. මොහාන් - රවීන් අභියාචනාධිකරණයේ පිහිට සොයති | කෙළිමඬල
2019 පෙබරවාරි මස 16 වැනි සෙනසුරාදා
මොහාන් - රවීන් අභියාචනාධිකරණයේ පිහිට සොයති
2019-02-10 17:56:10 | යොහාන් භාසුර

ශ්‍රී ලංකා ක්‍රිකට් ආයතනයේ නිලවරණයට ඉදිරිපත් කර තිබූ නාමයෝජනා ප්‍රතික්ෂේප වූ මොහාන් ද සිල්වා සහ රවීන් වික්‍රමරත්න යන මහත්වරු එම තීරණයට එරෙහිව අභියාචනාධිකරණයේ ලබන අඟහරුවාදා (12) නඩුවක් ගොණු කිරීමට සූදානමින් සිටින බව වාර්තා වේ.

විශ්‍රාමික ශ්‍රේෂ්ඨාධිකරණ විනිසුරු නිමල් දිසානායක මහතාගේ සභාපතිත්වයෙන් ක්‍රීඩා අමාත්‍යවරයා විසින් පත්කරන ලද ත්‍රිපුද්ගල අභියාචනා කමිටුවට ඉදිරිපත් වූ විරෝධතා පිළිබඳව සළකා බැලීමෙන් පසුව මොහාන් ද සිල්වා සහ රවීන් වික්‍රමරත්න යන මහත්වරුන්ගේ නාමයෝජනා ප්‍රතික්ෂේප කර තිබේ.

මොහාන් ද සිල්වා මහතා සභාපතිවරයා ලෙස ද, රවීන් වික්‍රමරත්න මහතා උප ලේකම්වරයා ලෙස ද, කටයුතු කරමින් සිටියදී 2005 වසරේ එවකට ක්‍රීඩා අමාත්‍ය ජීවන් කුමාරතුංග මහතා ගැසට් නිවේදනයක් මගින් එම කමිටුව විසුරුවා හැර අතුරු කමිටුවක් පත්කරන ලදි. එය හේතුව බවට පත්කරගනිමින් එම දෙපළගේ නාමයෝජනා ප්‍රතික්ෂේප කිරීමට පියවර ගෙන තිබේ.

මේ සම්බන්ධයෙන් කළ විමසීමකදී මොහාන් ද සිල්වා මහතා පැවසුවේ 2005 සිද්ධිය මූලික කරගෙන නාමයෝජනා ප්‍රතික්ෂේප කරන්නේ නම් නාමයෝජනා පිළිගත් කීපදෙනකු ද එම එම කමිටුවේ සිටි බවයි.
“2005 සිද්ධිය මූලික කරගෙන ප්‍රතික්ෂේප කරන්න නම් ඒ සම්බන්ධව අපිට එරෙහිව පරීක්‍ෂණයක් කරලා වරදකරුවන් වෙන් ඕනේ. ක්‍රීඩා පනතට අනුව මේ සිද්ධිය ගැන පරීක්‍ෂණයක් කළ යුතුයි. නමුත් එවැනි දෙයක් වූණේ නෑ. අපිට චෝදනා ඉදිරිපත් වෙලත් නෑ. පරීක්‍ෂණයක් කරලත් නෑ. ඉන් පසුවත් අපි ප්‍රධාන තනතුරුවල කටයුතු කළා. නමුත් කිසිඳු අවස්ථාවක අපි වරදකරුවන් වෙලා නෑ” යැයි මොහාන් ද සිල්වා මහතා වැඩි දුරටත් පැවසීය.    

මොහාන් ද සිල්වා මහතා මෙවර නිලවරණයට සභාපති, උප සභාපති සහ ලේකම් යන තනතුරු තුනට ද, රවීන් වික්‍රමරත්න මහතා උප සභාපති, භාණ්ඩාගාරික සහ උප ලේකම් යන තනතුරු තුනට ද නාමයෝජනා ඉදිරිපත් කර තිබුණි.

ශ්‍රී ලංකා ක්‍රිකට් ආයතනයේ නිලවරණය මේ මස 21 වැනිදා පැවැත්වීමට නියමිතය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ද්විත්ව ශතක 15 ක් - ශතක 114 ක්...
2019-02-12 18:52:14
අන්තර් සාමාජ පළමු පෙළ ක්‍රිකට් තරගාවලියේ ‘ඒ’ ශ්‍රේණිය යටතේ පැවැති තරගාවලිය අවසන් වනවිට පිතිකරුවන් සිව්දෙනෙකු ලකුණු 100...
දකුණු අප්‍රිකානු පළමු ඉනිම ලකුණු 235 කට සීමාවෙයි...
2019-02-13 14:59:14
ඩර්බන්හිදී අද (13 වැනිදා) ආරම්භවූ පළමු ටෙස්ට් තරගයේ පළමු දිනයේ වැඩි වාසී ශ්‍රී ලංකාවට ලබාදුන් වේග පන්දු යවන්නන් තරගයේ පාලනය සියතට ගනිම...
පාලනය බාරගන්න කියා ක්‍රීඩකයන් මට බලකරනවා...
2019-02-12 18:00:25
ශ්‍රී ලංකා ක්‍රිකට් ආයතනයේ පාලනය තමන්ට හැකි ඉක්මණින් ලබගන්නා ලෙස ක්‍රීඩකයන් ඇතුළු සියලුම පාර්ශවලින් තමන්ට බල කරන බව ශ්‍රී ...
විශාලතම මුදල ගෙනාවේ මමයි...
2019-02-11 21:03:55
ශ්‍රී ලංකා ක්‍රිකට් රූපවාහිනී අයිතිය සඳහා විශාලතම මුදල ගෙන ඒමට තම පාලන කාළයේ හැකියාව ලැබුණු බව ශ්‍රී ලංකා ක්‍රිකට් ආයතනයේ ...
ජනාධිපති විදුහල් පිහිනුම් තටාකය හෙට විවෘත කරයි ...
කොළඹ කොටිගනන් වියදම් කරලා පිහිනුම් තටාක හදනව මම දැක්කා පිංතූරයක් ගමෙ ඉස්කොලෙක දරවෙක් හෙල්ල විසිකරනව වැටහිරියා පොල්ලකින් පුදුම රටක් මෙක පිංතූරය ඔන්න...
දිමුත් කරුණාරත්න ටෙස්ට් නායකත්වයට...
ඔලුවේ කැක්කුමට කොට්ටා මාරු කරල හරියයිද? ...
දිමුත් කරුණාරත්න ටෙස්ට් නායකත්වයට...
මගෙනම් අදහස කුසල් මෙන්දිස්වත් ටිකකලකට නතර කල යුතුයි ...
නායකත්වය නැවතත් මැතිව්ස්ට යන හැඩ...
කණ්ඩායම තෝරන විදිහ හරිම ලජ්ජාසහගතයි. කුසල් මෙන්ඩිස් දිගටම අසාර්ථක වෙද්දී ඔහුව ඉවත් නොකරන්නේ ඇයි? කණ්ඩායමේ ඔහුගේ ස්ථානය ස්ථිරවම වෙන් කර දී අනිත් දහදෙනා...
ශ්‍රී ලංකා ‘ඒ’ ක්‍රීඩකයෝ 5-0 කින් අයර්ලන්ත ‘ඒ’ පි...
සුපිරියි... ජයවේවා !!!...