. ඉන්දියාවට කඩුලු 7 ක ජයක් | කෙළිමඬල
2019 අපේ‍්‍රල් මස 23 වැනි අගහරුවාදා
ඉන්දියාවට කඩුලු 7 ක ජයක්
2019-02-08 16:22:07 | .


සංචාරක ඉන්දීය කණ්ඩායම සහ නවසීලන්තය අතර ඕක්ලන්ඞ්හිදී පැවැති දෙවැනි විස්සයි20 තරගයේදී කඩුලු 7 ක ජයක් හිමිකර ගැනීමට ඉන්දියාව අද (8 වැනිදා) සමත්විය. ඒ අනුව තරගාවලිය 1-1 ක් ලෙස සමකර ගැනීමටද ඉන්දියාව සමත්විය.

කාසියේ වාසිය දිනා පළමුව පන්දුවට පහරදුන් නවසීලන්තය ඕවර 20 අවසානයේදී කඩුලු 8 ක් දැවී ලකුණු 158 ක් රැස්කිරීමට සමත්විය.

ලකුණු 50 ක් තුළ මුල්පෙළ පිතිකරුවන් සිවුදෙනෙකු දැවීයාමත් සමගින් පස්වැනි කඩුල්ල සඳහා එක්වූ රොස් ටේලර් සහ කොලින් ඩි‘ග්‍රැන්ඩෝම් පන්දු 47 කදී ලකුණු 77 ක සම්බන්ධතාවයක් ගොඩනගමින් නවසීලන්ත ලකුණු පුවරුව ඉහළ දැමීමට සමත්වූහ.

වේගවත් පිතිහරඹයක නිරතවූ කොලින් ඩි‘ග්‍රැන්ඩෝම් පන්දු 28 කදී හයේ පහර 4 ක් සහ හතරේ පහරක් සමගින් ලකුණු 50 ක් රැස්කිරීමට සමත්වූ අතර ඔහුට අනගි සහයක් ලබාදුන් රොස් ටේලර් පන්දු 36 කදී හතරේ පහර 3 ක් සමගින් ලකුණු 42 ක් රැස් කළේය.

කෘනාල් පාණ්ඩ්‍යා සිය ඕවර 4 ලකුණු 28 කට සීමාකරමින් කඩුලු 3 ක් දවාගත් අතර ඛලීල් අහ්මඞ් ලකුණු 27 කට කඩුලු 2 ක් දවාගනිමින් පන්දුවෙන් දස්කම් දැක්වූහ.

ජයග්‍රහණය සඳහා ලකුණු 159 ක ඉලක්කයක් හඹාගිය ඉන්දියාව ඕවර 18.5 කදී කඩුලු 3 ක් පමණක් දැවී ඉලක්කය පහසුවෙන් ජයගැනීමට සමත්විය.

පළමු කඩුල්ල සඳහා පන්දු 56 කදී ලකුණු 79 ක සම්බන්ධතාවයක් ගොඩනගමින් ඉන්දීයාවට සාර්ථක ආරම්භයක් ලබාදීමට රෝහිත් ශර්මා සහ ශීකර් ධවාන් සමත්වූහ.

වේගවත් පිතිහරඹයක නිරතවූ රෝහිත් ශර්මා පන්දු 29 කදී හයේ පහර 4 ක් සහ හතරේ පහර 3 ක් සමගින් ලකුණු 50 ක් රැස්කරමින් ජයග්‍රහණයට අවශ්‍ය අඩිතාලම දමා දීමට සමත්විය.

සිව්වැනි කඩුල්ල සඳහා පන්දු 31 කදී ලකුණු 42 ක සම්බන්ධතාවයක් ගොඩනැගූ රිෂාබ් පාන්ට් සහ මහේන්ද්‍ර සිං දෝනී ජයග්‍රහණය කරා සිය කණ්ඩායම රැගෙන යාමට සමත්වූහ.

පන්දු 28 කදී හයේ පහරක් සහ හතරේ පහර 4 ක් සමගින් නොදැවී ලකුණු 40 ක් රැස්කිරීමට රිෂාබ් පාන්ට් සමත්වූ අතර දෝනී පන්දු 23 කදී හතරේ පහරක් සමගින් නොදැවී ලකුණු 20 ක් රැස්කිරීමට සමත්විය.

නවසීලන්තය - ඕවර 20 කදී කඩුලු 8 ක් දැවී 158
(කේන් විලියම්සන් 20, රොස් ටේලර් 42, කොලින් ඩි‘ග්‍රැන්ඩෝම් 50, කෘනාල් පාණ්ඩ්‍යා 28/3, ඛලීල් අහ්මඞ් 27/2)

ඉන්දියාව - ඕවර 18.5 කදී කඩුලු 3 ක් දැවී 162
(රෝහිත් ශර්මා 50, ශීකර් ධවාන් 30, රිෂාබ් පාන්ට් නොදැවී 40, මහේන්ද්‍ර සිං දෝනී නොදැවී 20)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...