. ක්‍රීඩකයන්ගේ හැසිරීම ගැන විනය පියවර | කෙළිමඬල
2019 මාර්තු මස 24 වැනි ඉරිදා
ක්‍රීඩකයන්ගේ හැසිරීම ගැන විනය පියවර
2019-02-18 20:06:24 | යොහාන් භාසුර

දකුණු අප්‍රිකානු පිලට එරෙහිව ඩර්බන්හිදී පැවැති පළමු ටෙස්ට් තරගයේ ජයග්‍රහණයෙන් පසුව වීඩියෝ පටයකින් ප්‍රදර්ශනය වූ ශ්‍රී ලංකා ක්‍රිකට් කණ්ඩායමේ ඇතැම් ක්‍රීඩකයන්ගේ නොමනා හැසීරීම් පිළිබඳව අමාත්‍යංශ මට්ටමින් පරීක්‍ෂණයක් පවත්වා විනය පියවර ගන්නා බව ක්‍රීඩා අමාත්‍ය හරීන් ප්‍රනාන්දු මහතා අද (18) පැවසීය.

ශ්‍රී ලංකා ටෙස්ට් පිල පසුගිය සෙනසුරාදා (16 වැනිදා) පළමු ටෙස්ට් තරගයේ ජයග්‍රහණය සැමරීම සඳහා ඩර්බන් ක්‍රීඩාංගණයේ ක්‍රීඩකයන්ගේ විවේකාගාරයේදී පැවැත්වූ කෙටි සමරු සාදයකදී ඇතැම් ක්‍රීඩකයන්ගේ විනය විරෝධී හිසිරීම සමාජ මාධ්‍ය ජාලවල පළවූ විඩියෝවකින් දැකගත හැකිවිය.

මෙහිදී ඇතැම් ක්‍රීඩකයන් පරුෂ වචන ද පාවිච්චි කරමින් ඔවුන්ගේ අදහස් ශ්‍රී ලංකා ක්‍රිකට් ආයතනයට දැනුම් දෙන ලෙස කණ්ඩායම් කළමණාකාරවරයාට බලකරන ආකාරය දැකගත හැකිවිය.    

ක්‍රීඩා අමාත්‍ය හරීන් ප්‍රනාන්දු මහතාගෙන් ඒ පිළිබඳව කළ විමසුමකදී මෙසේ පැවසීය.

“කණ්ඩායම් කළමණාකරුගේ වාර්තාව මේ වන විට මට ලැබී තිබෙනවා. අපේ රටේ ක්‍රිකට් ක්‍රීඩාවේ අනාගතය පිළිබඳව කල්පනා කරලා දැනට මම එය තියාගෙන ඉන්නවා. නමුත් අපි එම සිද්ධිය පිළිබඳව ක්‍රීඩා අමාත්‍යංශ මට්ටමින් පියවරක් ගන්න ඕනේ”

“ක්‍රීඩකයන්ගේ විවේකාගාර තුළ මේ වගේ දේවල් කථා කරනවා. මමත් ක්‍රීඩා කරලා තියෙනවානේ. ඒක සාමාන්‍ය තත්ත්වයක්. මේක විඩියෝ කරලා සාමාජ මාධ්‍ය ජාලවල පළවීම ප්‍රශ්නයක්”

“විවේකාගාරයක් තුළ පෞද්ගලික මට්ටමින් වූ සිද්ධියක් වෙන කෙනෙක් තමන්ගේ වාසියට යොදා ගැනීම පිළිබඳව දැඩි පියවරක් ගන්න වෙනවා”

මෙම සිද්ධියේ ඉදිරියෙන්ම සිටි ක්‍රීඩකයන් කීපදෙනකු පිළිබඳව වඩාත් අවධානයෙන් කටයුතු කළ යුතුයි. ඒ සමඟම නැවත මෙවැනි සිද්ධි වුවහොත් දැඩි පියවර ගන්නා බවට කණ්ඩායමට දැනුම් දෙනවා”

“මෙම සිද්ධිය නිසා ජයග්‍රහණය පස්සට යන විදියෙ දෙයක් කරන්න බෑ. කණ්ඩායමට ප්‍රසාද දීමනාවක් දෙන්නත් අදහස් කර තිබෙනවා” යැයි ක්‍රීඩා අමාත්‍යවරයා වැඩි දුරටත් පැවසීය.

 

ඔබේ ප්‍රතිචාර
waduge2019-02-19 12:27:38
ප්‍රසාද දීමනා දෙනවිට දායකත්වය මත පදනම දියයුතුයි...
Upul2019-02-23 06:21:46
දැන් ඉතින් හොර සිගරට් හොර අරක්කු˛ ඇමති වෙමු නේද?

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...