. බී.පී.එල්. ශූරතාව තිසරලාගේ වික්ටෝරියන්ස් පිලට | කෙළිමඬල
2019 අපේ‍්‍රල් මස 23 වැනි අගහරුවාදා
බී.පී.එල්. ශූරතාව තිසරලාගේ වික්ටෝරියන්ස් පිලට
2019-02-09 18:12:51 | .

බංග්ලාදේශ ප්‍රිමියර් ලීග් විස්සයි20 ක්‍රිකට් තරගාවලියේ ශූරතාව දිනාගැනීමට තිසර පෙරේරා ක්‍රීඩා කරන කොමිලා වික්ටෝරියන්ස් කණ්ඩායම ඊයේ (8 වැනිදා) සමත් විය. උපුල් තරංග ක්‍රීඩා කරන ඩකා ඩයිනමයිට්ස් කණ්ඩායමට එරෙහිව අවසන් මහ තරගයේදී ලකුණු 17 ක ජයක් වාර්තා කරමින් කොමිලා කණ්ඩායම තරගාවලියේ ශූරතාවට හිමිකම් කීවේය.

ජයග්‍රහණය සඳහා ලකුණු 200 ක ඉලක්කයක් හඹාගිය ඩකා ඩයිනමයිට්ස් කණ්ඩායමට ඕවර 20 අවසානයේ කඩුලු 9 ක් දැවී රැස්කරගත හැකි වූයේ ලකුණු 182 ක් පමණි. එහිදී දක්ෂ පන්දු යැවීමක නිතර වූ වහබ් රියාස් ලකුණු 28 කට කඩුලු 3 ක් දවාගත් අතර ඩයිනමයිට්ස් කණ්ඩායමේ ජයග්‍රාහී මඟ අසූරාලීම සඳහා රියාස්ට අනගි සහයක් දුන් තිසර පෙරේරා සහ මොහොමඞ් ශයිෆුඩීන් කඩුලු 2 බැගින් බිඳහෙළුහ.

මුලු ලකුණු සංඛ්‍යාව 0 ක්ව තිබියදී ඩයිනමයිට්ස් කණ්ඩායමේ ආරම්භක පිතිකරු සුනිල් නරේන් දුවද්දී දවාගැනීමකට හසුකර ගැනීමට මොහොමඞ් ශයිෆුඩීන් සමත් විය. එහෙත් එතැන් පටන් උපුල් තරංග (48) සමග එක්වූ රොනී තුලක්දාර් (66) දෙවැනි කඩුල්ල වෙනුවෙන් පන්දු 52 කදී ලකුණු 102 ක වේගවත් සම්බන්ධතාවක් ගොඩනැගුවේය.

තිසර පෙරේරාගේ පන්දුවක් හමුවේ අබු හයිඩර් අතට උඩ පන්දුවක් දෙමින් තරංග දැවී යෑමත් සමග එම සම්බන්ධතාව නිමාවට පත්විය. පන්දු 27 කදී වාර්තා වූ තරංගගේ ඉනිමට හයේ පහර 3 ක් සහ හතරේ පහර 4 ක් ඇතුළත් වූ අතර පන්දු 38 කදී වාර්තා වූ තලුක්දාර්ගේ ඉනිම හයේ පහර 4 කින් සහ හතරේ පහර 6 කින් සමන්විත විය.

තරංගගේ දැවී යෑමෙන් පසු ලකුණු පුවරුවට තවත් ලකුණු 18 ක් එක්වන විට තලුක්දාර්ද දුවද්දී දවාගැනීමකට හසුකර ගැනීමට එනමුල් හක් සමත් විය. ඉන් අනතුරුව පන්දුවට පහරදීම සඳහා පැමිණි කිසිදු පිතිකරුවකුට පිටියේ ස්ථාවර වීමට කොමිලා කණ්ඩායමේ පන්දු යවන්නෝ ඉඩක් නොදුන්හ.

පළමුවෙන් පන්දුවට පහරදුන් කොමිලා වික්ටෝරියන්ස් කණ්ඩායම ඕවර 20 අවසානයේ කඩුලු 3 ක් දැවී ලකුණු 199 ක් ලබාගත් අතර එහිදී ප්‍රවේගකාරී පිතිහරඹයක නිතර වූ ටමීම් ඉක්බාල් පන්දු 61 කදී නොදැවී ලකුණු 141 ක් රැස්කළේ හයේ පහර 11 ක් සහ හතරේ පහර 10 ක් සමගිනි.

එනමුල් හක් (24) සමග එක්ව දෙවැනි කඩුල්ල වෙනුවෙන් පන්දු 61 කදී ලකුණු 89 ක සම්බන්ධතාවක් ගොඩනැගූ ඉක්බාල්, ඉන් නොනැවතී ඉම්රුල් කේයස් (නොදැවී 17) සමග එක්ව පන්දු 46 කදී ලකුණු 100 ක නොබිඳුණ සම්බන්ධතාවක්ද ගොඩනගමින් සිය කණ්ඩායමේ ලකුණු සංඛ්‍යාව ඉහළ දැමුවේය.


කොමිලා වික්ටෝරියන්ස් පිල - ඕවර 20 කදී කඩුලු 3 ක් දැවී 199
(ටමීම් ඉක්බාල් නොදැවී 141, එනමුල් හක් 24, ඉම්රුල් කේයස් නොදැවී 17)

ඩකා ඩයිනමයිට්ස් පිල - ඕවර 20 කදී කඩුලු 9 ක් දැවී 182
(උපුල් තරංග 48, රොනී තුලක්දාර් 66, නුරුල් හසන් 18, මහමදුල් හසන් 15, වහබ් රියාස් 28/3, තිසර පෙරේරා 35/2, මොහොමඞ් සයිෆුඩීන් 38/2)


-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...