. ජාතික කනිෂ්ඨ ශූරතාවලිය හෙට සිට | කෙළිමඬල
2019 අපේ‍්‍රල් මස 23 වැනි අගහරුවාදා
ජාතික කනිෂ්ඨ ශූරතාවලිය හෙට සිට
2019-02-07 19:20:34 | ශානුක අරවින්ද

ශ්‍රී ලංකා පාසල් බොක්සිං සංගමය සංවිධානය කරන ‘ජනරාල් ජගත් ජයසූරිය’ අභියෝග කුසලාන යොවුන් බොක්සිං ශූරතාවලිය සහ ‘පෙල්ප්ස්’ අනුස්මරණ පළිහ ජාතික කනිෂ්ඨ බොක්සිං ශූරතාවලිය හෙට (8 වැනිදා) සිට 11 වැනිදා දක්වා ඉංගිරිය ගෘහස්ථ බොක්සිං ක්‍රීඩාංගණයේදී පැවැත්වේ. 


‘ජනරාල් ජගත් ජයසූරිය’ අභියෝග කුසලාන යොවුන් බොක්සිං ශූරතාවලිය 2000 සහ 2001 වසර වලදී උපන් අවුරුදු 17 ත් 18 ත් අතර වයස් සීමාවේ පසුවන තරගකරුවන් සඳහා විවෘත වේ. එහිදී බාලක තරගකරුවන් සඳහා කිලෝ ග්‍රෑම් 49, 52, 56, 60, 64, 69, 75, 81, 91 සහ 91 ට වැඩි බර පංති යටතේ තරග පැවැත්වෙන අතර බාලිකා තරගකරුවන් සඳහා කිලෝ ග්‍රෑම් 48, 52, 54, 57, 60, 64, 69, 75, 81 සහ 81 ට වැඩි බර පංති යටතේ තරග පැවැත්වේ. 


අවසන් වරට (2017 වසරේදී) පැවැති යොවුන් බොක්සිං ශූරතාවලියේ බාලක ශූරතාව දිනාගැනීමට හොරණ විද්‍යාරථන විශ්ව විද්‍යාලයද, බාලිකා ශූරතාව දිනාගැනීමට නාරංදෙණිය ජාතික පාසලද සමත් විය. එහිදී මහනුවර ධර්මරාජ විදුහලේ ජේ.එච්.එන්. ජිනදාස දක්ෂතම ක්‍රීඩකයා ලෙසත්, කෑගල්ල මහ විද්‍යාලයේ කේ.ඩබ්ලිව්.අයි. සෙව්වන්දි දක්ෂතම ක්‍රීඩිකාව ලෙසත් සම්මාන දිනාගත්හ. 


‘පෙල්ප්ස්’ අනුස්මරණ පළිහ වෙනුවෙන් පැවැත්වෙන ජාතික කනිෂ්ඨ බොක්සිං ශූරතාවලිය සඳහා සහභාගි විය හැක්කේ මින් පෙර පාසල් බොක්සිං ශූරතාවලිය, කනිෂ්ඨ බොක්සිං ශූරතාවලිය, යොවුන් බොක්සිං ශූරතාවලිය, එල්.වී. ජයවීර බොක්සිං ශූරතාවලිය, ටී.බී. ජයා බොක්සිං ශූරතාවලිය සහ ස්ටබ්ස් පළිහ යන තරගාවලි වලදී ජයග්‍රහණ ලැබූ තරගකරුවන්ට පමණි. 


වයස අවුරුදු 19 ට අඩු, 1999 වසරේ හෝ ඉන් පසුව උපන් ක්‍රීඩක ක්‍රීඩිකාවන් සඳහා මෙම තරගාවලිය විවෘත වේ. එහිදී බාලක තරගකරුවන් සඳහා කිලෝ ග්‍රෑම් 49, 52, 56, 60, 64, 69, 75, 81, 91 සහ 91 ට වැඩි බර පංති යටතේද, බාලිකා තරගකරුවන් සඳහා කිලෝ ග්‍රෑම් 48, 52, 54, 57, 60, 64, 69, 75, 81 සහ 81 ට වැඩි බර පංති යටතේද තරග පැවැත්වේ. 


අවසන් වරට (2017 වසරේදී) පැවැති ජාතික කනිෂ්ඨ බොක්සිං ශූරතාවලියේ බාලක ශූරතාව දිනාගැනීමට මහනුවර විද්‍යාර්ථ විදුහලද, බාලිකා ශූරතාව දිනාගැනීමට කෝට්ටේ ආනන්ද බාලිකා විදුහලද සමත් විය. එහිදී මහනුවර ධර්මරාජ විදුහලේ ජේ.එච්.එන්. ජිනදාස දක්ෂතම ක්‍රීඩකයා ලෙසත්, ආනන්ද බාලිකා විදුහලේ ආර්.කේ.ඒ.ඒ. රණසිංහ දක්ෂතම ක්‍රීඩිකාව ලෙසත් සම්මාන දිනාගත්හ. 


මෙම තරගාවලි දෙකේ ජයග්‍රාහක ජයග්‍රාහිකාවන් සඳහා සම්මාන ප්‍රදානය ශ්‍රී ලංකා අධුනික බොක්සිං සංගමයේ උප සභාපති, ආසියානු බොක්සිං තරග තීරක සහ විනිසුරු කොමිසමේ ලේකම් හේමන්ත වීරසිංහ මහතාගේ ප්‍රධානත්වයෙන් 11 වැනිදා ඉංගිරිය ගෘහස්ථ බොක්සිං ක්‍රීඩාංගණයේදී පැවැත්වේ. 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...