. ඉසිපතන - වෙස්ලි ජය ලබයි | කෙළිමඬල
2019 මාර්තු මස 24 වැනි ඉරිදා
ඉසිපතන - වෙස්ලි ජය ලබයි
2019-03-10 20:12:45 | යොහාන් භාසුර

ශ්‍රී ලංකා පාසල් රග්බි සංගමය මෙහෙයවන වයස 19 න් පහළ ‘සිංගර්’ කුසලාන ලීග් රග්බි තරගාවලියේ දෙවැනි සතිය යටතේ අද (10) පස්වරුවේ පැවැති තරගවලදී ඉසිපතන විදුහල සහ වෙස්ලි විදුහල ජය ලැබීමට සමත් විය.

මහනුවර, පල්ළෙකැලේ රග්බි පිටියේදී පැවැති තරගයේදී ඉසිපතන විදුහල් පිල ලකුණු 27-15 කින් සත්කාරක ත්‍රිත්ව විදුහල පරාජය කිරීමට සමත් විය. ඉසිපතන විදුහල පළමු අර්ධය අවසන් වන විට ලකුණු 17-5 ක් ලෙස පෙරමුණේ පසුවිය.

ඉසිපතන විදුහල ගෝල දෙකකින්, උත්සාහක දිනුම් දෙකකින් සහ දඩුවම් පහරකින් ලකුණු රැස්කළේය. ත්‍රිත්ව විදුහලට උත්සාහක දිනුම් තුනකින් ලකුණු එකතු විය.

ඉසිපතන විදුහල මෙම තරගයේදී අතිරේක ප්‍රසාද ලකුණ ලබාගැනීමත් සමඟ ප්‍රසාද ලකුණු 12 ක් සමගින් තව දුරටත් පළමු කොටසේ දෙවැනි කාණ්ඩයේ පළමු ස්ථානය රැකගත්තේය.  

මලියදේව විදුහල් පිටියේදී පැවැති තරගයේදී වෙස්ලි විදුහල ලකුණු 50-10 කින් මලියදේව විදුහල් පිල පරාජය කළේය. වෙස්ලි විදුහල පළමු අර්ධය අවසන් වන විට ලකුණු 26-0 ක් ලෙස පෙරමුණ ගැනීමට සමත්ව සිටියේය.

වෙස්ලි විදුහල් ක්‍රීඩකයෝ ගෝල පහකින් සහ උත්සාහක දිනුම් තුනකින් ලකුණු 50 රැස් කළේය. මලියදේව විදුහල් පිල ගෝලයකින් සහ දඩුවම් පහරකින් ලකුණු ලැබීය.    

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
හතුරුසිංහ පුහුණුකරු තනතුරේ දිගටම...
2019-03-22 18:48:34
ලෝක කුසලාන තරගාවලියේදී ශ්‍රී ලංකා පිලේ ප්‍රධාන පුහුණුකරු ලෙස වර්තමාන පුහුණුකරු චන්දික හතුරුසිංහ මහතා ම කටයුතු කරන බව ශ්‍රී ලංක...