. මහනුවර ක්‍රීඩකයෝ සී.එච්. පරදවති | කෙළිමඬල
2019 මාර්තු මස 24 වැනි ඉරිදා
මහනුවර ක්‍රීඩකයෝ සී.එච්. පරදවති
2019-02-24 18:23:20 | යොහාන් භාසුර

‘ඩයලොග්’ කුසලාන පළමු කොටසේ ලීග් රග්බි තරගාවලියේ ‘සුපිරි’ වටයේ ‘කුසලාන’ ශූරතා දෙවැනි තරගය ලෙස නිත්තවෙලදී අද (24) පැවැති තරගයේදී මහනුවර පිල විසින් ලකුණු 31-13 ක් ලෙසින් සී. එච්. ඇන්ඞ් එෆ්. සී. පිල පරාජය කරන ලදි.

සී. එච්. පිල පළමු අර්ධය අවසන් වන විට ලකුණු 6-3 ක් ලෙස පෙරමුණේ පසුවුවද දෙවැනි අර්ධයේ අවසන් භාගයේදී පෙරමුණට පැමිණියේය.

තරගයේ 18 වැනි මිනිත්තුවේදී සී. එච්. පිලේ සැමුවෙල් මධුවන්ත දඩුවම් පහරක් සාර්ථක කරමින් ලකුණු පුවරුව ක්‍රියාත්මක කළේය. මධුවන්ත 20 වැනි මිනිත්තුවේදී ඩ්‍රොප් ගෝලයක් සාර්ථක කරමින් සී. එච්. පිල ලකුණු 6-0 ක් ලෙස පෙරමුණට ගත්තේය.

තිළිණ විජේසිංහ 28 වැනි මිනිත්තුවේදී දඩුවම් පහරක් සාර්ථක කරමින් මහනුවර පිල ඉදිරියෙන් පැවති බිංදුව මකා දැම්මේය.

මහනුවර පිල දෙවැනි අර්ධයේ සිවුවැනි මිනිත්තුවේ සිට 18 වැනි මිනිත්තුව දක්වා මිනිත්තු 14 ක් තුළ ගෝල දෙකක් සම්පූර්ණ කිරීමෙන් ලකුණු 17-6 ක් ලෙස පෙරමුණට පැමිණීම කැපී පෙනුණි.
 
නයිජල් රත්වත්තේ සහ අනුරුද්ධ විල්ලර එහිදී උත්සාහක දිනුම් දෙකක් සම්පූර්ණ කළ අතර තිළිණ විජේසිංහ එම උත්සාහක දිනුම් දෙකම ගෝල බවට ප්‍රවර්ථනය කළේය.

සැමුවෙල් මධුවන්ත 23 වැනි මිනිත්තුවේදී සී. එච්. පිලට උත්සාහක දිනුමක් එකතු කළේය. සැමුවෙල් මධුවන්ත විසින්ම එය ගෝලයක් බවට ප්‍රවර්ථනය කරන ලදී. ඒ අනුව ලකුණු තත්ත්වය 17-13 ක් බවට පත්විය.

ජයිජල් රත්වත්තේ 37 වැනි මිනිත්තුවේදී එකතු කළ උත්සාහක දිනුමත් සමඟ මහනුවර පිලට අවදානමෙන් ගැලවුණි. තිළිණ විජේසිංහ එය ගෝලයක් බවට ප්‍රවර්ථනය කිරීමෙන් ලකුණු පුවරුව 24-13 ක් බවට පත්විය.
තිළිණ විජේසිංහ තරගය අවසන් වීමට ඔන්න මෙන්න තිබියදී ගෝලකණු අතර තැබූ පන්දුවට ඔහු විසින්ම අතිරේක ලකුණු එකතු කිරීමෙන් අවසන් ලකුණු තත්ත්වය 31-13 ක් බවට පත්විය.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...