. සී. එච්. ක්‍රීඩකයෝ 33-17 කින් මහනුවර පරදවති | කෙළිමඬල
2019 අපේ‍්‍රල් මස 23 වැනි අගහරුවාදා
සී. එච්. ක්‍රීඩකයෝ 33-17 කින් මහනුවර පරදවති
2019-02-02 19:54:26 | යොහාන් භාසුර

අන්තර් සමාජ ‘ඩයලොග්’ කුසලාන පළමු කොටසේ ලීග් රග්බි තරගාවලියේ දෙවැනි වටයේ පස්වැනි සතිය යටතේ කොළඹ පැරණි තුරඟ තරග පිටියේදී අද (02) පස්වරුවේ පැවැති තරගයේදී සී. එච්. ඇන්ඞ් එෆ්. සී. ක්‍රීඩකයෝ ලකුණු 33-17 කින් ප්‍රබල මහනුවර පිල පරාජය කරමින් පෙරළිකාර ජයක් ලැබීමට සමත් වූහ.

ප්‍රසාද ලකුණු සටහනේ පෙරමුණේ සිටි මහනුවර පිල ලැබූ දෙවැනි පරාජය මෙය වේ. මෙම පරාජයත් සමඟ මහනුවර පිලේ පළමු ස්ථානය අවධානමට ලක්ව තිබේ.

සී. එච්. ක්‍රීඩකයෝ තරගය ආරම්භයේ සිටම මහනුවර පිලට ප්‍රබල අභියෝගයක් යොමු කරමින් පළමු අර්ධය අවසන් වන විට ලකුණු 16-7 ක් ලෙස ලකුණු නවයකින් ඉදිරියෙන් සිටියහ.

සී. එච්. පිලේ සැමුවෙල් මධුවන්ත හත්වැනි මිනිත්තුවේදී දඩුවම් පහරක් සාර්ථක කරමින් ලකුණු පුවරුව ක්‍රියාත්මක කළේය.

තරිඳු චතුරංග 10 වැනි මිනිත්තුවේදී සම්පූර්ණ කළ උත්සාහක දිනුම තිළිණ විජේසිංහ ගෝලයක් බවට ප්‍රවර්ථනය කිරීමත් සමඟ මහනුවර පිල ලකුණු 7-3 ක් ලෙස පෙරමුණ ගත්තේය.

චතුරංග ඩිල්ෂාන් 22 වැනි මිනිත්තුවේදී ගෝල කණු අතර පන්දුව තැබීමත් සමඟ සී. එච්. පිල ලකුණු 8-7 ක් ලෙස තරගයේ වාසිය හිමිකරගත්තේය.

සැමුවෙල් මධුවන්ත 31 වැනි මිනිත්තුවේදී සී. එච්. පිලට ලැබුණු දඩුවම් පහර සාර්ථක කිරීමත් සමඟ ලකුණු පුවරුව 11-7 ක් බවට පත්වෙමින් වාසිය ලකුණු හතරක් බවට පත්විය.

ප්‍රසාද මධුසංඛ 36 වැනි මිනිත්තුවේදී සී. එච්. පිලට එකතු කළ උත්සාහක දිනුමත් සමඟ ලකුණු තත්ත්වය 16-7 ක් බවට පත්විය.

දෙවැනි අර්ධයේ පස්වැනි මිනිත්තුවේදී විශ්වමිත්‍ර ජයසිංහ මහනුවර පිලට උත්සාහක දිනුමක් එකතු කළේය. තිළිණ විජේසිංහ එය ගෝලයක් බවට ප්‍රවර්ථනය කිරීමත් සමඟ ලකුණු පුවරුව 16-14 ක් බවට පත්විය.

සැමුවෙල් මධුවන්ත මිනිත්තු හතරකට පසුව ක්‍රියාත්මක වෙමින් ගෝල සීමාව ආක්‍රමණය කරමින් අතිරේක ලකුණු ද මුසුකිරීමෙන් සී. එච්. පිල ලකුණු 23-14 ක් ලෙස පරතරය වැඩිකර ගත්තේය.

තිළිණ විජේසිංහ 19 වැනි මිනිත්තුවේදී දඩුවම් පහරකින් මහනුවර පිලට ලකුණු තුනක් එකතු කිරීමෙන් ලකුණු පුවරුව 23-17 ක් බවට පරිවර්ථනය විය.

දෙවැනි අර්ධයේ 27 වැනි මිනිත්තුවේදී සැමුවෙල් මධුවන්ත තවත් දඩුවම් පහරක් සාර්ථක කළ අතර ඒ අනුව ලකුණු පුවරුව 26-17 ක් විය.  

සී. එච්. පිලේ සුදම් සූරියආරච්චි තරග අවසන් වීමට මිනිත්තුවක් පමණක් තිබියදී සම්පූර්ණ කළ උත්සාහක දිනුමට සැමුවෙල් මධුවන්ත අතිරේක ලකුණු දෙක එකතු කිරීමත් සමඟ ලකුණු පුවරුව 33-17 ක් බවට පත්විය.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...