. කුසල් - විශ්ව ශ්‍රේණිගත කිරීම්හි ඉදිරියට | කෙළිමඬල
2019 මැයි මස 20 වැනි සඳුදා
කුසල් - විශ්ව ශ්‍රේණිගත කිරීම්හි ඉදිරියට
2019-02-18 21:00:27 | .

අන්තර් ජාතික ක්‍රිකට් සභාවේ නවතම ටෙස්ට් ශ්‍රේණිගත කිරීම්වලට අනුව 40 වැනි ස්ථානය දක්වා ඉදිරියට පැමිණීමට ශ්‍රී ලංකා කණ්ඩායමේ මැද පෙළ පිතිකරු කුසල් පෙරේරා සමත්ව ඇත. දකුණු අප්‍රිකානු සංචාරයට ආරම්භ වීමට පෙර ටෙස්ට් පිතිකරුවන් අතර 98 වැනි ස්ථනයේ පසුවූ කුසල්, 40 වැනි ස්ථානය හිමිකරගෙන ඇත්තේ ස්ථාන 58 ක් ඉදිරියට එමිනි.

දකුණු අප්‍රිකාවට එරෙහිව ඩර්බන්හිදී පැවැති ටෙස්ට් තරගයේ පළමු ඉනිමේදී ලකුණු 51 ක්ද, දෙවැනි ඉනිමේදී නොදැවී ලකුණු 153 ක්ද රැස්කරමින් සහ අවසන් කඩුල්ල වෙනුවෙන් විශ්ව ප්‍රනාන්දු සමග එක්ව ලකුණු 78 ක නොබිඳුණ සම්බන්ධතාවක් ගොඩනගමින් දැක්වූ දක්ෂතා ඔහුට ශ්‍රේණිගත කිරීම්හි ඉදිරියට පැමිණීමට හේතු වී තිබේ. මේ වන විට ඔහු ලබා සිටින ප්‍රසාද ලකුණු සංඛ්‍යාව 556 කි.

පළමු ටෙස්ට් තරගයේදී ඉනිම් දෙකේදීම කඩුලු 4 බැගින් දවාගනිමින් පන්දුවෙන් දස්කම් දැක්වූ විශ්ව ප්‍රනාන්දු ටෙස්ට් පන්දු යවන්නන් අතර 49 වැනි ස්ථානයට පැමිණි ඇති අතර එම ලැයිස්තුවේ පෙරමුණේ පසුවූ කගිසෝ රබාඩාට එම ස්ථානය අහිමිවී තිබේ. ඊට හේතුවී ඇත්තේ එම තරගයේදී ඔහුට කැපී පෙනෙන යමක් කිරීමට නොහැකි වීමයි.

රබාඩාගේ පසුබැසීමත් සමග ටෙස්ට් පන්දු යවන්නන් අතර දෙවැනි ස්ථානයේ පසුවූ පැට් කමින්ස් එහි පළමු ස්ථානය අත්කරගෙන තිබේ. ඒ අනුව 2006 වසරේ ග්ලේන් මැග්‍රාත්ගෙන් පසුව ටෙස්ට් පන්දු යවන්නන් අතර පෙරමුණට පැමිණි පළමු ඕස්ටේ්‍රලියානු ක්‍රීඩකයා ලෙසද කමින්ස් වාර්තා අතරට එක්විය.

ශ්‍රී ලංකා කණ්ඩායමේ නායක දිමුත් කරුණාරත්න සහ දකුණු අප්‍රිකානු කණ්ඩායමේ නායක ෆෆ් ඩුප්ලෙසී ප්‍රසාද ලකුණු 688 බැගින් ලබා ටෙස්ට් ශ්‍රේණිගත කිරීම්හි සම 10 වැනි ස්ථානයේ පසුවෙති. පළමු ටෙස්ට් තරගයේදී දැක්වූ දක්ෂතා වලට අනුව දකුණු අප්‍රිකානු කණ්ඩායමේ කඩුලු රකින ක්‍රීඩක ක්වින්ටින් ඩි’කොක් ශ්‍රේණිගත කිරීම්හි 8 වැනි ස්ථානය දක්වා ඉහළට පැමිණ සිටියි.


-036

 

ඔබේ ප්‍රතිචාර
සුපුන් චින්තක ලියනගේ2019-02-20 10:41:24
සුපිරි ඉනිම

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංගට තරග දෙකක් මඟහැරෙයි...
2019-05-17 11:44:00
ශ්‍රී ලංකා එක්දින පිලේ හිටපු නායක වේග පන්දු යවන ක්‍රීඩක ලසිත් මාලිංග ලෝක කුසලාන ක්‍රිකට් තරගාවලියට සහභාගි වීම සඳහා මේ මස 21 වැ...
චන්දිමාල් ප්‍රාන්ත තරගාවලියේ තැනක් සොයයි...
2019-05-17 19:45:08
ලෝක කුසලාන තරගාවලියේ අවස්ථාව අහිමිවූ ජ්‍යෙෂ්ඨ පිතිකරු දිනේෂ් චන්දිමාල් ‘ඒ’ කණ්ඩායමෙන් නිදහස් කරන ලෙස ඉල්ලා සිටි බව තේරීම් ...
අමීර්ගේ බලාපොරොත්තු බොඳවෙන ලකුණු ...
2019-05-14 20:11:46
පැපොල රෝගය වැළඳීම හේතුවෙන් සත්කාරක එංගලන්ත පිලට එරෙහිව බි්‍රස්ටල් සහ නොටින්හෑම් හිදී පැවැත්වීමට නියමිත තෙවැනි සහ සිවුවැනි එක්දින තරග ව...
එංගලන්ත නායකයාට තරග තහනමක්...
2019-05-15 19:11:52
පාකිස්තානයට එරෙහිව බි්‍රස්ටල්හිදී පැවැති තෙවැනි එක්දින තරගයේදී නියමිත කාලයට යැවිය යුතු ඕවර සංඛ්‍යාවට වඩා ඕවර 2 ක් අඩුවෙන් යැවීම හේ...