. විස්සයි20 තරගාවලියේ ජය නවසීලන්තයට | කෙළිමඬල
2019 අපේ‍්‍රල් මස 23 වැනි අගහරුවාදා
විස්සයි20 තරගාවලියේ ජය නවසීලන්තයට
2019-02-10 17:52:36 | .

ඉන්දීය කණ්ඩායමට එරෙහිව හැමිල්ටන්හි, සෙඩන් උද්‍යාන ක්‍රීඩාංගණයේදී අද (10 වැනිදා) පැවැති පළමු විස්සයි20 ක්‍රිකට් තරගයෙන් ලකුණු 4 ක තියුණු ජයක් ලැබූ නවසීලන්ත කණ්ඩායම, දෙරට අතර පැවැති තරග 3 කින් සමන්විත විස්සයි20 තරගාවලිය 2-1 ක් ලෙස ජය ගැනීමට සමත් විය.

ජයග්‍රහණය සඳහා ලකුණු 213 ක ඉලක්කයක් හඹාගිය ඉන්දීය කණ්ඩායමට ඕවර 20 ක් අවසානයේ කඩුලු 6 ක් දැවී රැස්කරගත හැකි වූයේ ලකුණු 208 ක් පමණි. එහිදී මිචෙල් සෑන්ට්නර් සහ ඩැරිල් මිචෙල් කඩුලු 2 බැගින් දවාගනිමින් ඉන්දීය කණ්ඩායම ජයග්‍රාහී මාවත හසුරා දැමූහ.

තරගය නිමාවන තෙක්ම කඩුල්ලේ රැදී සිටිමින් වේගවත් පිතිහරඹයක නිරත වූ දිනේෂ් කාර්තික් (නොදැවී 33) සහ කෘනාල් පාණ්ඩ්‍යා (නොදැවී 26), ඉන්දීය ඉනිමේ 6 වැනි කඩුල්ල වෙනුවෙන් පන්දු 28 කදී ලකුණු 63 ක නොබිඳුණ සම්බන්ධතාවක් ගොඩනැගූහ.

පන්දු 16 කට මුහුණදුන් දිනේෂ් කාර්තික්ගේ ඉනිමට හයේ පහර 4 ක් ඇතුළත් වූ අතර පන්දු 13 කදී වාර්තා වූ පාණ්ඩ්‍යාගේ ඉනිම හයේ පහර 2 කින් සහ හතරේ පහර 2 කින් සමන්විත විය. එහෙත් තරගය ජයගැනීම සඳහා අවසන් ඕවරයේදී අවශ්‍ය වූ ලකුණු 16 න් ඔවුන් දෙදෙනාට ලබාගත හැකි වූයේ ලකුණු 11 ක් පමණි.

ඉන්දීය ඉනිමේ වැඩිම ලකුණු ලාභියා බවට පත් වූ විජේ ශංකර්, පන්දු 28 කදී හයේ පහර 2 ක් සහ හතරේ පහර 5 ක් සමග ලකුණු 43 ක් රැස්කළද, ඔහුට සිය කණ්ඩායම පරාජයෙන් ගලවාගත නොහැකි විය. රෝහිත් ශර්මා හතරේ පහර 3 ක් සමග ලකුණු 38 ක්ද, රිෂාබ් පාන්ට් හයේ පහර 3 ක් සහ හතරේ පහරක් සමග ලකුණු 28 ක්ද ලබා සිටියදී දැවී ගියහ.

පළමුවෙන් පන්දුවට පහරදුන් නවසීලන්ත කණ්ඩායම ඕවර 20 අවසානයේ කඩුලු 4 ක් දැවී ලකුණු 212 ක් ලබාගත් අතර එහිදී ප්‍රවේගකාරී පිතිහරඹයක නිතර වූ කොලින් මුන්රෝ පන්දු 40 කදී ලකුණු 72 ක් රැස්කළේ හයේ පහර 5 ක් සහ හතරේ පහර 5 ක්ද සමගිනි. ටිම් සෙයිෆර්ට් (43) සමග එක්ව පළමු කඩුල්ල වෙනුවෙන් පන්දු 46 කදී ලකුණු 80 ක වේගවත් සම්බන්ධතාවක් ගොඩනැගීමටද මුන්රෝ සමත් විය.

පන්දු 25 කට මුහුණදුන් සෙයිෆර්ට් හයේ පහර 3 කින් සහ හතරේ පහර 3 කින් සිය ඉනිම සැරසූ අතර නායක විලියම්සන් පන්දු 21 කදී හතරේ පහර 3 ක් සමග ලකුණු 27 ක්ද, කොලින් ඩි’ග්‍රෑන්ඞ්හෝම් පන්දු 16 කදී හයේ පහරක් සහ හතරේ පහර 3 ක් සමග ලකුණු 30 ක්ද රැස්කරමින් නවසීලන්ත කණ්ඩායමේ ලකුණු සංඛ්‍යාව 200 සීමාවෙන් ඔබ්බට රැගෙන ගියහ.


නවසීලන්තය - ඕවර 20 කදී කඩුලු 4 ක් දැවී 212
(ටිම් සෙයිෆර්ට් 43, කොලින් මුන්රෝ 72, කේන් විලියම්සන් 27, කොලින් ඩි’ග්‍රෑන්ඞ්හෝම් 30, ඩැරිල් මිචෙල් නොදැවී 19, කුල්දීප් යාදව් 26/2)

ඉන්දියාව - ඕවර 20 කදී කඩුලු 6 ක් දැවී 208
(රෝහිත් ශර්මා 38, විජේ ශංකර් 43, රිෂාබ් පාන්ට් 28, හර්දීක් පාණ්ඩ්‍යා 21, දිනේෂ් කාර්තික් නොදැවී 33, කෘනාල් පාණඩ්‍යා නොදැවී 26, මිචෙල් සෑන්ට්නර් 32/2, ඩැරිල් මිචෙල් 27/2)

 

- 036

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල හයවැනි ජයත් ලබයි...
2019-04-18 20:15:50
ඉන්දීය ප්‍රිමියර් ලීග් තරගාවලියේ 34 වැනි තරගය ලෙස මුම්බායි ඉන්දියන්ස් කණ්ඩායම සහ දිල්ලි කැපිටල්ස් කණ්ඩායම අතර දිල්ලිහිදී අද (18 වැනිදා...
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
අසන්ත ද මැල්...
2019-04-18 18:39:23
“මම මාලිංගට දුරකථනයෙන් කථා කළා. මම ඔහුට කිව්වා අපිට ඔහුගේ නායකත්වය පිළිබඳව ප්‍රශ්නයක් නෑ. ඒත් මේ වෙලාවේ අපිට ඕනේ කණ්ඩායම එකමුතුව යන්න කිය...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
මාලිංග ක්‍රිකට් පිටියෙන් සමුගනී ...
ආගම පදනම් කරගෙන ක්‍රීඩකයන් තේරීම ශ්‍රී ලංකාවේ ක්‍රිකට් ක්‍රීඩාවේ අනාගතයට ඉතාමත් අහිතකර වේ. ...