. වේල්ස් ක්‍රීඩකයෝ ග්‍රෑන්ඩ් ස්ලෑම් ශූරතාව සොයති | කෙළිමඬල
2019 මාර්තු මස 24 වැනි ඉරිදා
වේල්ස් ක්‍රීඩකයෝ ග්‍රෑන්ඩ් ස්ලෑම් ශූරතාව සොයති
2019-02-24 16:30:10 | (සැකසුම : මොහාන් ප්‍රනාන්දු)

එංගලන්තයට එරෙහිව සිය අවසන් හයකොන් රග්බි තරගය ප්‍රීති ප්‍රමෝදිතව සැමරූ වේල්සයේ පුහුණුකරු වොරන් ගැට්ලෑන්ඞ්ගේ විශ්වාසය එහෙම පිටින්ම රඳවා තැබීමට ඔහුගේ ක්‍රීඩකයෝ කාඩිෆ් නුවරදී සමත් වූහ. කාඩීෆ්හිදී පැවැති තුන්වැනි වටයේ තීරණාත්මක තරගයෙන් ලකුණු 21-13 ක ජයක් වාර්තා කළ වේල්ස් ක්‍රීඩකයෝ අපරාජිතවම (ග්‍රෑන්ඞ් ස්ලෑම්) මෙවර ශූරතාව දිනාගැනීමේ අවස්ථාවට ක්‍රම ක්‍රමයෙන් සමීප වෙමින් සිටිති.

වේල්ස් පිල ගෝලයකින්, උත්සාහක දිනුමකින් සහ දඬුවම් පහර 3 කින් ලකුණු ලබාගත් අතර එංගලන්තය ගෝලයකින් සහ දඬුවම් පහර දෙකකින් ලකුණු ලබාගත්තේය.

තරගයේ පළමු භාගය නිමාවනවිට ලකුණු 10-3 කින් පෙරමුණ ගෙන සිටි එංගලන්ත පිල හමුවේ සෑහෙන වේලාවක් දැඩි සටනක නිරතවූ වේල්සයට පුනර්ජීවය ලබාදුන් දෙවැනි පෙළ ක්‍රීඩක කොරී හිල් 68 වැනි මිනිත්තුවේදී තැබූ අනගි උත්සාහක දිනුම ෆ්ලයි හාෆ් ක්‍රීඩක ඩැන් බිගර් විසින් ප්‍රවර්තනය කරනු ලැබීමත් සමග කාඩිෆ් නුවර ක්‍රීඩාංගණය වේල්සයේ ක්‍රීඩාලෝලීන්ගේ ඔල්වරසන් හඬින් පිරී ඉතිරී ගියේය.

ඉන් ලැබූ උද්දාමයෙන් තරගයේ ඉතිරි කොටස ශක්ති සම්පන්නව ක්‍රීඩා කළ  වේල්සය හිස ඔසවා ගත්තේ ජොෂ් ඇඩම් තැබූ තීරණාත්මක උත්සාහක දිනුම මගිනි.

දෙපිලම තරගය ආරම්භයේ සිට ජයග්‍රහණය හඹා යාමට පටන් ගත් අතර ඕවන් ෆැරල් 17 වැනි මිනිත්තුවේදි සාර්ථක කරගත් දඬුවම් පහරින් ලකුණු 3-0 කින් පෙරමුණ ගැනීමට එංගලන්තය සමත්විය. අනතුරුව 23 වැනි මිනිත්තුවේදී වේල්සයේ ගැරත් අන්ස්කොම්බේ දඬුවම් පහරක් සාර්ථක කරමින් ලකුණු සංඛ්‍යාව 3-3 කින් සම කළත් විවේක කාලයට පෙර පෙරමුණ ගැනීමට එංගලන්තය සමත්වූයේ 26 වැනි මිනිත්තුවේදී ටොම් කරී ප්‍රතිවාදී සීමාව තුළට රිංගා ගැනීමට සමත්වීමත් සමගය. ෆැරල් එය සාර්ථකව ප්‍රවර්තනය කරමින් එංගලන්තයට ඉහළට ඔසවා තැබුවේය.

දෙවැනි භාගයේදී පිට පිට දඬුවම් පහර දෙකක්ම සාර්ථක කරගැනීමට ඇන්ස්කොම්බේ සමත්වෙද්දී ෆැරල් එක් දඬුවම් පහරක් සාර්ථක කර ගත්තේය.

මෙය වේල්සය පිට පිට ලැබූ 12 වැනි ජයග්‍රහණය ද විය.

 

(සැකසුම : මොහාන් ප්‍රනාන්දු)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...