. මාක් වුඞ් - මුයින් අලී කොදෙව් පළමු ඉනිම වනසති | කෙළිමඬල
2019 පෙබරවාරි මස 16 වැනි සෙනසුරාදා
මාක් වුඞ් - මුයින් අලී කොදෙව් පළමු ඉනිම වනසති
2019-02-11 15:57:07 | .

එංගලන්තය සහ බටහිර ඉන්දීය කොදෙව් දූපත් අතර ශාන්ත ලුසියාහි ඩැරන් සැමී ක්‍රීඩාංගණයේදී පැවැත්වෙන තෙවැනි ටෙස්ට් ක්‍රිකට් තරගයේ දෙවැනි දිනය වූ අද (11 වැනිදා) කොදෙව් කණ්ඩායමේ පළමු ඉනිම ලකුණු 154 කට සීමා කිරීමට මාක් වුඞ් සහ මුයින් අලී ප්‍රමුඛ එංගලන්ත පන්දු යවන්නෝ සමත් වූහ. 

දෙවැනි දිනය සඳහා තරගය නතර කරන විට දෙවැනි ඉනිම වෙනුවෙන් පන්දුවට පහර දෙමින් සිටි එංගලන්ත කණ්ඩායම කිසිවකු නොදැවී ලකුණු 19 ක් ලබා සිටියේය. ඒ වන විට එංගලන්ත කණ්ඩායමේ ආරම්භක පිතිකරුවන් වන රෝරි බර්න්ස් ලකුණු 10 ක්ද, කීටන් ජෙනින්ස් ලකුණු 8 ක්ද ලබා නොදැවී කඩුල්ලේ රැදී සිටියහ. 

මුලු ලකුණු සංඛ්‍යාව 57 ක් වන විට පිට පිටම යවන ලද පන්දු දෙකකදී කොදෙව් කණ්ඩායමේ ආරම්භක පිතිකරුවන් දෙදෙනා වූ ක්‍රෙග් බ්‍රැත්වේට් (12) සහ ජෝන් කැම්බල් (41) පිටියෙන් ඉවත් කිරීමට මුයින් අලී සමත් විය. ඉන් අනතුරුව ක්‍රියාත්මක වූ මාක් වුඞ් ලකුණු 22 ක් තුළ කඩුලු 4 බිඳ දමමින් කොදෙව් කණ්ඩායමේ මැද පෙළ සුනුවිසුණු කර දැමුවේය. 

යම් තරමක් හෝ සාර්ථක වූ ෂේන් ඩොව්රිච් හතරේ පහර 6 ක් සමග ලකුණු 38 ක් ලබා සිටියදී ස්ටුවට් බ්‍රෝඞ්ගේ පන්දුවක් හමුවේ කඩුල්ල මුවා කිරීමේ වරදට හසුවෙමින් පිටියෙන් ඉවත්ව ගියේය. ඔහුගේ දැවී යෑමෙන් පසුව යළිත් ක්‍රියාත්මක වූ මුයින් අලී සහ මාර්ක් වුඞ්, සෙසු කඩුලු 3 ද බිඳහෙළමින් කොදෙව් කණ්ඩායමේ පළමු ඉනිම ලකුණු 154 කට සීමා කළේය. 

පළමු දිනය වූ ඊයේ (10 වැනිදා) තරගය නතර කරන විට කඩුලු 4 ක් දැවී ලකුණු 231 ක් ලබා සිටි එංගලන්ත කණ්ඩායමට අද දිනයේදී සිය පළමු ඉනිම සඳහා අලුතින් එක්කර ගත හැකි වූයේ ලකුණු 46 ක් පමණි. එහිදී එංගලන්ත පළමු ඉනිමේ පස්වැනි කඩුල්ල වෙනුවෙන් ජොස් බට්ලර් (67) සහ බෙන් ස්ටෝක්ස් (79) සමග එක්ව ගොඩනගා තිබූ සම්බන්ධතාව ලකුණු 125 කට සීමා කිරීමට ශැනන් ගේබි්‍රයල් සමත් විය. 

පන්දු 175 කට මුහුණදුන් ස්ටෝක්ස් හතරේ පහර 8 කිස් සිය අර්ධ ශතකය සැරසූ අතර පන්දු 127 කදී වාර්තා වූ බට්ලර්ගේ අර්ධ ශතකයට හතරේ පහර 9 ක් ඇතුළත් විය. ඔවුන්ගේ දැවීයාමෙන් අනතුරුව පන්දුවට පහරදීම සඳහා පැමිණි කිසිදු පිතිකරුවකුට පිටියේ සාර්ථක වීමට කොදෙව් පන්දු යවන්නෝ ඉඩක් නොදුන්හ.

කොදෙව් කණ්ඩායම වෙනුවෙන් දක්ෂ පන්දු යැවීමක නිතර වූ කේමර් රෝච් ලකුණු 48 කට කඩුලු 4 ක් දවාගත් අතර ශැනන් ගේබි්‍රයල්, කීමෝ පෝල් සහ අල්සාරී ජෝෂප් කඩුලු 2 බැගින් දවාගනිමින් එංගලන්ත පිතිකරුවන් අසරණ කිරීම සඳහා රෝච්ට අනගි සහායක් දුන්හ. 

එංගලන්ත පළමු ඉනිම - සියලු දෙනා දැවී 277 
(රෝරී බර්න්ස් 29, ජෝ ඩෙන්ලි 20, ජොස් බට්ලර් 67, බෙන් ස්ටෝක්ස් 79, කේමර් රෝච් 48/4, ශැනන් ගේබි්‍රයල් 49/2, කීමෝ පෝල් 58/2, අල්සාරී ජෝෂප් 61/2) 

කොදෙව් පළමු ඉනිම - සියලු දෙනා දැවී 154  
(ජෝන් කැම්බල් 41, ෂේන් ඩොව්රිච් 38, මාක් වුඞ් 41/5, මුයින් අලී 36/4) 

එංගලන්ත දෙවැනි ඉනිම - කිසිවකු නොදැවී 19 

-036 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ද්විත්ව ශතක 15 ක් - ශතක 114 ක්...
2019-02-12 18:52:14
අන්තර් සාමාජ පළමු පෙළ ක්‍රිකට් තරගාවලියේ ‘ඒ’ ශ්‍රේණිය යටතේ පැවැති තරගාවලිය අවසන් වනවිට පිතිකරුවන් සිව්දෙනෙකු ලකුණු 100...
දකුණු අප්‍රිකානු පළමු ඉනිම ලකුණු 235 කට සීමාවෙයි...
2019-02-13 14:59:14
ඩර්බන්හිදී අද (13 වැනිදා) ආරම්භවූ පළමු ටෙස්ට් තරගයේ පළමු දිනයේ වැඩි වාසී ශ්‍රී ලංකාවට ලබාදුන් වේග පන්දු යවන්නන් තරගයේ පාලනය සියතට ගනිම...
පාලනය බාරගන්න කියා ක්‍රීඩකයන් මට බලකරනවා...
2019-02-12 18:00:25
ශ්‍රී ලංකා ක්‍රිකට් ආයතනයේ පාලනය තමන්ට හැකි ඉක්මණින් ලබගන්නා ලෙස ක්‍රීඩකයන් ඇතුළු සියලුම පාර්ශවලින් තමන්ට බල කරන බව ශ්‍රී ...
විශාලතම මුදල ගෙනාවේ මමයි...
2019-02-11 21:03:55
ශ්‍රී ලංකා ක්‍රිකට් රූපවාහිනී අයිතිය සඳහා විශාලතම මුදල ගෙන ඒමට තම පාලන කාළයේ හැකියාව ලැබුණු බව ශ්‍රී ලංකා ක්‍රිකට් ආයතනයේ ...
ජනාධිපති විදුහල් පිහිනුම් තටාකය හෙට විවෘත කරයි ...
කොළඹ කොටිගනන් වියදම් කරලා පිහිනුම් තටාක හදනව මම දැක්කා පිංතූරයක් ගමෙ ඉස්කොලෙක දරවෙක් හෙල්ල විසිකරනව වැටහිරියා පොල්ලකින් පුදුම රටක් මෙක පිංතූරය ඔන්න...
දිමුත් කරුණාරත්න ටෙස්ට් නායකත්වයට...
ඔලුවේ කැක්කුමට කොට්ටා මාරු කරල හරියයිද? ...
දිමුත් කරුණාරත්න ටෙස්ට් නායකත්වයට...
මගෙනම් අදහස කුසල් මෙන්දිස්වත් ටිකකලකට නතර කල යුතුයි ...
නායකත්වය නැවතත් මැතිව්ස්ට යන හැඩ...
කණ්ඩායම තෝරන විදිහ හරිම ලජ්ජාසහගතයි. කුසල් මෙන්ඩිස් දිගටම අසාර්ථක වෙද්දී ඔහුව ඉවත් නොකරන්නේ ඇයි? කණ්ඩායමේ ඔහුගේ ස්ථානය ස්ථිරවම වෙන් කර දී අනිත් දහදෙනා...
ශ්‍රී ලංකා ‘ඒ’ ක්‍රීඩකයෝ 5-0 කින් අයර්ලන්ත ‘ඒ’ පි...
සුපිරියි... ජයවේවා !!!...