොමඞ් හෆානි හා එම්.එස්.එම්. ෆසාන් යන ක්‍රීඩකයන්ට වසර දෙකක වන තරග තහනමක් පැනවීම.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
පාන්ට්ගේ ප්‍රවේගකාරී ඉනිම දිල්ලි පිල දිනවයි ...
2019-04-22 23:55:04
රිෂාබ් පාන්ට්ගේ ප්‍රවේගකාරී පිතිහරඹය හමුවේ ඉන්දීය ප්‍රිමියර් ලීග් තරගාවලියේ 40 තරගය ලෙස රාජස්ථාන් රෝයල්ස් කණ්ඩායම සහ දිල්ලි කැපිටල...
බැංගලෝර් පිල සිවුවැනි ජය ලබයි...
2019-04-24 19:48:48
ඉන්දීය ප්‍රිමියර් ලීග් (අයි.පී.එල්.) විස්සයි20 ක්‍රිකට් තරගාවලියේ (2019) 42 වැනි තරගය ලෙස බැංගලෝර්හිදී අද (24) රාත්‍රී පැවැති ...
වොට්සන් චෙන්නායි පිලට ජය ගෙනෙයි...
2019-04-23 19:51:10
ෂේන් වොට්සන්ගේ (96) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 41 වැනි තරගය ලෙස චෙන්නායි සුපර් කිංග්ස් සහ සන...
විදූෂා තුන් පිම්ම ලෝකඩ පදක්කම දිනයි...
නියමයි සහෝදරිය.... ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...