. මහනුවර 31-26 කින් සී. ආර්. පරදවයි | කෙළිමඬල
2019 පෙබරවාරි මස 16 වැනි සෙනසුරාදා
මහනුවර 31-26 කින් සී. ආර්. පරදවයි
2019-02-09 19:22:25 | යොහාන් භාසුර

අන්තර් සමාජ ‘ඩයලොග්’ කුසලාන පළමු කොටසේ ලීග් රග්බි තරගාවලියේ දෙවැනි වටයේ හයවැනි සතිය යටතේ ලොන්ඩන් පෙදෙස සී. ආර්. පිටියේදී අද (09) පැවැති තරගයේදී මහනුවර පිල ලකුණු 31-26 කින් සත්කාරක සී. ආර්. ඇන්ඞ් එෆ්. සී. පිල පරාජය කිරීමට සමත් විය.

මෙය මහනුවර පිල මෙවර තරගාවලියේ තරග 13 කදී ලැබූ 11 වැනි ජයග්‍රහණය වේ.

මහනුවර ක්‍රීඩකයෝ තරගයේ පළමු අර්ධය අවසන් වන විට ලකුණු 28-16 ක් ලෙස පෙරමුණ ගැනීමට සමත්ව සිටියහ.

මහනුවර පිල තරගයේ පළමු මිනිත්තු අට තුළදී ගෝල දෙකක් සම්පූර්ණ කරමින් ලකුණු 14-0 ක් ලෙස පෙරමුණ ගැනීමට සමත් විය. අනුරුද්ධ විල්ලර තෙවැනි මිනිත්තුවේදී ද, උචිත ජයසූරිය හත්වැනි මිනිත්තුවේදී ද, සම්පූර්ණ කළ උත්සාහක දිනුම් තිළිණ විජේසිංහ ගෝල බවට ප්‍රවර්ථනය කළේය.

සිවරාජ් ස්ටීපන් 11 වැනි මිනිත්තුවේදී දඩුවම් පහරක් සාර්ථක කරමින් සී. ආර්. පිලට ලකුණු තුනක් එකතු කළ අතර ඒ අනුව ලකුණු පුවරුව 14-3 ක් බවට පත්විය.

මහනුවර පිලට 14 වැනි මිනිත්තුවේදී රොෂාන් වීරරත්න ද, 23 වැනි මිනිත්තුවේදී ෂෙහාන් පතිරණ ද, උත්සාහක දිනුම් එකතු කළ අතර තිළිණ විජේසිංහ අතිරේක ලකුණු හතර එකතු කිරීමත් සමඟ ලකුණු පුවරුව 28-3 ක් බවට පත්විය.

සී. ආර්. පිලට 28 වැනි මිනිත්තුවේදී වජීඞ් ෆවුමි සම්පූර්ණ කළ උත්සාහක දිනුම සිවරාජ් ස්ටීපන් ගෝලයක් බවට ප්‍රවර්ථනය කිරීමෙන් ලකුණු තත්ත්වය 28-10 ක් බවට පත්විය.

සී. ආර්. පිලට මිනිත්තු නවයක් තුළ ලැබුණු දඩුවම් පහර අවස්ථා තුනම සිවරාජ් ස්ටීපන් සාර්ථක කිරීමෙන් ලකුණු පුවරුව 28-16 ක් බවට පත්විය.

තිළිණ විජේසිංහ දෙවැනි අර්ධයේ අටවැනි මිනිත්තුවේදී මහනුවර පිලට දඩුවම් පහරක් සාර්ථක කරමින් ලකුණු පුවරුව 31-16 ක් බවට පත්කළේය.

ජනිඳු ඩිල්ෂාන් 17 වැනි මිනිත්තුවේදී සී. ආර්. පිලට එකතු කළ උත්සාහක දිනුමට තරින්ද රත්වත්ත අතිරේක ලකුණු එකතු කිරීමත් සමඟ ලකුණු තත්ත්වය 31-26 ක් බවට පත්විය.

ලකුණු පරතරය හතරක් බවට පත්වීමෙන් තරගය උණුසුම් වූ අතර අවසන් මිනිත්තු 22 කදී දෙපිලම ලකුණු රැස්කිරීමට අපොහොසත් විය.  

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ද්විත්ව ශතක 15 ක් - ශතක 114 ක්...
2019-02-12 18:52:14
අන්තර් සාමාජ පළමු පෙළ ක්‍රිකට් තරගාවලියේ ‘ඒ’ ශ්‍රේණිය යටතේ පැවැති තරගාවලිය අවසන් වනවිට පිතිකරුවන් සිව්දෙනෙකු ලකුණු 100...
දකුණු අප්‍රිකානු පළමු ඉනිම ලකුණු 235 කට සීමාවෙයි...
2019-02-13 14:59:14
ඩර්බන්හිදී අද (13 වැනිදා) ආරම්භවූ පළමු ටෙස්ට් තරගයේ පළමු දිනයේ වැඩි වාසී ශ්‍රී ලංකාවට ලබාදුන් වේග පන්දු යවන්නන් තරගයේ පාලනය සියතට ගනිම...
පාලනය බාරගන්න කියා ක්‍රීඩකයන් මට බලකරනවා...
2019-02-12 18:00:25
ශ්‍රී ලංකා ක්‍රිකට් ආයතනයේ පාලනය තමන්ට හැකි ඉක්මණින් ලබගන්නා ලෙස ක්‍රීඩකයන් ඇතුළු සියලුම පාර්ශවලින් තමන්ට බල කරන බව ශ්‍රී ...
විශාලතම මුදල ගෙනාවේ මමයි...
2019-02-11 21:03:55
ශ්‍රී ලංකා ක්‍රිකට් රූපවාහිනී අයිතිය සඳහා විශාලතම මුදල ගෙන ඒමට තම පාලන කාළයේ හැකියාව ලැබුණු බව ශ්‍රී ලංකා ක්‍රිකට් ආයතනයේ ...
ජනාධිපති විදුහල් පිහිනුම් තටාකය හෙට විවෘත කරයි ...
කොළඹ කොටිගනන් වියදම් කරලා පිහිනුම් තටාක හදනව මම දැක්කා පිංතූරයක් ගමෙ ඉස්කොලෙක දරවෙක් හෙල්ල විසිකරනව වැටහිරියා පොල්ලකින් පුදුම රටක් මෙක පිංතූරය ඔන්න...
දිමුත් කරුණාරත්න ටෙස්ට් නායකත්වයට...
ඔලුවේ කැක්කුමට කොට්ටා මාරු කරල හරියයිද? ...
දිමුත් කරුණාරත්න ටෙස්ට් නායකත්වයට...
මගෙනම් අදහස කුසල් මෙන්දිස්වත් ටිකකලකට නතර කල යුතුයි ...
නායකත්වය නැවතත් මැතිව්ස්ට යන හැඩ...
කණ්ඩායම තෝරන විදිහ හරිම ලජ්ජාසහගතයි. කුසල් මෙන්ඩිස් දිගටම අසාර්ථක වෙද්දී ඔහුව ඉවත් නොකරන්නේ ඇයි? කණ්ඩායමේ ඔහුගේ ස්ථානය ස්ථිරවම වෙන් කර දී අනිත් දහදෙනා...
ශ්‍රී ලංකා ‘ඒ’ ක්‍රීඩකයෝ 5-0 කින් අයර්ලන්ත ‘ඒ’ පි...
සුපිරියි... ජයවේවා !!!...