. ක්ලිෆර්ඩ් කුසලානය හැව්ලොක්ස් පිලට | කෙළිමඬල
2019 අපේ‍්‍රල් මස 20 වැනි සෙනසුරාදා
ක්ලිෆර්ඩ් කුසලානය හැව්ලොක්ස් පිලට
2019-03-24 19:01:01 | යොහාන් භාසුර

ශ්‍රී ලංකා රග්බි සංගමය මෙහෙයවූ අන්තර් සමාජ පළමු කොටසේ ‘ඩයලොග්’ ‘ක්ලිෆර්ඞ්’ කුසලාන පිළිමළුන් පිටුදැකීමේ රග්බි තරගාවලියේ ශූරතාව දිනාගැනීමට හැව්ලොක්ස් ක්‍රීඩකයෝ අද (24) සමත් වූහ. ගුවන් හමුදා පිලට අනු ශූරතාව හිමිවිය.

කොළඹ පැරණි තුරඟ තරග පිටියේදී අද පැවැති අවසන් මහ තරගයේදී හැව්ලොක්ස් පිල ලකුණු 40-21 කින් ගුවන් හමුදා පිල පරාජය කළේය. හැව්ලොක්ස් පිල පළමු අර්ධය අවසන් වන විට ලකුණු 21-14 ලෙස ඉදිරියෙන් සිටියේය.

හැව්ලොක්ස් ක්‍රීඩා සමාජය ‘ඩයලොග්’ ‘ක්ලිෆර්ඞ්’ කුසලාන රග්බි ශූරතාව වසර 38 ක පසුව ජය ලැබීම මෙහිදී කැපී පෙනේ. හැව්ලොක්ස් පිල අවසන් වරට 1981 වසරේ ‘ක්ලිෆර්ඞ්’ කුසලාන දිනාසිටියේය.

තරගයේ සිවුවැනි මිනිත්තුවේදී මිතුන් හපුගොඩ හැව්ලොක්ස් පිලට එකතු කළ උත්සාහක දිනුමෙන් ලකුණු පුවරුව ක්‍රියාත්මක විය. රීසා මුබාරක් එයට අතිරේක ලකුණු එකතු කිරීමෙන් හැව්ලොක්ස් පිල ලකුණු 7-0 ක් ලෙස පෙරමුණ ගත්තේය.

ගුවන් හමුදා පිලට 12 වැනි මිනිත්තුවේදී චාල්ස් ප්‍රවීන් සම්පූර්ණ කළ උත්සාහක දිනුම චරිත් සෙනෙවිරත්න ගෝලයක් බවට ප්‍රවර්ථනය කිරීමෙන් ලකුණු පුවරුව 7-7 ක් ලෙස සමවිය.

හැව්ලොක්ස් පිලට 13 වැනි මිනිත්තුවේදී සයන් සබාර් ද, 19 වැනි මිනිත්තුවේදී චාමර දාබරේ ද, උත්සාහක දිනුම බැගින් සම්පූර්ණ කළ අතර රීසා මුබාරක් ඒවා ගෝල බවට ප්‍රවර්ථනය කළේය. ඒ අනුව හැව්ලොක්ස් පිල ලකුණු 21-7 ක් ලෙස පරතරය වැඩිකරගත්තේය.

ගුවන් හමුදා පිලට පළමු අර්ධය අවසන් වීමට මිනිත්තුවක් පමණ තිබියදී ඉෂාර මධුෂාන් එකතු කළ උත්සාහක දිනුමට චරිත් සෙනෙවිරත්න අතිරේක ලකුණු එකතු කිරීමත් සමඟ ලකුණු පුවරුව 21-14 ක් බවට පත්විය.
රීසා මුබාරක් දෙවැනි අර්ධයේ හයවැනි සහ 11 වැනි මිනිත්තුවලදී දඩුවම් පහර දෙකක් සාර්ථක කරමින් හැව්ලොක්ස් පිල ලකුණු 27-14 ක් ලෙස පෙරමුණෙන් තැබීය.

තිළිණ බණ්ඩාර 19 වැනි මිනිත්තුවේදී සම්පූර්ණ කළ උත්සාහක දිනුම් චරිත් සෙනෙවිරත්න ගෝලයක් බවට ප්‍රවර්ථනය කිරීමත් සමඟ ගුවන් හමුදා පිල ලකුණු 21-27 ක් ලෙස ලකුණු පරතරය හයක් බවට පත්කරගත්තේය.
ලසිඳු කරුණාතිලක 24 වැනි මිනිත්තුවේදී හැව්ලොක්ස් පිලට තවත් උත්සාහක දිනුමක් එකතු කළ අතර රීසා මුබාරක් එයට අතිරේක ලකුණු මුසු කිරීමෙන් අවදානම තුනී විය. ඒත් සමඟ ලකුණු තත්ත්වය 34-21 ක් බවට පත්විය.

රීසා මුබාරක් තරගයේ අවසන් මිනිත්තු 10 තුළදී තවත් දඩුවම් පහර දෙකක් සම්පූර්ණ කරමින් හැව්ලොක්ස් ලකුණු සංඛ්‍යාව 40 ක් බවට පත්කළේය.   

ඡායාරූප - ළහිරු හර්ෂණ

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
මාලිංග ක්‍රිකට් පිටියෙන් සමුගනී ...
2019-04-17 20:23:33
ශ්‍රී ලංකා එක්දින පිලේ හිටපු නායක සුපිරි වේග පන්දු යවන ක්‍රීඩක ලසිත් මාලිංග අන්තර්ජාතික ක්‍රිකට් පිටියෙන් සමුගැනීමට තීරණය කර ඇ...
ලෝක කුසලාන පිලේ නායකත්වය දිමුත්ට...
2019-04-16 12:50:36
ලබන මාසයේදී ආරම්භ වන ලෝක කුසලාන තරගාවලියේදී ශ්‍රී ලංකා කණ්ඩායම මෙහෙයවීමේ වගකීම ටෙස්ට් නායක දිමුත් කරුණාරත්නට පැවරෙනු ඇතැයි වාර්තා වේ. ලෝක කු...
ආරම්භක පිතිකරුවන් තෝරාගැනීමේ හිසරදය...
2019-04-17 13:35:49
ශ්‍රී ලංකාව ක්‍රිකට් ලෝක ශූරයන් බවට පත්වූ 1996 වසරේදී මෙන්ම අනු ශූරයන් බවට පත්වූ 2007 සහ 2011 වසරවලදීත් ශ්‍රී ලංකා කණ්ඩායමට ආර...
ලෝක කුසලාන තරගාවලියෙන් ප්‍රබලයෝ විසිවෙති...
2019-04-18 13:53:06
එංගලන්තයේදී ලබන මැයි මස 30 වැනිදා ආරම්භ වන ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා සංචිතයෙන් ශ්‍රී ලංකා පිලේ හිටපු ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...
ආරම්භක පිතිකරුවන් තෝරාගැනීමේ හිසරදය...
මේ පාර ලෝක කුසලානය දිනන්න ඕනි නෑ. 2023 ලෝක කුසාලනය ඉලක්ක කරගෙනවත් ටීම් එක තේරුවනම් හොදයි. ක්‍රිකට් දන්න අය ගහපු හැටි අපි දැක්කා හොදටම. අලුත් ක...