. දකුණු අප්‍රිකාව සුපිරි ඕවරය ජයගනී | කෙළිමඬල
2019 අපේ‍්‍රල් මස 20 වැනි සෙනසුරාදා
දකුණු අප්‍රිකාව සුපිරි ඕවරය ජයගනී
2019-03-19 21:28:52 | .

තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-20 තරගයේදී දකුණු අප්‍රිකානු කණ්ඩායම සුපිරි ඕවරය ජයගත්තේය.  

දෙපිලේම ලකුණු (134) සමවීම හේතුවෙන් ලසිත් මාලිංග විසින් යවන ලද සුපිරි ඕවරයේදී ඬේවිඞ් මිලර් (13) සහ රාසි වැන්ඩසන් (1) එක්ව ලකුණු 14 ක් ලබාගත්හ. ශ්‍රී ලංකාව වෙනුවෙන් පිටියට පිවිසි තිසර පෙරේරා (02) සහ අවිශ්ක ප්‍රනාන්දුට (01) ඉම්රාන් තහීර් විසින් යවන ලද සුපිරි ඕවරයේදී ලබාගත හැකිවූයේ ලකුණු 03 ක් පමණි. අනෙක් ලකුණ වයිඞ් පන්දුවකින් ලැබිණ.

දකුණු අප්‍රිකාව මෙම ජයත් සමග 1-0 ක් ලෙසින් තරගාවලියේ පෙරමුණ ගත්තේය.

ලකුණු 135 ක ඉලක්කයක් කරා යද්දී දකුණු අප්‍රිකානු කණ්ඩායම 10 වැනි ඕවරය නිමා වන විට කඩුලු 3 ක් දැවී ලකුණු 58 ක් ලබා සිටි නමුත් අවශ්‍ය වේලාවේදී ප්‍රහාරය ඇරඹීම සඳහා කඩුලු රැකගැනීම ඔවුන්ගේ අරමුණ වී තිබිණ. 15 වැනි සහ 16 වැනි ඕවර දෙකේදී ලකුණු 29 ක් ලබාගත් ඬේවිඞ් මිලර් සහ රාසි වැන්ඩසන් එහි ප්‍රතිඵල ලබාගත්හ.

14 වැනි ඕවරය නිමා වන විට ජයග්‍රහණය සඳහා අවශ්‍ය ලකුණු වේගය ඕවරයකදී ලකුණු 9 ආසන්නයේ විය. පන්දුව බාරගත් ඉසුරු උදානගේ පළමු ඕවරයේදීම ලකුණු 15 ක් රැස්කළ ඬේවිඞ් මිලර් සිය කණ්ඩායම නැවතත් තරගයට ඇදගෙන ආවේය. ඊළඟ ඕවරයේදී තවත් ලකුණු 14 ක් එක්වූයෙන් දකුණු අප්‍රිකානු ඉලක්කය පන්දු 24 කදී ලකුණු 18 ක් තරම් පහසු එකක් විය.

ඉසුරු උදානගේ මුල් ඕවර දෙකේදී ලකුණු 28 ක් උදුරා ගැනීමට දකුණු අප්‍රිකානුවෝ සමත් වූ නමුත් අවසන් ඕවරයේ පන්දු 6 ලකුණු 4 කට සීමාකරගත් ඉසුරු උදාන තරගය සමකරගත්තේය. එහෙත් අවසන් පන්දුවේදී නිරෝෂන් දික්වැල්ල අතින් ඉතාමත් පහසු දුවද්දී දැවීයාමක් මඟහැරීම හේතුවෙන් තරගය සම විය. එම අවස්ථාවේදී ඬේල් ස්ටේන් දවාගැනීමට දික්වැල්ල සමත් වූයේ නම් තරගයේ ජය ශ්‍රී ලංකා පිල සතු වන්නට තිබිණ.

දකුණු අප්‍රිකානු නායක ෆෆ් ඩුප්ලෙසි කාසියේ වාසිය දිනා පන්දු යැවීම තෝරාගත් බැවින් ශ්‍රී ලංකා ඉනිම ලකුණු 134 කට සීමා විය. ආරම්භක පිතිකරු නිරෝෂන් දික්වැල්ල නැවත වරක් ලකුණු නොලබා දැවී ගිය අතර ශ්‍රී ලංකා පිතිකරුවන් අතුරින් ලකුණු 20 ඉක්මවා ලබාගත හැකිවූයේ තවමත් 20 හැවිරිදි කමිඳු මෙන්ඩිස්ට පමණි.
සිය දෙවැනි විස්සයි-20 තරගයට ක්‍රීඩා කළ කමිඳු මෙන්ඩිස් පන්දු 29 කින් ලකුණු 41 ක් ලබා සිටියදී ඉම්රාන් තහිර් ගුවනට මුසුකළ පන්දුවකට පියවර කීපයක් ඉදිරියට පැමිණ පහරක් ගැසීමට ගොස් ස්ටම්ප් කිරීමට හසුවිය. කමිඳුගේ ඉනිම හතරේ පහර තුනක් සහ හයේ පහර දෙකකින් වර්ණවත් විය.

මෙම තරගයේදී විස්සයි20 අන්තර්ජාතික වරම් හිමිකරගත් යොවුන් පිතිකරු අවිෂ්ක ප්‍රනාන්දුගේ ඉනිම රීසා හෙන්ඩි්‍රක්ස් හතරේ සීමාව අසළදී රැකගත් දුර්ලභ උඩ පන්දුව හේතුවෙන් ලකුණු 16 කට සීමා විය. රීසා හෙන්ඩි්‍රක්ස් හතරේ සීමාව ඔන්න මෙන්න සිට පන්දුව ගුවනට යොමුකරමින් හතරේ සීමාවෙන් එපිටට ගොස් නැවත ක්‍රීඩාංගණය තුළදී උඩ පන්දුවක් ලෙස රැකගත්තේය.  අවිෂ්ක පන්දු 15 කදී හයේ පහර දෙකක් සමගින් ලකුණු 16 රැස් කළේය.

කුසල් මෙන්ඩිස් පන්දු හයකදී ලකුණු නොලබා දෙවැනි කඩුල්ල ලෙස පිටියෙන් ඉවත් විය.  
නිරෝෂන් දික්වැල්ල ඉනිමේ දෙවැනි පන්දුවේදී ලකුණු නොලබා දැවී යෑමෙන් ආරම්භය අසාර්ථක විය.
දකුණතින් වේග පන්දු යවන ඇන්ඩිල් පෙලුක්වායෝ සාර්ථකම පන්දු යවන්නා බවට පත්වෙමින් ලකුනු 25 කට කඩුලු තුනක් දවාගත්තේය.

 


- 048

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ලෝක කුසලාන පිලේ නායකත්වය දිමුත්ට...
2019-04-16 12:50:36
ලබන මාසයේදී ආරම්භ වන ලෝක කුසලාන තරගාවලියේදී ශ්‍රී ලංකා කණ්ඩායම මෙහෙයවීමේ වගකීම ටෙස්ට් නායක දිමුත් කරුණාරත්නට පැවරෙනු ඇතැයි වාර්තා වේ. ලෝක කු...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
ලෝක කුසලාන තරගාවලියෙන් ප්‍රබලයෝ විසිවෙති...
2019-04-18 13:53:06
එංගලන්තයේදී ලබන මැයි මස 30 වැනිදා ආරම්භ වන ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා සංචිතයෙන් ශ්‍රී ලංකා පිලේ හිටපු ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
ආරම්භක පිතිකරුවන් තෝරාගැනීමේ හිසරදය...
මේ පාර ලෝක කුසලානය දිනන්න ඕනි නෑ. 2023 ලෝක කුසාලනය ඉලක්ක කරගෙනවත් ටීම් එක තේරුවනම් හොදයි. ක්‍රිකට් දන්න අය ගහපු හැටි අපි දැක්කා හොදටම. අලුත් ක...