. එංගලන්තයට සියුම් බලාපොරොත්තුවක් | කෙළිමඬල
2019 අපේ‍්‍රල් මස 20 වැනි සෙනසුරාදා
එංගලන්තයට සියුම් බලාපොරොත්තුවක්
2019-03-16 16:14:50 | සැකසුම : මොහාන් ප්‍රනාන්දු

කාඩිෆ් නුවරදී පැවැත්වෙන තරගයේදී අයර්ලන්තය පරාජය කිරීමට වේල්සය අසමත් වුවහොත් හයකොන් තරගාවලියේ ශූරතාවට අත තැබීමට ට්විකන්හැම්හීදී ස්කොට්ලන්තය සමග තරග වදින එංගලන්තයට අවස්ථාව ලැබෙනු අත. එංගලන්තය දැන් බලාපොරොත්තු වන්නේ ඒ ආකාරයට වැඩ සිද්ධවනු දැකීමය. ඒ සඳහා අතිරේක ප්‍රසාද ලකුණක් ද සහිතව, ස්කොට්ලන්තය හමුවේ හැකි උපරිම ලකුණු ප්‍රමාණයක් රැස් කිරීමට එංගලන්තයට සිදුවී තිබේ.

එංගලන්ත පුහුණුකරු එඩී ජෝන්ස් සිය කණ්ඩායම දැනටමත් නම් කර හමාරය. වෙනස්කම් කිහිපයක් පෙනෙන්නට තිබුණත් එහි එතරම් විමතියට පත්වන සුලු විශේෂයක් නම් දක්නට නොමැත.

වින්ග් ක්‍රීඩකයා ලෙස ජැක් නොවෙල් ඇතුළට ගෙන ජෝ කොකනාසිගා එළියට දැමීමත්, හෙන්රි ස්ලේඞ්ට ක්‍රීඩා කිරීමට අවස්ථාව ලබාදෙමින් බෙන් ටී. බංකුවේ වාඩි කර තැබීමටත්, ඇතුළු තවත් වෙනස් කම් දෙකක් පමණ ජෝන්ස් සිදු කර තිබේ. එඩී ජෝන්ස් වෙනස්කම් 4 ක් කරද්දී ස්කොට්ලන්තයේ පුහුණුකරු ග්‍රෙගරි ටවුන්සෙන්ඞ් සිය කණ්ඩායමේ වෙනස්කම් 6 ක්ම් කර තිබේ.

වසර 1983 ට පසුව පළමු වතාවට ට්විකන්හැම් හීදී තරගයක් දිනාගැනිමට බලා සිටින ස්කොට්ලන්තයේ පුහුණුකරු කියන්නේ අනාවැකි පළ කරන්නන් දැනටමත් සිය කණ්ඩායමේ ජයග්‍රහණය සහතික කර ඇති බවය. තරගයේ ජයග්‍රහණය ලැබුවත් ස්කොට්ලන්තයට කුසලානය හිමි වන්නේ නැත. ඔවුන් සිටින්නේ ප්‍රසාද ලකුණු සටහනේ පහළ ස්ථානයකය.

මේ අතර වේල්සයේ ක්‍රීඩකයන් දැඩි වෙහෙසට පත්වී ඇතැයි කී එංගලන්ත පිලේ පුහුණුකරු එඩී ජෝන්ස්ට තමන්ගේ වැඩක් බලාගන්නා ලෙස වේල්සයේ පුහුණුකරු වොරන් ගැට්ලන්ඞ් බැණ වැදුණේය.

“අපේ මැච් එක ගැන මොන මඟුලකටද එඩී කතා කරන්නෙ..? මං එයාට කියන්නේ ගිහින් ස්කොට්ලන්තය එක්ක තියෙන මැච් එකට අවධානය යොමු කරන්න කියලයි” ගැට්ලන්ඞ් ඊයේ කිහිප අවස්ථාවකදීම එසේ කීවේය.

එංගලන්ත පුහුණුකරු වේල්සයේ ක්‍රීඩකයන් ගැන කීවේ අයර්ලන්ත - වේල්ස් තරගයේදි කාඩිෆ් නුවර ප්‍රින්සිපලිට් ක්‍රීඩාංගණයේ වහළය විවෘතව තබන ලෙසට අයර්ලන්ත කළ ඉල්ලීමක් ගැන ප්‍රතිචාර දක්වමිනි.
හයකොන් රග්බි තරගාවලියේ නීතිරීති අනුව යම්කිසි ක්‍රීඩාංගණයක වහළය විවෘතව තැබීම හෝ වසා තැබීම දෙපිලේහිම එකඟතාව මත සිදුවිය යුතුය. එහෙත් වේල්සයේ ඉල්ලීමකට අනුව එම වහළය වසා තැබීමට සංවිධායක මණ්ඩලය පියවර ගෙන තිබූ අතර එය නීතිවිරෝධි බැවින් වහළය විවෘතව තබන ලෙස අයර්ලන්තය ඉල්ලා සිටියේය. අවසානයේ අයර්ලන්තයේ ඉල්ලීමට අවනත වීමට සංවිධායකයන්ට සිදුවිය.

එඩී ජෝන්ස් මේ පිළිබඳ කියා සිටියේ වේල්සයේ ක්‍රීඩකයන් දැඩි වෙහෙසට පත්ව ඇති බවකි. සෙනසුරාදා කාඩිෆ් නුවර වර්ෂාව ඇද හැලීමට  ඉඩ ඇතැයි එරට කාලගුණ අනාවැකිවලින් කියැවිනි.

වේල්සයේ ක්‍රීඩකයන් වර්ෂාව මැද ක්‍රීඩා කිරීමට අසමත් බවටත්, අයර්ලන්තය ඒ අතින් ඉදිරියෙන් පසුවන බවටත් ඇතැමෙක් කියති.

සැකසුම : මොහාන් ප්‍රනාන්දු

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ලෝක කුසලාන පිලේ නායකත්වය දිමුත්ට...
2019-04-16 12:50:36
ලබන මාසයේදී ආරම්භ වන ලෝක කුසලාන තරගාවලියේදී ශ්‍රී ලංකා කණ්ඩායම මෙහෙයවීමේ වගකීම ටෙස්ට් නායක දිමුත් කරුණාරත්නට පැවරෙනු ඇතැයි වාර්තා වේ. ලෝක කු...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
ලෝක කුසලාන තරගාවලියෙන් ප්‍රබලයෝ විසිවෙති...
2019-04-18 13:53:06
එංගලන්තයේදී ලබන මැයි මස 30 වැනිදා ආරම්භ වන ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා සංචිතයෙන් ශ්‍රී ලංකා පිලේ හිටපු ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
ආරම්භක පිතිකරුවන් තෝරාගැනීමේ හිසරදය...
මේ පාර ලෝක කුසලානය දිනන්න ඕනි නෑ. 2023 ලෝක කුසාලනය ඉලක්ක කරගෙනවත් ටීම් එක තේරුවනම් හොදයි. ක්‍රිකට් දන්න අය ගහපු හැටි අපි දැක්කා හොදටම. අලුත් ක...