. සුපිරි වටයේ තරග ඇරඹෙයි | කෙළිමඬල
2019 මාර්තු මස 24 වැනි ඉරිදා
සුපිරි වටයේ තරග ඇරඹෙයි
2019-02-22 18:52:09 | යොහාන් භාසුර

අන්තර් සමාජ ‘ඩයලොග්’ කුසලාන පළමු කොටසේ ලීග් රග්බි තරගාවලියේ ‘සුපිරි’ වටයේ තරග ආරම්භ කරමින් හැව්ලොක්ස් පිල සහ සී. ආර්. ඇන්ඞ් එෆ්. සී. පිල අතර තරගය හැව්ලොක්ස් පිටියේදී හෙට (23) පැවැත්වේ. මෙම තරගය පස්වරු 4.00 ට ආරම්භ වීමට නියමිතය.

‘සුපිරි’ වටයේදී කුසලාන ශූරතාව සඳහා ප්‍රසාද ලකුණු සටහනේ පළමු ස්ථානය ලැබූ හැව්ලොක්ස් පිල සහ සිවුවැනි ස්ථානය ලැබූ සී. ආර්. පිල අතර ද, දෙවැනි ස්ථානය ලැබූ මහනුවර පිල සහ තෙවැනි ස්ථානය ලැබූ සී. එච්. පිල අතර ද, තරග දෙකක් පැවැත්වේ.

එම තරග දෙකෙන් ජය ලබන කණ්ඩායම් දෙක අතර ද, පරාජය වන කණ්ඩායම් දෙක අතර ද, තවත් තරග දෙකක් පැවැත්වේ.

පළඟ ශූරතාව සඳහා ප්‍රසාද ලකුණු සටහනේ පස්වැනි ස්ථානයට පත්වූ යුද හමුදා පිල සහ අටවැනි ස්ථානයට පත්වූ ගුවන් හමුදා පිල අතර ද, හයවැනි ස්ථානයට පත්වූ පොලිස් පිල සහ හත්වැනි ස්ථානයට පත්වූ නාවික හමුදා පිල අතර ද, තරග දෙකක් පැවැත්වේ.

එම තරග දෙකෙන් ජය ලබන කණ්ඩායම් දෙක අතර ද, පරාජය වන කණ්ඩායම් දෙක අතර ද, තවත් තරග දෙකක් පැවැත්වේ.

 මෙම සියලුම තරගවලදී ලබාගත් ප්‍රසාද ලකුණු අනුව ‘කුසලාන’ සහ ‘පළඟ’ ශූරතා හිමිවේ.
තරගාවලියේ අවසන් තරග හතර ලබන සති අන්තයේ පැවැත්වීමට නියමිතය.


‘සුපිරි’ වටයේ තරග කාලසටහන

කුසලාන ශූරතාවලිය
● පෙබ. 23 - හැව්ලොක්ස් පිල සහ සී. ආර්. පිල අතර හැව්ලොක්ස් පිටියේදී
● පෙබ. 24 - මහනුවර පිල සහ සී. එච්. පිල අතර නිත්තවෙල පිටියේදී

පළඟ ශූරතාවලිය
● පෙබ. 23 - යුද හමුදා පිල සහ ගුවන් හමුදා පිල අතර වැලිසර නාවික හමුදා පිටියේදී
● පෙබ. 24 - පොලිස් පිල සහ නාවික හමුදා පිල අතර බම්බලපිටියේදී

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...