. අයර්ලන්තය බලාපොරොත්තු අලුත්කරගනී | කෙළිමඬල
2019 මාර්තු මස 24 වැනි ඉරිදා
අයර්ලන්තය බලාපොරොත්තු අලුත්කරගනී
2019-02-25 15:49:46 | සැකසුම : මොහාන් ප්‍රනාන්දු

හය කොන් රග්බි ශූරතාවලියේ ඉතිරිව ඇති තීරණාත්මක තරග වට දෙකේදී හිස ඔසවා ගැනීමේ අවස්ථාව උදා කරගනිමින් රෝමයේ දී ඉතාලිය ලකුණු 26-16 කින් පරාජය කළ අයර්ලන්තය කුසලානය අත්පත් කරගැනීමේ බලාපොරොත්තු අලුත් කරගත්තේය.

එංගලන්තය පරාජය කිරීමට වේල්සය සමත්වීමත් සමග පසුගිය වසරේදී ග්‍රෑන්ඞ් ස්ලෑම් ශූරයන් ලෙස අපරාජිතව කුසලානය දිනූ ජෝ ෂිමිඩිට්ගේ ගුරුහරුකම් ලබන අයර්ලන්ත පිලට මෙවර එය රැක ගැනීමට තවමත් අවස්ථාව ඉතිරිව තිබේ.

කීත් අර්ල්ස් සහ කොනෝර් මරේ දෙවැනි භාගයේදී තැබූ උත්සාහක දිනුම් නිසා තරගය පුරා උත්සාහක දිනුම් 4 කටම හිමිකම් කියමින් ප්‍රසාද ලකුණක් ද අත්කර ගැනීමට අයර්ලන්තය සමත්වූවත් පළමු භාගය නිමාවනවිට ඔවුන් පසුවූයේ ලකුණු 12-16 ක් ලෙස පසුපසිනි.

පළමු භාගය නිමාවනවිට ලකුණු 4 ක් ඉදිරියෙන් සිටි නමුත් අන්තිමට ලකුණු 9කින් පරාජයට පත්වූ ඉතාලියට තරගයේ අන්තිම මොහොතේ ලැබුණු දඬුවම් පහර සාර්ථක කරගැනීමට හැකිවුවානම් ප්‍රසාද ලකුණක් එකතු කරගැනිමටද අවස්ථාව තිබිණි. පළමු භාගයේ 19 වැනි සහ 25 වැනි මිනිත්තුවලදී දඬුවම් පහර දෙකක් සාර්ථක කරගත් තෝමස් ඇලන්ට ඒ අවස්ථාවේදී නිවැරැදිව ඉලක්කය ගැනීමට නොහැකිවිය.

ඉතාලියේ ඉරණම විසඳුනු අයර්ලන්තයේ පළමු උත්සාහක දිනුම 10 වැනි මිනිත්තුවේදී තබනු ලැබුවේ ක්වින් රූක්ස් විසිනි. ප්‍රතිවාදී ආරක්ෂක වළල්ල කඩා බිඳ දමා ඒ අවස්ථාව රූක්ස්ට උදා කර දුන්නේ ජේකොබ් ස්ටොක්ඬේල් සහ ක්‍රිස් ෆැරල් විසිනි.

එහෙත් ඉන් අනතුරුව 32 වැනි මිනිත්තුවේ සිට මිනිත්තු 6ක් ඇතුළත උත්සාහක දිනුම් දෙකක්ම තබමින් ඉතාලිය සිය ආගන්තුක කණ්ඩායමේ ඉවසීම පරික්ෂා කර බැලීමෙන් අයර්ලන්ත ක්‍රීඩකයෝ අන්දමන්ද වූහ. 32 වැනි මිනිත්තුවේදී එඩොවාඩෝ පැඩොවානිත්, 38 වැනි මිනිත්තුවේදී ලූකා මොරිසිත් තැබූ මේ උත්සාහක දිනුම් ද්විත්වයට පින්සිදු වන්නට පළමු භාගය නිමාවනවිට පෙරමුණ ගැනීමට ඉතාලිය සමත්විය.

අර්ල්ස්ගේ සහ මරේගේ උත්සාහක දිනුම් වාර්තා වූයේ දෙවැනි භාගයේ පිළිවෙළින් 50 වැනි සහ 66 වැනි මිනිත්තුවලදීය. ඒ දෙකම ගෝල බවට ප්‍රවර්තනය කළ මරේ අයර්ලන්ත පිලේ ජයග්‍රහණය තහවුරු කළේය.

 

සැකසුම : මොහාන් ප්‍රනාන්දු

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...