. අකිල ධනංජයට පන්දු යැවීමට අවසර දෙයි | කෙළිමඬල
2019 මැයි මස 19 වැනි ඉරිදා
අකිල ධනංජයට පන්දු යැවීමට අවසර දෙයි
2019-02-18 19:44:39 | යොහාන් භාසුර

පන්දු යැවීමේ ඉරියව්ව නීති විරෝධී වීම හේතුවෙන් අන්තර්ජාතික ක්‍රිකට් සභාව පන්දු යැවීම තහනම් කර තිබූ ශ්‍රී ලංකා පිට දඟ පන්දු යවන අකිල ධනංජයට නැවත අන්තර්ජාතික තරගවලදී පන්දු යැවීමට අන්තර්ජාතික ක්‍රිකට් සභාවෙන් අවසර ලැබී තිබේ.

ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා මහතා පැවසුවේ අකිලට අන්තර්ජාතික ක්‍රිකට් සභාවෙන් පන්දු යැවීමට අවසර ලබාදී ඇති බවයි.

“අකිලගේ පන්දු යැවීමේ ඉරියව් දැන් යථා තත්ත්වයට පත්ව ඇතැයි ද ඔහුට ඉදිරියේදී අන්තර්ජාතික තරගවලදී පන්දු යැවීමට හැකියාව ඇති බවත් අන්තර්ජාතික ක්‍රිකට් සභාව අද (18) පස්වරුවේ අපිට දැනුම්දී තිබුණා” යැයි ඈෂ්ලි ද සිල්වා මහතා වැඩි දුරටත් පැවසීය.

අකිල මෙම මස 01 වැනිදා චෙන්නායිහිදී පන්දු යැවීමේ ඉරියව් පිළිබඳ පරීක්‍ෂණයකට සහභාගි වූ අතර එහි ප්‍රතිඵල අනුව ඔහුගේ පන්දු යැවීමේ ඉරියව්ව නීතිමය තත්ත්වයට පත්ව තිබේ.  

එංගලන්තයට එරෙහිව පසුගිය වසරේ නොවැම්බර් මස ගාල්ලේදී පැවැති ටෙස්ට් තරගයේදී අකිලගේ පන්දු යැවීමේ ඉරියව් නීති විරෝධී යැයි චෝදනා එල්ල වූ අතර ඔහු ඉන් පසුව ඕස්ට්‍රේලියාවේදී පන්දු යැවීමේ ඉරියව් පිළිබඳ පරීක්‍ෂණයකට සහභාගි විය.

එම පරීක්‍ෂණයේ ප්‍රතිඵල අනුව අකිලගේ පන්දු යැවීමේ ඉරියව්ව නීති විරෝධී යැයි පවසමින් අන්තර්ජාතික ක්‍රිකට් සභාව අන්තර්ජාතික තරගවලදී පන්දු යැවීමේ තහනම් කළේය.

25 හැවිරිදි අකිල ටෙස්ට් තරග පහකදී කඩුලු 27 ක් ද, එක්දින තරග 30 කදී කඩුලු 46 ක් ද, විස්සයි20 තරග 16 කදී කඩුලු 16 ක් ද, දවාගැනීමට සමත්ව සිටියි. 

ඔබේ ප්‍රතිචාර
සුපුන් චින්තක ලියනගේ2019-02-20 10:39:20
නියම තීරණයක් ඉතාම සතුටුයි.

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මුම්බායි පිල සිව්වැනි අයි.පී.එල්. ශුරතාව දිනයි...
2019-05-12 19:40:39
හයිද්‍රාබාද්හි රජීව් ගාන්ධි අන්තර් ජාතික ක්‍රීඩාංගණයේදී අද (12 වැනිදා) පැවැති අවසන් මහ තරගයේදී චෙන්නායි සුපර්කිංග්ස් කණ්ඩායමට එරෙහ...
බංග්ලාදේශ පිල ශ්‍රී ලංකාවට එවන්නේ නෑ - නස්මුල් හස...
2019-05-12 18:40:32
මේ දිනවල ශ්‍රී ලංකාව තුළ පවතින වාතාවරණය අනුව ඉදිරියේදී තවත් ත්‍රස්තවාදී ප්‍රහාර එල්ලවේදැයි සැකයක් හටගෙන තිබීම නිසා එළබෙන ජූලි ...
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...