. පළඟ ශූරතාව පොලිසියට | කෙළිමඬල
2019 මාර්තු මස 24 වැනි ඉරිදා
පළඟ ශූරතාව පොලිසියට
2019-03-02 19:37:20 | යොහාන් භාසුර

ශ්‍රී ලංකා රග්බි සංගමය මෙහෙයවන අන්තර් සමාජ ‘ඩයලොග්’ කුසලාන පළමු කොටසේ ලීග් රග්බි තරගාවලියේ ‘පළඟ ශූරතාව’ දිනාගැනීමට පොලිස් ක්‍රීඩකයෝ අද (02) සමත් වූහ. වැලිසර නාවික හමුදා ක්‍රීඩාංගණයේදී අද පැවැති ‘පළඟ ශූරතා’ අවසන් තරගයේදී පොලිස් පිල විසින් ලකුණු 50-27 කින් යුද හමුදා පිල පරාජය කරන ලදි.

පොලිස් පිල අතිරේක ප්‍රසාද ලකුණත් ලබාගනිමින් ප්‍රසාද ලකුණු සංඛ්‍යාව 44 ක් ලෙස සම තත්ත්වයට පත්කළේය. පසුව පොලිස් පිල ලබාගත් උත්සාහක දිනුම් සංඛ්‍යාව අනුව ‘පළඟ’ ශූරතාව පොලිසියට ප්‍රදානය කෙරිණ.

මෙම තරගයට පෙර යුද හමුදා පිල ප්‍රසාද ලකුණු 44 ක් ද, පොලිස් පිල ප්‍රසාද ලකුණු 38 ක් ද, ලබා යුද හමුදා පිල ප්‍රසාද ලකුණු 6 ක් ඉදිරියෙන් සිටියේය.

මෙම තරගයේ පළමු අර්ධය අවසන් වන විට යුද හමුදා පිල ලකුණු 20-19 ක් ලෙස පෙරමුණේ පසුවුද දෙවැනි අර්ධයේදී යුද හමුදාව පසු බැස්සේය.  පොලිස් පිල දෙවැනි අර්ධයේදී තරගයේ පාලනය සියතට ගනිමින් ගෝල තුනකින් සහ උත්සාහක දෙකකින් ලකුණු 31 ක් රැස්කරමින් ජයග්‍රහණයට ළගාවිය.

පොලිස් පිල වෙනුවෙන් ජනිත් චන්දිමාල් උත්සාහක දිනුම් තුනක්ද, ගිහාන් සිල්වා උත්සාහක දිනුම් දෙකක්ද, ඊමේසි වින්වෝසා, උදය සංජුල සහ සචිත් සිල්වා උත්සාහක දිනුම බැගින් එකතු කිරීමට සමත් වූහ.

ජනිත් චන්දිමාල් තරගයේ වීරයා බවට පත්වෙමින් ගෝල ප්‍රවර්ථන තුනක් ද, සචිත් සිල්වා ගෝල ප්‍රවර්ථන දෙකක්ද, සාර්ථක කළහ.

යුද හමුදා පිලට ධනුක විජේතිලක, උපුල් අබේරත්න සහ රිෂ්වි මොහොමඞ් උත්සාහක දිනුම බැගින් සම්පූර්ණ කළහ. ඉසුරු මැදගෙදර ගෝල ප්‍රවර්ථන දෙකක් සහ දඩුවම් පහර දෙකක් සාර්ථක කළේය.  


ඡායාරූපය - චතුර එස්. කොඩිකාර

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...